طريقتي في التمليس مع الماء لشعري بالبيت , كلمة روووووعه قليله عليه

ما عندي فكره ان شالله البنات يفيدونك , بس أنا بنظري أي مملس ينفع له الطريقه هذي , لأن المملسات عامة نفس الماده الأساسيه فيها اللي هي ( هيدروكسيد الكالسيوم ) لكن أنا اخترت مملس أطفال لأنه أقل ضرر على الشعر من مملس الكبار , لو ما لقيتي عادي استخدمي أي مملس بس بشرط تكون نوعيته جيده و مجربه

هلا اختي

فكره حلوه , طيب جربتيها لها ؟ لو ايه قوليلنا عن النتيجه

صحيح بنات للمعلوميه فقط


احذروا الحامل أبداااا لا تسوي تمليس الدكاتره يقولون أنه مضر , حتى الصبغ

كم سعره ووين ينوجد بالرياض

جزاك الله خير عالتجربة
انا حاقول تجربتي عشان الكل يستفيد
اول شي الاخت اللي تسال عن الصبغة حاقلها شي واحد بس
لو حابة تصيري قرعا وتشوفي الخصلة زي ماهي من جذورها تطلع ف يدك سويه واصبغي


نرجع للمهم
المملس معروف لو سويتيه مرة استحالة تقدري تستغني عنو
انا وحدة من الناس قولت لنفسي اجربو مو خسرانة حاجة , انبسطت بالنتيجة كم شهر بالكتير يعني 3 شهور وبعدها شوفت العجب العجاب
اللي حتسوي تمليس تحط فبالها ماراح تقدر تستغني عنو لان الشعر ينعدم بدونو ويسير اخس من اول وحاتضطر كل شوية شوية تسويه ومع الوقت ماحتحس الا وشعرها معدوم ومايفيد فيلو شي وحتضطر تسويه تاني وماحنخلص
انا فعلا ندمت اني سويتو لان شعري جدا انعدم وطاح ومتقصف بشكل مو طبيعي وسبت التمليس واتعذبت عذاب ربي لا يوريه احد واضطريت اقص شعري ولد عشان ارجع اربيه من جديد واهتم فيلو
دا غير ان الشعر الجديد اللي حيطلع حيكون مررة غير , يعني حتكون الجذور شعرك الطبيعي والاطراف شعر ناعم وهنا حتضطري تسوي تمليس تاني عشان كلو يسير زي بعض والاطراف حتتقصف وتطيح
انا ماباخوف احد بس دا الواقع , ومو قصدي اخرب على صاحبة الموضوع لا والله , بس شي في ذمتي لازم انبه عليه , وهي احسن شي سوتو التخفيف عشان برضو يخف الضرر على شعرها