من يتزوج وحده متعرف عليها قبل

بسم الله الرحمن الرحيم
بفتح معكم موضوع منتشر بكثر هالايام وصار موضه عند الرجال وكل واحد يزينها لصديقه الي هو موضوع الزواج من وحده متعرف عليها صديقته متعرف عليها من مواقع التوصل ايش رايكم فيه
هل الزواج بهالطريقه موفقه وهل الزواج بهالطريقه فيها حب حقيقي وصادق وصيانه للبعض هل فيها امان
والزوجه اذا ربي ابتلاها بزوج من هالنوع وتمسكت ببيتها واولادها مو حبا فيه لكن علشان اولادها ايش تتوقعون بيصير لها مستقبلا توقعاتكم ايش العلم عند الله لكن التوقعات ايش بتكون
خاصة اذا لاحظت الزوجة ان الزوج مرتبك ودايم يفتح موضوع ان الرجال اذا تعرف على وحده بهالطريقه ماراح يرتاح حتى اذا تزوجها الغرض من كلامه يبغى يطلع نفسه عند زوجته انه رجال محترم ومتربي ومايتزوج بهالطريقه وهو سواها فعلا بس بيطلع نفسه من الاحراج الي هو فيه
وبنفس الوقت عايش باحلام ورديه هو ملكه فقط باقي على الزواج لكن عايش باحلام وتاملات وهي ترسل صورها ومكالمات واتس اربع وعشرين ساعه لدرجة صار اذا ارسلت وهو عندي وشفت انا المكالمه يعطيها صامت ولا مشغول مسوي محترمك ومقدرك وهو من جنبها لا دين وقلة دبره وسناعخ وماخذ في نفسه مقلب ايش توقعاتكم اخواتي من هالزواج

102 تعليق 19,444 مشاهدة

شاركي في النقاش

سجلي الدخول لإضافة تعليق.

التعليقات

86
  1. @hms_oshms

    الزواج اللي كذا اغلبه ناجح اكثر من الزواج التقليدي


    لأسف حتى الازواج المثقفين والمتعلمين اللي يتزوجون


    عن طريق الاهل حياتهم فاشله مو الكل طبعا


    الحين زواج التعارف هو الناجح جدااا جدااا
  2. @tkny2015

    انتي اثرتي نقطتين بموضوعك ...حددي وش تبين تسالين عنه بالضبط ...
    النقطه الاولى ..تعرف الرجال على بنت عن طريق وسائل التواصل الاجتماعي ..هالشي وارد وبقوه كمان وترى مو معنات كل من تعرف على بنت بياخذها مسخره ..كثيرين يتزوجون بنات عرفوهن من قبل الخطوبه وحياتهم مستمره ..هالشي مو معناته انه لعاب او هي لعابه ..اتمنى تنقرض الناس الي تفكر كذااا ...من حق كل واحد يختار شريكته وهي تختاره باي وسيله كانت وانا شخصيا افضلها على طريقة امي تدور لي ..! ومومعناته بيشك بها وموبالضروره الزواج يفشل لهالسبب ..ان صدقة نيته ونيتها فالوسيله المستخدمه بطريقه محترمه ونظيفه ماراح تفرق ...وياكثر الي يتزوج بنت عمه وعقب يشك فيهااا ...الشك مرض نفسي المصاب به لن تعجزه الحيله لايجاد عذر لشكه وان اضطر بيخلق سبب للشك ....
    النقطه الثانيه ...موضوع وحده تتعرف على رجل متزوج ..هذي خرابة بيوت وارفعي يدك للسما ان الله يشغلها في نفسها ويرد كيدها في نحرها ويبعد اذاها عن بيتك واسرتك ...وترى مو بالضروره يفشل زوجها من زوجك بسبب طريقة تعارفه ...اعرف وحده كذا ..تعرفت على رجال متزوج وهي تعرف عياله وبناته ومع انه من عايله بدويه ومحافظين وتقليديين وووو ومع هذا تزوجها ومبسوط معاها وساحب على زوجته الاولى ...
  3. @am_asmaaa_algmylh

    صاحبة الموضوع
    ي اختي متعرف عليها عن طريق مواقع تواصل هابطه انا اقصد المواقع الهابطه فاهمه علي مو مواقع التواصل المحترمه بس بقولك على حاجه المحادثات بين الجنسين سوا عن طريق مواقع هابطه او محترمه ماتجوز حرام حتى لو انتهى بالزواج بدايتها غلط البعض يجلس يكلمها سنه سنتين وبكلام فيها قلة حياء ثم يتزوج طيب ويجلس يفتح مواضيع عن طرق الزواج بهالطريقه انها غلط واضح متردد ومتوتر لانهم بداو بطريقه غلط في غلط
  4. @am_asmaaa_algmylh

    صاحبة الموضوع
    وبعدين يتزوج بهالطريقه وهو صاحب علاقات والبلاء لما تعرف انه راعي بلاوي ولا من فين تعرفت عليه الا من هالمواقع الهابطه الله يستر علينا وعلى كل مسلمه

تابعي تجارب أخرى من هذا القسم.