الطلاق اما البقاء ساعدوني

السلام عليكم ورحمة الله وبركاته
كيف حالكن يا بنات عساكن بخير
الله يسعدكم ويخليكم يارب ويفرج همكم
انا مشاكلي مع بعلي هذا المنتدى يشهد لها من خيانه ومسيار واهمال اختصارا للوقت
يا بنات انا عجزت من هذا الرجال مهما صبرت عشان عيالي تمادى
قبل امس عشان شئ تاااافه ضربني ضرب اليهود
كان العيال طالعين وقالي اطلعي معهم طالعين مع اخته الكبيره
انا توني والده من شهرين قلت له الولد بخليه مع منو ما في احد بالبيت قال لي اجل اقعدي بالبيت زعلت وقلت له مو على كيفك انا تجهزت وجهزت الولد قال لي ترفعين صوتك علي وضربني
كلمت اهلي وعرفتهم بفعلته زعلللل وقال لي ليش تكلمين اهلك
تعود يسوي كل شئ ولا اتكلم
انا طقت براسي وخلاص قررت الانفصال مامنه فايده
للعلم زوجي مقصر معاي ماديا ومعنويا ومن سنه ونص ينام بغرفة وانا بغرفة واذا بغى اللي خبركم جاء لعندي
ومتزوج وحده اكبر مني ب12 سنه انا عمري 29 وهي ببدايه الاربعين وطااااير فيها لانها موظفة وشايله نفسها لدرجه خذاها شهر عسل لاسبانيا وانا باقي يوم من ولادتي رجع
مايطلعنا ولا يهتم فينا بس اللهم يصرف على البيت وللعلم والله ما افتري عليها اول ما يرجع زوجي من عندها يرجع وهو اسواء من قبل ينافخ ويعبس وجهه وطبعا زوجي ثرثار مايقصر يقول لها كل مشاكلنا وهي حلفته يمين مايقول شيء عندي
الحياة مو اكل ولا شرب
الحياة كلمة حلوة ومشاعر
والله العظيم يدخل البيت مايسلم يروح يسلم ويلعب مع عياله وانا كاني مزهرية مايطالع صوبي
حاولت ابعد عنه واشغلت نفسي بعيالي واهتمام بجمالي بس يجئ لييين عندي ويستفزني وينتقد اقسم بالله بالدقيقة الوحدة ينتقد 100 مرة ولما اعصب وارد عليه يقول لي زوجتي الثانيه احسن منك
ولا تتكلم بصوت عالي ولا ترد ولو قلت لها ارمي نفسك رمت نفسها من الشباك
قلت له ماشافت اخلاقك الجميلة معاي
تعبت ومشوشه
اعطوني حلول لاني افكر الصبح اصحيه ونروح المحكمة عشان نطلق
المشكلة حااااالف يمييين ما اشوف عيالي للابد واروح للبلد اللي فيه اهلي وانا ما ابي اتنازل عن عيالي لاسباب كثير منها اعرف زوجي ماراح يجيب وحده محترمه لعيالي
لان على قولته بنات العوائل المحترمه شروطهن واجد فيختصر وياخذ من بنات ابليس الله يفكنا من شرهم
شاورو علي عطوني طريقه اخذعيالي منه للعلم ما اشتغل
ربي يجزاها خير اللي ترد علي
اتمنى ما اشوف ردود نفسية اللي فيني كافيني