قولولي انا مبالغة في تصرفاتي ولا هن فعلا كذا

ااسلام عليكم اخواتي....
سبق وخبرتكن بالمشاكل إللي مريت بها وطلاقي المفاجئ وانتهيت من قضاء فترة العدة..
بعد ما انهيت العدة صرت افكر بأشياء كثيرة ترجع ثقتي بنفسي بس مشكلتي اني مشتتة وفوقها ماعندي ثقة حتى بنفسي..مرات احط اشياء ولما احتاجها انسى وين مكانها وارجع ادورها ولا القاها إلا بالصدفة!!من كثر مل انا متضايقة على حالي..بس تفكيري ما تغير اغلب الوقت اعيش حياتي واطلع واتمشى ..وانبسط خصوصا مع بنات مايعرفن اني تطلق مثل صديقات اختي ..اما معارفنا واي حد يعرفني يتجنبن مخالطتي..وكأني مصابة بمرض معدي!!!!!
قبل يومين حضرت عرس وهذا اول عرس احظره بعد طلاقي بسنة وزيادة بعد هروبي من الحريم ونظراتهن لي..إللي تنظر لي بشفقة وإللي تتهرب مني وقلة من يواسيني ويجالسني ..واتظايق واصيح واهاوش امي واقولها كله منك قلت لك مابي اشوف حد خصوصا هذيلا لأنهن يعرفن بحالي 😩
شورن علي كيف ارجع اثق بنفسي واوقف على حيلي من جديد ،احس نفسي مكسورة وعديمة ثقة..حتى فكرت آخذ دورة لغة انجليزية واهون اخاف ما انجح😥واتعلم اسوق سيارة احس اللي يسوقن قويات في حياتهن وقادرات يشيلن انفسهن من غير رجال..ساعدوني

23 تعليق 2,962 مشاهدة

شاركي في النقاش

سجلي الدخول لإضافة تعليق.

التعليقات

21
  1. وليه ما توثقين بنفسك ؟ ناقصه يد ولا رجل عن باقي خلق الله ؟ انتي مثلك مثلهم ولا انتي اول وحده ولا اخر وحده تتطلق
  2. اللي صار صار وانتهى فكري فنفسك اكثر
    ادخلي دورات تعزز الثقه بالنفس ابحثي عنها لو فاليوتيوب شوفيها ..
    الشي الثاني كوني لك قروب بعيييد عن عائلتك اتعرفي على بنات وكوني لك شله وروحي معاهم وابسطي نفسك بنفسك
    نظرات الناس لا تخلينها تهزك كوني مبتسمه دااااائما كذا ترتاحي وتحيريهم .. والله يشغلهم بنفسهم ...
  3. وعليكم السلام ورحمة الله وبركاته الله يجبر كسرك ويخلف لك خير مما فقدتي ,, انصحك التحقي بحلقة تحفيظ واحيطي نفسك بصحبة صالحه تشد من أزرك وتقربي إلى الله وادعيه
  4. @almaalkat

    وليش كل هذا
    الطلاق شي عادي
    ماهو عار ترا
    انصحك لما يجي اي مناسبه لا تفوتيها
    اكشخي وكأنك لسا بنت
    بالعكس الحريم ماراح ينظرون لك
    نظرة شفقه بالعكس راح يغارون منك
    وويخافون منك ع ازواجهم
    انتي بس اضغطي ع نفسك مره واثنين والو ضع بعدها بيصير عاااااااادي .
  5. @ayma1

    كل انسان تمر عليه لحظات ضعف

    لازوم تعرفي ان هذا ابتلاء واختبار من الله لك


    حتئ يشوفك قوية او الضعيفة
    والانسان القوي احب الي الله
    ومايطلع من هالكون الاالقوي
    والناس اللي ماتحبيهم مو مشكلة ابعدي عنهم
    واشغلي نفسك ولا تفكري وقت فراغ اذا لقيتي فرصة اشتغلي
    حاولي تخرجي نفسك من دوامة التفكير والهواجس
    وراح اقولك شي لو عملتي راح يخفف كثير من الامك واحزانك
    العمل هو فعل الخير
    لاي انسان بقدر الاستطاعة طبعا
    هذا الامر يعالج النفسية المتعبة والحزينه
    ويحسسالانسان بالرضا عن نفسه
    ويزيد ثقه الشخص بنفسه
    كثير كان عندهم مشاكل نفسية تعالجوا بهذا العمل في الدول الغربية يستخدمون كعلاج للمرضي
    وخليك مع الناس المرحة الفلة اما الناس اللي يتشكون ابعدي عنهم تراهم يقصرون العمر ويمرضون
    وطبعا حاولي تتقربي لله لان السعادة في القرب لله فقط مو في اي شي ثاني لامال ولا زواج ولاجمال كلها سعادة موقته
    واللي يبعدون عنك عشانك مطلقة او يطالعون فيك نظرات مدري كيف
    وتكونين متاكدة طبعا ابعدي عنهم لانهم مرضي
    لان ماحد يفكر بهذه الطريقة الا انسان موسوس بالخوف من الطلاق
    في الغالب حريم ضعيفاً ت
    الحريم القويات مايفكرون بهذه الطريقة
    ومثل ما قلت لك اشغلي نفسك لو ماتقدر علئ الدورات
    مو ضروري اشتري كتب مفيدة في عدة مواضيع واقري كل يوم جز من كل كتاب
    والضحك بكتاب رائع جدا لغاية القرني
    كتاب لاتحزن
    دعواتك لي بالتوفيق والتيسير وصلاح الحال

تابعي تجارب أخرى من هذا القسم.