*****تجمع مواليد شهر مارس 2016*******

الله يعوضك خير بالقريب العاجل يارب ماتفقدي الامل بوجه الله وخليكي قويه اكيد في حل الطب اتطور

الله يعوضك خير 😢

ابريزة ياقلبي والله انا اكثر وحدة حاسه فيكِ
انا قبل سبعة شهور بالضبط صار معاي حمل خارج الرحم مع اني ماكنت مخططة للحمل وكنت مركبة لولب وعانيت الالام مدة طويله بدون ما اعرف وين المشكله وكان معاي نزيف بني زي حالتك وكذا مرة اروح للدكتروه لكنها مافكرت ولا 1% انه ممكن فيه حمل عشان اللولب موجود وقررت اخرج اللولب لاني كنت احسب الالام بسببه لكن بعد اسبوعين او اكثر من لما فكيت اللولب طلعت لي اعراض ثانيه وقررت اروح مره ثانيه واشوف ايش المشكله ..
بعدين سوت لي الدكتوره الترا ساوند واكتشفوا ان الكيس انفجر بالانبوب الايسر واثر عليه واضطروا ينوموني مع اني ماكنت عامله حساب اي شي غير مراجعه عاديه وبعد يومين سووا لي جراحه وشالوا الدم المتجمع حول المبيض وشالوا الانبوب الايسر والدكتوره منعتني من الحمل مدة 6 شهور عشان تطيب العمليه .. خلصت المدة وبالشهر السابع ربي اكرمني الحمدلله وحملت بدون ولا اي محفزات او منشطات وغيرها .. وكلي امرك لله واستعينيبه. وقولي اللهم اجرني في مصيبتي واخلف لي خيرا منها .. هذا الامر صعب جداً على كل امرأه تحس كأنها ناقصه لكن هذا الشيء قضاء وقدر،و كله مكتوب بامر ربنا ونحن اجنه في بطون امهاتنا .. اسأل الله العظيم رب العرش الكريم ان يشفيك ويرفع عنك ويعوضك ويرزقك ويطعمك بالذرية الصالحه حتى يرضيك .. سامحيني طولت عليكِ لكن حبيت اني اطمنك وبإذن الله مافيك الا العافيه 😘💐

السلام عليكم
اخت ابريزه الله يعوضك خير وبإذن الله فيه امل انك تحملين مره ثانيه لا تيأسي
وللجميع الله يعينكم ع الوحم وتعدونه على خير مريت بالمرحله وقريب تخلصت من الوحام الله يعينكم ويتمم حملكم على خير ان شاء الله
اختكم من تجمع يناير وفبراير

جزاكم الله خير يابنات والله العظيم دعواتكم ريحتني ولكم بالمثل ان شاء الله والله يسعدكم ويوفقكم ويرزقكم من حيث لاتحتسبون والحمدلله ع قضاء الله وقدره ، البعض يقول تقدري تحملي مره ثانيه انا قبل سنوات شلت الانبوب الايمن وقبل يومين شلت الايسر لكن مانقول غير مايرضي ربنا ولاحول ولاقوة إلا بالله والحمدلله دائماً وابد