كيف اقنعتي زوجك بالاسم اللي تبينه

مرحبا بنات
ضايق صدري مررره نفسي باسم واليوم فأجئني زوجي انه بيسمي ع امه المشكله موب ف اسم امه
الاسم جدا عادي لاهو بزين ولا شين انا مشكلتي
مع تكرار الاسم تخيلووو اخوانه وخواته مسمينه كلهم يعني بنتي بتكون رقم 7 بهالاسم وانا وحده احب التميز حامت كبدي من تكرار هالاسم
وهي اول فرحتي ان شاءالله قلت ماعليه بسمي اللي ابي والثانيه سماها اسم امك قال لا بسميها الاولى والباقي لك مررره كارهته ولا ابيه وش السووواه حتى صياح صحت < متأززمه هههههه
انقهرت انا عارفه انه بالشرع حق التسميه للوالد
بس هذا انا تكاليف ولادتي واغراضي وكلش ع اهلي ولا فكرت اسمي ولا هم يبوني اسمي لاني ابي اسم جديد جيل عن جيل اختلف وعشان ما ينشب لي باسم امه ونشب :(




بس انتو وش سويتو اللي مروا بهالحاله وكيف اقنعتوهم ولو انتو مكاني وش تسوون ولا تقولون رأس ماله اسم تكفوون الا شي ضروري

21 تعليق 6,686 مشاهدة

شاركي في النقاش

سجلي الدخول لإضافة تعليق.

التعليقات

21
  1. @rym_albshayr

    شوفي حبيبتي حاولي قد ماتقدرين بالاسلوب الحلو والاقناع ولاشاف بنيته بيحن قلبه ان شاءالله
    بس اذا رفض الفكره مررره تعوذي من بليس كله اسم والاسم مو شين على قولتك
    بس معللللليش ليش اهلك اللي متكفلين بتجهيزك وولادتك زوجك وينه ووش دوره
  2. @lhd_olh

    نفس زوجي
    ومانفع معاه كل الحيل يقولي اخواني مايحبون امي اكثر مني
    وفي النهايه سميت باامه 😥
  3. @shbasty_dayaah

    انا نفس الشيء بس كان اسم شين وزعلت ﻻن اهلي كانو مثلك هم اللي يودوني ويجيبوني وهو ماكلف حاله وزعلت ووصلتها ﻻابوي الله يطول بعمره ووقتها استحى من ابوي ﻻن ماله وجه وابوي قال بنسوي ثلاث اوراق كل ورقه باسم وحطيت اﻻسم اللي ابيه وهو بعد واﻻسم الثالث على ابوي وخﻻني انا اختار ووقتها يدي على قلبي خايفه يطلع اﻻسم اللي اختاره زوجي بس الحمد الله طلع اﻻسم اللي اخترته .. وسميناها بالاسم ذا ...
  4. @bnt_mk2015

    لا تحاولي اتقبلي الاسم وخلاص
    اكيد اهله وامه واخوانه لعبو في راسه
    سلمي امرك لله مالك الا الدعاء
  5. @ryhan_ofl

    انا مثلك وانا حامل مسكت لي اسم حلو عاجبني وطول فترة حملي معطيني مقلب ويقول طيب انتي تسمينها ويوم ولدت سماها ب اسم غيييير اسم اختاره ولا شاورني حتى. انقهرت وجاتني حمى وانا نفاس من القهر. بس ماباليد حيله رضيت بالامر الواقع وسلمت. نصيحتي لك حاولي معاه بالطيب مارضي لاتجادلينه وتتعبين نفسك

تابعي تجارب أخرى من هذا القسم.