التجمع الخامس عشر لااجمل كروشات سبتمبر 9 واكتوبر 10 👶🏻🎀🎉

السلام عليكم ✋
والله انا في نص الثامن ولسى ماجهزت شنطة المشتشفى ولا ادري وش احط فيها واغراضي واغراض البيبي لسى بأكياسها حتى شنطتي اللي راح اخذها لبيت اهلي ماجهزتها وسرير البيبي لسى في الكرتون 🙈
وطبعاً نفاسي عند اهلي انا بكريه ومره متحمسه اكون عند امي وقريبه منها واتعلم اهتم في البيبي منها لأني لسى صغيره مااعرف للبيبي كثير يادوب اعرف اشيلها وكمان اخاف تمرض وماانتبه لها تجي عليا والله 🙈
وووو عندنا النفاس في المجلس احط سريري وسرير البيبي و نستقبل الزوار في ايييي وقت حياهم الله حتى عندنا بعض الحريم الكبار يجو الصباح وعادي النفاس تتوقع الزوار ومااحد يتضايق مانحدد يوم معين لزيارت مااحد يسوي كذا عندنا 😊

صباح الخير كروشات انا لي فتره مادخلت المجمع بس متابعتكم بصمت كنت معاكم باول التجمع لايكون نسيتوني 😢 بعدها انشغلت سافرت تركيا ورجعت وجتني حماتي عندي مادري متى مر الوقت بسرعه حاليا بنص الثامن اخر دوره 24/2 اعتقد جانو معي بنفس التاريخ بنات اللي من الرياض ومحتاره وين تولد ليش مافكرتو بالحمادي صراحه روووعه ولدت العام فيه وارتحت معهم وحاليا اراجع كمان بالنسبه للي يسالو عن اسرة الاطفال خذي من سنتر بوينت انا اخذت العام منه وليومك كانه جديد ماشاءالله طبعا الين خمس سنوات يقدر ينام فيه وانا للحين لاشريت شي لي ولا للبيبي من اول الحمل يطلع بالسونار ولد واكدت لي اخر مرره انه ولد لاتنسوني حطوني بالقائمه وبالنسبه للنفاس يابنات جيتو ع الجرح والله انا اعيش بغربه اهلي بعيدين مررره وهذا الحمل السادس ومعي عيال بالمدارس وطفل توه ماكمل سنه ونص شايله هم النفاس اكثر من الولاده والشغالات تخبرون ماتعرفين وش يجيك منهم 😔😔

انا بعد بعيدة عن اهلي
واهله
كلهم بمكة وجدة
وانا هنا
والشغالة راحت
وعندي دوام باول شهر 11
مدري كيف اتصرف
اذا جات الولادة قالوا قيصرية يعني بكون بالمستشفى اربعه ايام
وزوجي عنده دوام
مدري كيف البنات
اوك اذا سمحوله اخذ اجازة وجلس معاهم
طيب وبعدين
تعب علي البيت
خاصة ان بعد شهر ونص ناقلين بيت جديد
نقل ومدرسة وةولادة

فيه شغله ثانية
يقول اولد بجدة
والمدرسة مابيعطوني اجازة الا بالتاسع
مدري كيف بسافر
وكيف اخذ بناتي من مدارسهم وانقلهم هناك شهر
مدري كيف هالاجررآءات
الله يعين بس
وارجع هنا وانقلهم بعد

سلامتك والله يابدور
لاتوقفي كثير تزيد
ارفعي رجولك وخليهم يكبسونك بناتك
والله يهون عليك ويكتب اجرك يارب
هانت باذن الله

لا تخافي ترواح انا تجيني في كل حمله والحمدلله الله تروح بس هذي المرة تجي لي اذا طولت في الوقوف والمشي.