`·.¸¸.·¯`··._.· التجمع ال( 22) لأحلى حوامل التوائم `·.¸¸.·¯`··._.·

نعناعه
تعوذي من ابليس ووسعي صدرك ووخلي حبل الرجا بينك وبين الله ممدود ومو شرط الي صار لك بالحمل الاول يتكرر الله كريم ان شاء الله انتي الان فاهمه غير عن قبل وتراجعين بمكان كويس وباذن الله مايصير لك الا الخير ترى الوسواس فينا كلنا ربك يعين ان شاء الله وعلمينا متى بتتقضين وش بتجيبين 😍
صغيرونه
وسعي صدركككككك يوه بس لو بنركز وربي بننغث لاتحترين من احد شيء ولا تستغربين هالمواقف تطلع الناس ع حقيقتها وعيشي لنفسك ولاطفالك ولزوجك لاتعبرينهم ولا تعطينهم وجه ولاجت فرصه عطيهم اياه في وجيههم وحفل استقبالك سوي الي تبين فيه واعزمي الي تبين ولايهمك احد تبين تعزمينهم تعزميهم وعامليهم زي الضيوف الاغراب اسفهي تبين ماتعزمينهم براحتك اهم شي انتي 😘


بنوتات فرفشوا وخلونا نسولف باشياء حلوه
عندكم اسامي بنات زينه 😂👯 النت كله اسامي مدري كيف مالقيت شيء زين 😡

يا حياتي انت. الله يربط على قلبكك ويطمنك على حملك ويبلغك فيه. ويا رب تعدي الايام والشهور ونلقاك كاتبه موضوع يا بنات. عيالي ازعجوني

الموهيم حبيبتي انتي اعملي بالاسباب وبس لا تحملين نفسك مالاطاقة لها. والله لو اراد ربي لك شيء ان يصير ويصير لو استعنتي بجميع اطباء العالم

ريحي بالك والله ارحم مني ومنك على اللي ببطوننا.
ترا كل اللي انتي فيه نفسيه مع هرمونات الحمل وتغييرها نشوف الشيء الصغير العادي انو واااااااااو ونهايه الدنيا وتنسد الدنيا وتسود علينا. اذكري الله. وترا انتي في اجمل مراحل انوثتك اللي هي الحمل. استشعري نعمه كل يوم تمر عليك تلذذي بحركاتهم لا تضيعين يومك بالوسوسه والخوف. وكلي الله كل اموركك.

واستودعيه كل يوم في اجنتك فهو خيرٌ حافظا.

ودي وحبي لكك 🌼

ياقلبي انت. حاسه فيك والله عشان قلبك طيب وابيض تنقهرين من الحركات هذي.

لا تشيلي هم حبيبتي
الزم ماعليك نفسيتك واللي ببطنك
وطز بكل انسان اخلاقه مو مضبوطه
وعامليهم باخلاقكك انت. مو عشانهم لا عشان انت متربيه وبقلبك دين
ولازم تتاثرين فترة حملنا نتحسس من اقل حاجه. انتي لاتعيري اي اهتمام للسلبيات في فتره حملك وتنسي تستمتعي بكل لحظه وكل يوم لك مع الحمل.

الله يربط ع قلبك وقلبي وقلب كل حامل ويطمنا على حملنا ويرزق كل محروم.

وترا محدثتك تواسيك ونفسيتي صفر. لكن ايش نسوي. اجر ان شاء الله.

يا طيبوبه يا العسل انتِ ( وحده مصلحجيه 😋😋)

اذا لقيتي اسماء بنات حلوه اللحقيني فيها وانا كمان طفشت من البحث و و و واذا عجبني شيء ما عجب ابوهم. مع العلم. اولاده انا مسميتهم كلهم ولا قال كلمه. ويوم صار الحمل بنات. صار يقول ايه سمي كذا او لا تسمين 😐😐

الموهيم هذي اقرب شيء دخل راسي

ميسم - بلسم
جنى - جوانا
ومدري ليش حبيت هذي 👈 المها- الريم

يمكن عشان راكبه مع اسماء اخوانهم ملكيه شوي
سعود
عبد العزيز
عبدالمحسن
فهد
المها
و
الريم

احس راكبه معهم صح 😋😍

الله يعطيكم العافيه كلكم بردتوا قلبي بردودكم الله يبرد عليكم ويهون حملكم يارب ,احبكم😭


بالنسبه لاسامي البنات😍
جود ومجود
لين وليان
تالين ولارين
غلا وحلا
مُزن و رُسل
ميار وميرال
لانا وبانا
بيسان وبيلسان
سيدرا - اليانا - وجد- هدب -ترف- ريانه