لا حول ولا قوة الا بالله .. ساكته عشان عيالك !!!!!
تتوقعين أنك تقدرين تربينهم وهم يشوفون ابوهم يضرب أمهم و أبوهم مدمن و بخيل ولا يصلي !
تتوقعين بيسامحونك على هالعيشة ولا لا !!!
الضمان ما راح يعطونك شيء عارفه ليه ! لـ انهم عارفين الضعيفات الي مثلك حرام يعطونهم وبعدين يجي زوجك وياخذها منهم
ويصرف ع ادمانه ... وتجي هي تقول الضمان ما عطوني والضمان ما سوو لي ..
ما يعطون الا المطلقات والأرامل والي زوجها مقعد .. الي وقفت بوجه زوجها وأخذت حقها هذي يعطونها لـ انهم يحسونها كافحت وحاولت ..
نصيحتي لك خلك امرأه قوية واتركي هالضعف عنك .. زوجك كل مره يوعد وتسامحينه هالمرة طقيها بوجهه ووجه غيره وحافظي ع عيالك
قولي له لو ع حبل المشنقة ما رجعت لك وعيالي كبروا وبيقومون فيني واتركيه خليه يموت بحسرته
وحتى أهلك لو قالو لك ارجعي ارفضي وروحي المحكمه غصب عليه ومن ورا خشمه ينفق عليكم .. بدل لا يجلس يلاحقكم ويطفي المكيفات
وان كان لك نية ترجعين لا ترجعين الا بورقة مختومة من المستشفى ان دمه مافيه شيء وانه ترك أدمانه
أن قدرتي قومي واشتغلي وخلي عيالك يساعدونك .. اتركي عنك السؤال والدين ومده يدك للناس
أقل شيء اللحين ممكن تشتغلين فيه ويطلع لك مبلغ بدون رأس مال ..
امسكي عيال جاراتك اذا راحوا الدوام 6 ساعات بـ 1000 بالشهر طفل او طفلين او حتى 3 يدخل عليك مبلغ
قومي واطبخي عزايم او بوفيهات اذا طبخك زين ..
شوفي الانستقرام وشلون مشاريع عيديات حلويات منتجات من النت .. محد وقف مكانه ...
" اسفة لو شديت بكلامي بس والله العظيم وربي يشهد ما اتمنى اشوف اخت لي بهذا الموقف الضعيف تحت ظل رجل مو كفووووو :
بخل زوجي
متابعة النقاش، صفحة 2