التجمع الرابع لأمهات مواليد ( ينايـ..1..ــر و فبرايــ..2..ــر ) 2016

ما اعرف والله بس زوجي اول راح اندونيسيا وجابلي كثير منها
تجي بيضا صغيرا وكرتونتها لونها اسود
في بعض التاجرات يوفروها
واوقات البقايل الاندنوسيه يكون عندهم منها

كيفكم بنات رحت اليوم قلت بسوي سونار الاني ماحس بالحركه وقلت اتطمن على وضع الجنين واتاكد من جنسه قالت لي ان موية الجنين متعكره موصافيه ممكن فيه التهاب في المهبل او املاح في البول مدري صدق كلامها وقالت الوضع كويس والحبل السري بين رجول البيبي وقالت لي ولد وساجد ولا ادري كيف عرفت انه ولد مع هالوضعيات ولا بعد حط ايده بين رجوله انا صراحه دخت ولا ادري مين اصدق دكتورتي ولا دكتوره هذي وقالت لازم تراجعي دكتورتك عشان تسوين تحليل بول وتتاكدين من الاملاح لازم تاخذين مضاد او فوار بنات فيه احد منكم صار معها تعكر في مويه اول الخامس ووش كان وضعها طبيعي الاني خفت صراحه ومن ناحيه الجنس بروح للحبيب بعد اسبوعين واسوي سونار 3Dعشان اتاكد وان شالله تكون الوضعيه تسمح بروح بكره لدكتورتي وبقولها وبخليها تسوي لي تحاليل وان شالله تطمني

انا استخدم حبوب فيرو28 ومرتاحه عليها مررره

اتوقع من الاملاح ان شاء الله ماعليكي الا العافيه بس افضل ماتغيرين الدكتورة كل شوية دام دكتورتك شاطرة خلاص
ومع كل ذي الوضعيات كيف بان معاها جنس الجنين ويلوموني لا قضيت محايد ههههههههعع

انا اضطريت اروح لها الان دكتورتي في البديعه وانا عند اهلي في شرق الرياض فقلت اتطمن على البيبي ومنها اتاكد من الجنس الان ودي اخذ بعض الاغراض من الان والمشكله اقولها دكتوره اتاكدي يمكن الحبل السري فيه طريقه يسونها الطبيبات في السونار يخلي الحبل السري ازرق واحمر لونه رفضت وقالت انا متاكده حتى قالت خلاص ماراح اكمل تصوير قلت لها ليش قالت الجنين ساجد يعني انه اذن 😨انا انصدمت من كلامها حسيت انها ماعندها سالفه
الان انا اول مره يصير معي كذا في الولد يبين معي من بدري ويكون واضح البنت تتاخر شوي