شاركي في النقاش

سجلي الدخول لإضافة تعليق.

التعليقات

36
  1. @amy_kl_dnyty_2

    آميييييين الله ينتقم لي منه ويريني فيه وبمن خرب بيتي عجائب قدرته اقسم بالله انظلمت ظلم فضييييع ياااااارب نُصرتك لي ولكل مظلومة عاجلا غير اجل
  2. @nbd_algroh_2

    مرت علينا ومن واقعنا كثيييييير قصص ظلم وشي منها شهدناه بانفسهم مثل القصه الي باقولها لكم
    واحد من جماعتنا تزوج بنت صديق ابوه وهم عائله على قد حالهم وبناتهم جدا محترمات ونعرفهم وعشرة 30 سنه بس هم مو من جماعتنا >اقصد اهل البنت
    طبعا اخوات الزوج مو راضين بالزواجه هذي وشايفين ان العائله مو من مستواهم ووهم وامهم متسلطات وقويات حجه ولو كذب
    استمرت زوجة اخوهم معاهم رغم دقهم لها بالكلام واستنقاصهم لها قدام الكل >واذكر مواقف حصلت قدامي سؤاء في زواج او جمعة اهل
    المهم الي حصل مره راحو مع بعض لمشغل ومعاهم زوجة اخوهم وولدها الي عمره في ذاك الوقت 6 شهور
    وبعد ماخلصو اخذو ولد اخوهم وطلعو من المشغل من غير زوجة اخوهم ورجعو البيت وهم فالطريق اتصلو على اخوهم
    يسالونه فلانه رجعت البيت ؟ قال لا قالو مامدري عنها دخلنا المشغل وهي معانا وبعدين طلعت قلنا يمكن انت اخذتها وولدها معانا
    هنا الرجال انهبل ومادري كيف رجعت هي للبيت ماذكر كيف رجعت
    بس لما رجعت ضربها زوجها وكسر راسها ضرب وكلم ابوها واخوانها وقال لهم انها طلعت مع واحد وامه شهدت انها فالمشغل كانت تتصل كثير وتكلم وعلى كلام الام تقول احسبها تكلم ولدي الي هو زوج البنت
    طبعا اخذها ابوها وفالبيت ضربوها هو واخوانها وقفلو عليها وانقطعت اخبارها لمده 3 شهور رغم انهم بين بيت اهلي وبيتهم شارع واحد
    طلقها زوجها واخذ ولده وتزوج وحده ثانيه خلال 4 شهور او اقل
    المهم ابو البنت بعد 3 شهور راح لطليق بنته واخذ معاه رجال من جماعتنا وقال له ابغاك بس تحلف ان بنتي سوت كذا قال له الحين بعد 3 شهور جاي تبغاني احلف ؟
    قال ابو البنت والله بنتي ماتنام الليل تصلي وتدعي عليكم وتحلف لي ولاخوانها انها ماسوت كذا وامها وخالاتها راحو للمشغل والعاملات حلفو انها ماطلعت الا لما خلصت وراحت تدور صاحباتها وهم زباين عند هذا المشغل ومالقيتهم لانهم مشيو عنها
    قال انا ماحلف لاني ماني معاهم والله يغفر لي اذا ظلمتها بس امي واخواتي مايكذبون
    بعدها بايام صار للعائله هذي مصايب الام طاحت مع الدرج وانكسر ظهرها ومن قوة الالم تصايح باعلى صوتها وهءا شفته بنفسي
    واختهم الوسطيه جاها سرطان فالدماغ سبحان الله الي اكبر منها لما علموها ان اختها جاها السرطان جلست تصيح وتقول والله من ظلمنا لفلانه واخواتها يسكتونها مايبغون ينفضحون
    اخوانهم اثنين طالعين البر واحد منهم طاح في بير وجاء واحد بينقذه وطاح وراه ومات
    بيتهم انحرق وصار حالهم يصعب على الكافر والاخوات تهاوشو وكل وحده ترمي التهمه على الثانيه انك انتي الي خططتي ودبرتي الموضوع
    اخوهم انصدم لما عرف واخذ زوجته وولده ونقل عنهم وقاطعهم بما فيهم امه ولهم سنوات متقاطعين
    وراح يبغى يرجعها ورفضت ترجع ولا تبغى حتى ولدها وهي سبحان الله خطبها واحد من عيال عمها كمان مطلق زوجته ولا عنده اولاد
    وسكنت فنفس الحاره وعايشه حياتها وزواجها صار اكبر زواج في جماعتهم والحين معاها بنت عمرها اربع سنوات
    وكل اجازه ماشاء الله في بلد وبيتها افخم مما تتخيلون وكل الناس يحبونها
    وقسم بالله هذي القصه عشناها بكل تفاصيلها ولا زدت عليها شي

تابعي تجارب أخرى من هذا القسم.