نعنانه الله يسعدك ويحلي ايامك انا بيتي دور وودي افضي غرفه للتوينز بس مدري تحسون الوقت مناسب اني اجهز لهم غرفه نوم لاني حاليا بنومهم معي لين يكبرون ماقدر انام بمكان وهم بثاني وبنفس الوقت غرفتي ضيقه ماتشيل اثاثهم 🚶
ورده بلو ومشتاقه لاحبابي
حياكم الله حبيباتي وان شاء الله نفيد ونستفيد وصفوا بالطابور بالدور كل وحده وشهرها😂 مشتاقه انتي معي انا وعذبه وصغيرونه 💃💃 الله يتمم لكم على خير ي رب العالمين ❤️ وورده انتي مع دلع 😘
زهور حبيبتي
تعوذي من ابليس وكلها هرمونات حمل ومدبله لانهم توينز 😭😭😭 انا نفسيتي زيرو لاطلعت استانس ولاجيت بيتي جتني علقه استغفر الله ان شاء الله تعدين هالحاله هي تتحسن مع الوقت
عوده حلوه
غريب هالدكتور وش يبي سلبي استغفر الله لاتعطينه وجه واستني طبيبك تساهيل يارب والصراحه انا احس الطبيعي مغامره بس صدق الاجنبيات تولد طبيعي وعادي مافي مشاكل انا ودي بطبيعي بس خايفه موت يصير لهم شيء او الثاني يتاذى ودايم تفكيري بولد عمليه وكل شيء علمه عند الله سبحانه
المشتريات انا اخذت اغلب اغراضي من سنتر بوينت وبكمل من محل ثاني تنويع يعني اما ارواب النفاس واللوك بشكل عام مدري وش اسوي فيه وش احتاج وش ما احتاج كنت بطلب من تاجرات يسوون ارواب تجنن بس يعيبهم الغلا المبالغ فيه بالاسعار عاد صديقتي بتولد وشاريه من العويس وطيبه عندنا بالرياض قمصان تجننننن وتحلف انها لاقيه زيها بواحه الجلابيه ضعف القيمه 😶😶😶😶 تقول نفس الخامه بالضبط مافي فرق ابداً 😮😮😮 فباذن الله باواخر السابع اذا الله كتب لي عمر بروح لهم واشوف
زين اخر السابع ولا متاخر