بشرى لنا..نلنا المنى.التجــ4ــمع لتباشير مواليد يوليو واغسطس// قديم

تاخرت عليكم سامحوني وقطعت عليكم القصه غصبن عني المهم ضليت يوم كامل موسعه 4 سم ولما صار الساعه 11 اجا الدكتور فحص لقاه 6 سم لهو حوليني على غرفة الولاده وحكالهم يركبولي محلول طلق صناعي انا متت من الخوف لاني بعرف الصناعي موجع اكثر من الطبيعي ودخلت على ال 12 وركبوة بس ما صار معي شي وضليت طول الوقت اقرا كل شي حفظاه من القران واتذكر الادعيه لتسهيل الولاده وادعي وصارت 4 الصبح وما في اي وجع والدكتورة انصدمت كل شوي بتدخل على وبتسالني في طلق احكيلها لا وكل النسوان حولي صوات وصراخ وانا بكل هدوء بس بقرا قران اخر شي تعبت من نومة السرير ورجلي تنفخت لانو ضغطي عالي وقلت شكلي ما رح اولد وناديت الدكتورة قلت لهلا خلاص تعبت من نومة السرير وحوليني قيصري ما في امل يجيني طلق لهي فكت جهاز التخطيط وقالتلي امشي بالغرفه واعملي تمارين الحوض اطلع وانزل وعملت متل ما قالت وما الاقي حالي الا خلاص بدي اعملها والدكتورة بتحكي مو مشكله اعمليها ونمت على السرير الا وتجيني طلقه والراس بدو يطلع بس ما قدرت افتح رجلي من التعب والتنفخ حكيت الها نادي حدا يساعديني وجابت تنتين من العاملات وكل وحده مسكت رجلي من جهه وانا

احكي للدكتورة شو اعمل حكتلي سكري تمك لا تصرخي عشان قوتك ما تروح وتنفسي من انفك وادفعي باحمى ما عندك كانك بتعمليها وفعلا عملت متل ما حكت ونزل الراس وحكتلي ادفعي كمان عشان جسمه ينزل والحمد لله ما سدقت عيني وحطت البيبي على بطني وقالتلي امسكيه انا خفت لاني عمري ما مسكتهم وهما هيك حكتلي امسكي منيح بلاش يوقع منك سمعت هاي الكلمه وامسكو بكل قوتي لاني ما سدقت اشوفه بدنيتي والحمد لله كانت من اسهل الولادات الي جربتها بدون اي غرزة وبدون طلق وصوات ربنا سهلها واجي على الدنيا احلى ريان نور حياتي بعد سنين طوال

لابالعكس سريرها مرتفع
وبعدين لو أنومها بالأرض بعد تعرق

مدري وش نوعية قماش المفارش اللي ماتتركها تعرق

مشاء الله
الحمدلله ع التساهيل
ومبرووك ماجبتي يتربى بعزكم الله يحفظه

وعقبال كل الكروشااااات الله يسهلها عليهم ويهونها يااارب

من اسباب سهولة ولادتي

1 توكلت على الله بعد ما خونت فيا الدكتورة وطلبت منه التساهيل وانو بيده كل شي مو بيد لا دكتورة ولا دكتور

2 مشييييييييت كتير حتى تنفخت رجلي قرا

3 اكلت تمر عمري بحياتي ما اكلت قده 20 حبه في اليوم عمل ليونه في عنق الرحم وبرد الطلق اله فوائد للولاده لا تعد ولا تحصى وما ذكر في القران عبث

4 ما كان معي وجع ولا شي بس تقل مو طبيعي تحت ووجع كتير في عظمة العانه لدرجة اني كنت اعرج من الوجع وضايل معي اثار الوجع من ضغط الراس لتحت

5 اكتشفت انو الواحد ما يروح على دكاتره كتير في الحمل لانهم بيهولو المواضيع وبيرعبو الواحد كل هاد لجمع الفلوس

بتمنى السلامه للجميع وربنا يسهل عليكم جميعا