لخبيرات الآي شدو وظلال العيون

اهلين حبيبتي

ذكرتيني بمعاناتي سابقا في الايشدو كنت استغرب ليه اللون في العلبه مش زي في الجفون وبعدين عرفت الاسباب اول شي لازم تحطي برايمر خاص للعين ولكن بعد سلسلة تجارب وجدت ان الكحل الابيض تعمليه كقاعده على الجفن يعطي المطلوب من ثبات للظل وتقريبا نفس اللون ولكن جودة الايشدو مهمه بصراحه مو شرط يكوون غالي اشتريت ماركات غاليه وماركات متوسطة السعر لقيت المتوسطة فيها جوده وثبات وتعطي نفس اللون بعطيكي ماركات مجربتها رووعه عندك ماركة سينما اللون الواحد بخمسين ريال من محلات الجمله الي بسوق الكورنيش لو كنتي بجده الدور الخامس اوكى عندك ماركة جيرماس مره حلوه اللون بـ 15 برضو من محلات الجمله عندك ماركة بريستيج اللون بـ 15 وفيه عندك ماركة سيما مره خطيره اللون ب15 وتقدري تعملي بالييت وانا افضل البالييت الي تختاري الالوان انتي لان لمن تشترين علبه جاهزه اكثر من النص ماحتستفيدو منو كمان فيه ماركه مررررررره حلووه جربته افي المحل فقط اسمها انجلوت موجوده في الريدسي مول بجده اللون الواحد بـ 35 ريال عجبتني وان شاءالله بشتري منها بالييت بالنسبه للوس باودر اي شدو انتي جربي في المحل وبتلاقين مرادك لان عن نفسي ماحب اللمعه والشيمر لكن لمن تروحي محلات فيها بنات يشتغلو تاخذي راحتك في التجارب وبالتوفيق يارب واتمنى اكون افدتك ولاتحرمينا من اطيب الدعوت

انا كمان ابغى ايشادو يكون حلو ويثبت
بس بالنسبه انه اللون يكون نفس اللي بالعلبه يفضل انك ماتحطي على جفونك بودره وقت الماكياج فقط حطي كونسيلر وبعده حطي الايشدو افضل طريقه حتى يطلع اللون يشبه اللي بالعلبه وانا اعتمدت هالطريقه

يا أهلا وسهلا فيك .

الله يجزاك بكل خير يارب ويوفقك ويسهل لك امورك كلها .

نصائحك جدا جدا مفيده ومثل قيمة الذهب .

ماشاء الله شكلك خبرة بالمكياج ,, والأجمل ماحرمتينا من خبراتك وتجاربك . :)

فعلا انا انقهر لما احط الظل ويبهبت مع الوقت ,, او اصلا مايطلع لي بالفرشه او السفنجه مثل اللي موجود بدرجة اللون اللي في العلبه .

وكلما سمعت وحده تمدح شركة ورحت ابي اشتريها الاقي عليها نقد كثير من الناس ومن متابعتي ليوتيوب واهون منها . :(

ان شاء الله فورا ابحث عن الماركات اللي ذكرتيها خصوصا انجلوت , انا من الرياض لكن محلات المكياج عندنا كثير . :D

واجرب الطريقة اللي ذكرتيها بالظل الابيض ان شاء الله تنفع معي .

بالنسبه للجليتر انا احتاجه للمناسبات ولقيت نوع جدا جميل من nyx قلم ظل يجنن ... لكن ما أدري هو اصدار محدود او مخصص لدول فقط ,, مالقيته ابد لا في السوق ولاحتى بالنت .. شفته مع وحده في يوتيوب لكن اجنبيه وماراح ترد علي لو سألتها .. :(

فيه منه نفس الطريقة من شركة لوريال لكن مايحتوي على نفس اللمعة المطلوبه , فقلت اسأل لعل وعسى الاقي اجابه .

الله يعافيك ماقصرتي الله لايقصر بعمرك .

يامرحبا فيك .

جربي الشركات اللي ذكرتها الاخت اسمي سوسو .

ان شاء الله تناسبك وتستفيدي منها .

انا احط الكونسيلر ثم البودرة , يمكن هذا برضو من الاخطاء اللي تصير معي ومايثبت الظل .

طريقتك برضو حلوة ان شاء الله اسويها ويارب تضبط معي .

الله يعافيك ويجزاك خير على مرورك وردك الاروع .

كل الشكر لك .

اول شي حطي بيسى حق ظل العيون وكونسيلر قبل ماتشتغلين الظل عندك ظل ماركة فلورا سعره معقول ولوانه حلوه وثابته وعندك ماركة سيفورا وعندهم علب فيها عدة الوان يعني مجموعه افضل من انك تاخذين حبات الوان واوفر لك وعند سيفورا علبه فيها الوان بقلتر وعدة الوان بعد