خاني وطلبت الطلاق وندمت

ونسيت اقولك بخصوص قريبتك جمعي محادثاتهم ولاتنسين بالاول تحذفين رقمها من الاسما ء عشان يطلع رقمها
وصوري المحادثات ووريها اقاربها خليها تستاهل الادب

شوفي يالغاليه صعب جدا تنسين موضوع الخيانه وخاصه ان زوجك " متمرد " ومو حاس بالغلطه !
يعني من كلامك ماقلتي انه خاف او حس بالندم او حتى استحى على نفسه !
الحل ياعمري قريبتك تبغى تنهي حياتك تبغى تشمت فيك وتلاقين زوجك نظيف << مايعفيه من الغلطه
بس هي لعبت عليه عشان تغيضك لآ أكثر .. انا هنا بقولك لا تعطينها مجال تشمت عليك
وثقي ان لو بيدها شئ اكبر من هالشئ عشان تخرب حياتك كان سوته من زمان
شافت ان هالطريق هو الضربه القاضيه الي بتريحها وتطفي غيرتها او حسدها عليك ف لاتعطينها المجال ابدا
اقلبي الطاوله عليها خذي كل محادثاتها وصوريها وطلعي بياناتها كامله من كلامها مع زوجك وثبتي عليها
وبهذيك الساعه تروح كلها لأهلها او اخوانها وبدون ماتدري من الي طلع فضايحها ع الاقل تشك ف زوجك وتبعد وتيأس منه ..
خلي زوجك بعيد ولا يدرون اهلك او قرايبك انه زوجك خليك كانك ماتعرفينها , وطلعيه من هالدوامه وحاولي مايكون له صله بالمحادثات وهالامور
عشان ماتصير مشاكل لا قدر الله من اهلها عليه ...الله يسهل امورك يارب

مارجع من البيت الا قبل ساعه يعني الساعه 2 ونص وع طول دخل ينام ولا كلمني ولا كلمته
مدري طول الوقت وينه
وعن قريبتي اتصلت عليها وقالت زوجك اللي يطردني
وقفلت واتصلت ثاني وهزاتها وقالت ربي زوجك مو تربيني
ومن المحادثات اللي شفت زوجي ميت عليها ويحبها وهي بعد ولما سالها انتي من بيت مين قالت انا قريبة زوجتك وارسل ضحكه هههههه
وقالت ليش مو مصدق انا قريبة فلانه اسمي وقالها ايش عرفك باسمها وقالت هي كذا وكذا وشكلها كذا
وترسل لك ايشبك سكت
وترسل الووووو كم مره
وبعدها رد خلاص انسي اللي بيننا وربي يوفقك برجل يسعدك
مو فاهمه ليه ماكمل معها كلامهم حب وقلة ادب
اقرا ويدي ترتجف
وحاط اللوم ليش افتش جواله
اتصلت ع شيخ وقالي ايش دليلك على قريبتك
قلت محادثات قالي ماهو دليل وبعدين تذكرت ان زوجي مسح كل المحادثات
ونصحني الشيخ انسى واعيش حياتي
بس صعبه نار الخيانه بقلبي
هجره وصده لي قهرني كان انا اللي خنته

ما اعرف الحل المناسب لحالتك لان كل زوج له اسلوب معين
لكن اللي احب اوضحه انه انتي اكيد ماحصل منك تقصير ولا نقص لا تلومين نفسك وتكسرين مجاديفك عشانه خانك
الرجال يخون بدون سبب واذا انفضح يطلع بلاوي وعيوب في زوجته عشان يبرر موقفه وخيانته
والعقل والمنطق والشرع يقول ان الخيانه مالها مبرر اطلاقاً لانه كان يقدر ببساطه يلجأ للحلال مايروح للحرام واللعب هذا دليل انه كذاب وحاب يتسلى فقط


وانتي حالياً تفكيرك ومشاعرك ملخبطه انصحك التزمي الصمت كم يوم ولا تتصلين بزوجك او تدخلين واتساب وتراقبين وتلاحقينه
والافضل انك تمسحين رقمك من الواتساب مؤقتاً عشان ترتاحين لانه طول ماهو موجود راح تدخلين تراقبينهم وهو اكيد يدخل يراقبك يشوف اذا تلاحقينه وميته عليه وكل ماشافك تجرين وراه وتتصلين هو بيسحب عليك ويقلب الموضوع لصالحه ويطلعك انتي الغلطانه


وصدقيني اذا زوجك ناوي عالطلاق ويبيه راح يطلق بدون مايشاورك او يستأذنك او حتى تطلبينه .. اتركي الموضوع لله
الحين وكلي امرك الى الله وفوضي امرك لله واستغفري وادعي واطلبي الله التيسير والفرج ولاتنسين اخر الليل ركعه او ركعتين وارفعي يدينك لله اشكيه همك ومشكلتك


وانا بصراحه مستغربه قريبتك ماكلمتيها خرشتيها وعلمتيها قدرها وخليتيها تحس انها مهانه وحقيره وساقطه تجري ورا رجال الناس
اتوقع قريبتك عايشه حالة خوف ورعب وانهيار اذا وصلها خبر انك عرفتي
لو مكانك دامخها خاربه خاربه ادق على اهلها اسلم واسأل فلانه وينها واقول سلمي عليها واقفل اخليها تلف حول نفسها وتعيش رعب ان فضيحتها وصلت وتتوب على يدي


استغفر الله العظيم
الله يشرح صدرك وييسر امرك