السلام عليكم ورحمة الله وبركاته
حبيت اعطيكم وصفه بسيطه للي كسلانه مثلي
بالاهتمام ببشرتها بخلطات او زيوت
هذي بسيطه ومافيها حوسه وكريمات
المقادير
خذي من العطار نوع جيد من السدر المطحون
خذي علبه صغيره وحطي فيها فنجان شاي سدر ونص فنجان نشا اخلطيهم خليهم بعلبه عالنغسله حقتك
طبعا في طريقتين للاستخدام
الاوله للي كسلااااانه مره 😣😣
خذي من الخليط وحطي شوي براحة يدك وحطي قطرة مويه واخلطيهم يصير مثل العجينه افرديهم ع وجهك كانه صابون وخليه دقايق واشطفيه بالماء
يعطي نظافه للبشره ومع الاستمرار يفتح بشرتك
نشفي ورطبي وجهك
الطريقه الثانيه للي سنعه وتحب تهتم ببشرتها ونشيطه ☺️☺️
تاخذي من الخليط ملعقه وتحطي عليها ملعقة زبادي وحركيهم وحطي الماسك ع وجهك خليه لين ينشف وافركيه بشويش زي الصنفره وغسلي وجهك ورطبيه راح يسوي زي الصنفره لوجهك وتلاحظين بعد غسله نعومه ورطبي وجهك وخلاص
وطبعا انتوا تعرفو فايدة السدر والنشا والزبادي كلها مفتحه ومنظفه للوجه
🌸🌸🌸🌸🌸🌸🌸🌸🌸🌸🌸
اذا عجبتكم دعوه طيبه وجزاكم الله خير
شاركي في النقاش
سجلي الدخول لإضافة تعليق.
التعليقات
21- وعليكم السلام ورحمة الله وبركاته
جزاك الله خير
فعلا السدر افضل منظف للبشرة
استخدمه لكل شي للشعر يوقف التساقط وممتاز للقشرة
وللوجه اخلط معه حليب بودرة واحطه كقناع ينظف وينعم
وللجسم يفتح - جزاك الله خير عالمرور
وين الباقيات خسااااره😭😭 - قناع رووووعة ان شاء الله قيد التجربة
الله يسعدك و يسهلك امرك - لاإله الاالله
يعطيك العافيه يااقلبي - الله يعافيكم 😍😘
مواضيع مشابهة
تابعي تجارب أخرى من هذا القسم.