سوال للمتزوجات الي عنده سناب شات ومضيفه شخصيات مشهوره رجال

مثل ما أنا ماأحب زوجي يتابع نساء أحترم رفضه (مع انه مايعرف من أضيف ولا عمره سأل ولا يدري وش هو السناب ) بس السناب برنامج شخصي فصعب اتابع حياة رجال احس نفسي خاينه
بعكس التويتر والانستقرام عادي اضيف الي اخذ منهم فائده وعلم مب حقين التهريج والتميلح

مادري ...ماحبيت السناب شات بتاتا..ولو انه فيه خير وشر...
بس ما حبيت فكرة التصوير ...وشوفوا..ونحن الان في كذاا..والان بنعمل كذا...ورونا ..نوريكم
مادري كثير يستغربني...

ومعليش برد على استفسارك بناء على التويتر والانستقرام😆
حسب الشخصيه المشهوره...
اذا كان شيخ كبير مثل عابض القرني وسعد البريك والمنجد وسعيد بن مسفر اتوقع الرجل عادي تضيفينهم مايجي منهم الا كل خير ورجال كبار حفظهم الله
اما لو كان كن الشيوخ الشباب زي السالمي والصحفي...
اعتقد بيغار حتى لو كانوا شيوخ...وانتي ادرى بطبيعة زوجك وشدة غيرته..
اما اذا كان مشهور في مجال غير الدين....
بيكسر الجوال على راسك هههههههه

لرفع

السناب شات برنامج كثير حبيته بالرغم من اني ماكنت حابته بس بعد ماعرفت له تحمست فيه اكثر وحبيته.. وشخصيات رجاليه ماعندي ولا حابه اضيف حد .. اخواني مو عندي .. زوجي فقط ..