اخوي بيحملني مسؤولية بناته وش الحل!!

اخوي صارت له مشاكل كثيره مع زوجته وطلعت وتركت البيت وطلب مني بإلحاح يخلي بناته فتره عندي هم موب صغار مرا وحده 9 والثانيه 11 قلت له شوف وحده ثانيه من خواتي الباقي للحين مسافرين او أزواجهم مايستحملون وبصراحة صحيح أن بيتي فاضي بس انا موب قد مسؤوليتهم واخاف يصير فيهم شي عندي وأحس امهم أولى بهم وش الحل معه؟ انا ماحب عوار الرأس ولا احب ادخل نفسي بينهم ولو جابهم عندي امهم بتكلمني تبيهم وهو بيقول لاتخلينهم يشوفونها وإزعاج ومشاكل لها اول مالها تالي

69 تعليق 13,420 مشاهدة

شاركي في النقاش

سجلي الدخول لإضافة تعليق.

التعليقات

68
  1. طيب وبناته وين يروحون اذا انتي ما خليتيهم عندك وهم كبار مو انه والله بيكونون مثل المواليد او غيرهم يبي لهم عنايه بزياده واذا كلمتك امهم تبي تشوفهم كلميها على اساس تشوفهم لكن من دون ما يدري وبناته لا يعلمونه شي
  2. @bnt_fysl_1

    صاحبة الموضوع
    في القلب ذكراهم ، هم في بيتهم بس ماعندهم احد عشان كذا هو خايف يخليهم وانا بصراحه موب قد مسؤوليتهم وفتره قصيره مآظن تكون اقل من شهر او 2 لان بين اخوي وزوجته محاكم
  3. @bnt_mk2015

    خليه يتحمل نتيجة قراره دام مو قد مسؤليتهم يعطيهم لامهم ايش هالقسوة
    ينزعهم من امهم ويحطهم عندك وهم في فترة مراهقة وامهم ابخص فيهم
  4. قولي عطهم امهم انا ما اتحمل مسؤولية احد
    صح لو مالهم ام او كانت مريضه او مسافرة لظرف ممكن تمسكيهم لكن ليش يحطهم عندك ويحرمهم من امهم
    شوفي اجلسي معه وقولي له هذولي بناتك اهم شي تفكر في مصلحتهم حتى لو بينك وبين امهم مشاكل تعوذ من الشيطان ولاتخلي البنات يتعقدن حرام وحاولي تصلحين بينهم الله يعينك

تابعي تجارب أخرى من هذا القسم.