ادعولي انقل الشرقية عند اهلي ماحبيت الرياض 💔

ياحياتي هي مو ع الشرقيه والا الرياض والا حتى باريس


كلن يدور ريحة اهله وانا ماالومك لاني اولهم 😭


الله يسخر لي زوجي يارب وينقلنا عندهم بعيده عنهم من


16 سنه ولحد الان احس بغربه


قرررب الاهل غييرررررر

لاتقولين مدينة الكآبه والله لو تجربين بعض المناطق صدق كآبه على الاقل الرياض فيها اماكن كثيييييره ووناسه ومطاعمها حلووه وكل شي يجنن فيها اااااه بس تزوجت وعشت بالشمال تعبببببببت من الغربه لي 5 سنوات ماصدق اطب الرياض عند اهلي واحبابي ولما اروح اصييييح وتضيق فيني الدنيا واكره هالمدينه اللي انا ساكنه فيها على انها مو سيئه واذا الناس اجتمعوا اكره كل شي ولدرجه احيانا افكر بالطلاق علشان ارجع للرياض مع ان عندي اهل زوجي واقربائه بس هذي الغربهوبعدين بالعكس فيه بالرياض جيره وصداقه ووناسه بس انتي يمكن لأنك ماحتكيتي بأحد بس تبين الصدق لو اهلك واقربائك بقريه كان تبينها وتحبينها لأن الغربه مرررره والله يسهل لكم النقل وترتاحون ويسهل لي بعد مع اني فاقده الامل لان زوجي هذي ديرته وحوله اهله مايبي الرياض

الحمد لله يا رب اهلي معاي وكنت ادعي قبل زواجي انه اكون في مدينة اهلي

اي والله كلن يدور ديرت اهله انا كنت في تبوك ومع ان عندي صديقات وعندي جيران الا اني مااصدق احط رجلي في الرياض عشان اهلي واهل زوجي فيها وقعدنا خمس طعشر سنه هناك والحين نقلنا من ثلاث سنين للرياض وحاطه يردي على قلبي عسى ماينقلون زوجي بعيد يوم استانست واستقريت عند اهلي واهله وغير حياتنا هنا غير هناك ممنوع تروحين مع صديقاتك الا مكان نسائي او مع ازواجنا حديقه او بر او منتزه الرياض اروح مع اخواتي بنات اختي مع حمواتي مع سلفتي كل مكان مول او سوق او حديقه او كفي او مطعم او استراحه طيب ليش ماتتعرفون الي في الرياض على جيرانكم على زوجات اخويا ازواجكم احتكو في الناس بالعكس الرياض حلوه وفيها اماكن حلوه

ماحلا جدة :$