بسم الله الرحمن الرحيم
اول شى حبيت اسلم واصلي على سيد الخلق محمد الامين اللهم صلي وسلم عليه
انا من اسبوعين تقريبا رحت لاهلي واعدت بناتي بنت اخوي بالقمل وانا انسانه موسوسه بالهموضوع لان اهلي اشتكو من فتره المهم وفجأه بناتي بعد المسيار السعيد جات لهن حراره ولاحظت بنتي الكبيره تحك شعرها وحسبتها من الحراره جتها حساسيه والحمدلله راحت الحراره وبقت الحكه وانا بحيث اني عايشه مع اهل زوجي تفشلت منهم بعدها رحت اطعم بنتي الثانيه وحجزت جلديه قلت يمكن حساسيه ما جاببالي قما😨😨😨والهم ودخلتها على الدكتوره ولا تقولي بداية عدوى المشكله كلنا نحك وقالت عدوه بأولها عطتني بخاخ بارا وشامبو بعد للقمل استخدام مره وحده وجيت للبيت وانا انهبل كل فرش البنات وفرشي طلعتها وغسيل وكنست الفرش بالكهرب بعدها زبدة الكلام سويت هالخلطه زيت زيتون وخل وتايد وشوي ديتول العنايه الشخصيه وجبت مشط القمل وحطيته ربع ساعه ومشطت روسنا وبعدها غسلت الشعر بشامبو عادي وحطيت بلسم وبعد مشطت شعورنا ثاني مره وطلعت قطيت المناشف اللي تروشنا فيها بالغساله وجبت البخاخ اللي من الصيدليه وحطيته لبناتي انا حامل يضرني البخاخ بعدها قعدت الصبح واغسلهن بشامبو حق القمل وسويت خلطه الخل والزيت ماضل شى كل شي طلع ورحت لاهلي ولا امي تقول اللي باقي ميت استمري والحمد لله زانت الامور وراح كله هو والصيبان بعد بس حبيت اشارككم باللي صار معي والحين ضليت على الخل وزيت الزيتون لما ارتاح ولا مابقى شي فعلي راح الحمد لله يالله انك ترزقني وتعطيني من الخير يارب ادعولي بس
شاركي في النقاش
سجلي الدخول لإضافة تعليق.
التعليقات
15- اللهم صلي على محمد وعلى آله وصحبه أجمعين
- الحمدلله
- الله يسعدك
انا بنتي من يومين اكتشفت فيها
قمل...اااه تجيني حاله من هالحشره - ياختي حنا قضينا عليه بيوم واحد
مايحتاج كل اللي سويتيه
اختي جابته من المدرسه
الصراحه خفنا من ابوي يدري اكثر من القمل لانه راح يعصب علينا ولا راح يصدق انه من المدرسه كل شي ولا سيرةالقمل
راح يقول ماتنظفون شعرها وكذا
وحنا ماااانعرفه الا من اختي القعده تحكك راسها بشكل غريب وحسبنا حساسيه بفروة الراس لان شعرها مو ناعم جاف وقلنا من كثر الشامبوهات ولا ترضى تخلينا نزيت شعرها فقلنا جفاف من الغسل امي فتحت شعرها الا كله صيبااااان وقمل وتصرخ قمل ويالله وتجتمع العائله فوق راسها وصار كل واحد يتسدح لثاني فتشي فيني لايكون نقلته لنا بس الحمدلله كلنا سليمين الا هي عج براسها
ركضنا للصيدليه وجبنا بخاخ بارا للقمل
ومشط حديد حق القمل فقط
بخينا شعرها كله وغطيناه ببلاستك بعد مرور الوقت المطلوب بالنشره غسلنا شعرها بالشامبو العادي ماجبنا شامبو قمل بعدها استشورنا شعرها كله بعدها سرمكنا شعرهت خصل خفيفه بعدها مشطنا شعرها بالمشط القمل
ونظف شعرها بيوم واحد لا صيبان ولا قمل
لانه الاستشوار يقتل القمل والصيبان بسبب الحراره وعشانشعرها ينعم معنا اذا دخلنا المشط
والسراميك اقوى حراره مفعوله اقوى قاتل لو فرضن ماماتوا من حراره الاستشوار وبعد ينعم السراميك اكثرررررر من الاستشوار فتزلق اسنان المشط بسرعه والصيبان تتقلع بسرعه بسبب انه تفككوا من الشعيرات خلاص تنسخب بسرعه انشويت 😁
المفرش بخيناه بفليت الحشرات وبارا بعد ولفيناه كله ودخلنا بكيسك زباله وقفلناه عشان ينكتم
ووديناه لمغسله يغسل لو عندنا غساله كبيره غسلناه فيه احسن من المغايل ذيك الايام على الاقل نضمن نحط بالمفرش مويه حاره وديتول مع الصابون بسوديناه للمغسله
وبعدها جتنا بعد اسبوع مصااااااااااااابه بالقمللللللل
عاد امي بغت تنجلط ونهبلت وستخفت تعبنا يوم كامل قضينا عليه تجيبه كل شوي من المدرسه
كلمة امي المديره وقالت فيه بنت بالفصل تعدي بنتي مرتين بالقمل شوفوا من اذا ماتبون تقولون شي للبنت واهلها خوذوا بنتي ورموها باي كرسي بعيده عن البنت بس لا تصير قريبه منها تعبنا وهلكنا وحنا نقضي عليه واستنفار بالبيت
وصدق غيروا مكان اختي ومن بعدها ماشفنا القمل لحد اليوم
من اولى ابتدائي والحين تخرجت من الثانوي فكتنا 😂
والله مايحتاج خلطات وخل وخرابيط
يكفي بازا والسراميك والاستشاور يوم واحد وشعورهم تلق لق - جزاك الله خير
مواضيع مشابهة
تابعي تجارب أخرى من هذا القسم.