الزواج من مطلق ابو عيال فاااااشل

طبعا اللي مجرب غير

واغلب زوجات المطلقين باطفال لو رجع الزمن ما بيوافقون

الطلاق من الاساس فيه شتات كبير وتفكك
الوحده لما يجيها خاطب تطير بالعجه وتوافق على طول وهي ماتعرف عنه شي
و اهلها اهم شي عندهم يصلي وموظف !!
مايكلفون على انفسهم يسألون عنه عند اصحابه وجيرانه وزملائه بالعمل لانهم راح يكتشفون اسلوبه وتعامله واخلاقه مع الناس اللي عاشروه
هذا الشي بيخلي الاهل والبنت تعرف تختار الزوج المناسب اللي ممكن تقدر تتعايش وتتوافق معاه وماتحصل مشاكل كبيره تسبب طلاق وشتات اطفال

الحاصل بعد الطلاق الام والاب يدخلون معركه تنازع على الاطفال وماياكلها غير المساكين الصغار مشتتين بينهم


واللي تقبل مطلق وعنده اطفال وهي بكر هذي لا تجي تناقش تروح لاهلها تلومهم وتلوم نفسها لانها اختارت هذا الشي وتزوجت وهي عارفه الوضع لازم تتحمل نتيجة اختيارها


وبرأيي المطلق والارمل يفترض يتزوج وحده ظروفها مثله اما مطلقه او ارمله واذا كان معه اطفال يشوف وحده معها اطفال عشان تقدر تتحمل المسؤليه وتتفهم الوضع
لكن للاسف الرجال مهما بلغ من العمر ومهما كثرت خلفته لما يفكر بالزواج ماتجي عينه الا على بنت بنوت ماسبق لها الزواج وللاسف يلاقي وحده تقبل !


بالنهايه كله نصيب وارزاق مقسومه

انا مطلقة لكن لو تقدم لي شخص مطلق بأطفال مستحيل اقبل حتى لو اجلس طول عمري بدون زواج
مشاكل الاولاد كثيره وماراح تعيش الوحدة سعيدة مع عيال غيرها ومهما كانت طيبة معاهم بالاخير يشوفوها مقصره
صديقتي قبل سنتين تطلقت بعد 3 اشهر زواج لانها تزوجت واحد مطلق وبعد 3 اشهر حب يرجع زوجته الاولى وشرطت رجعتها انه يطلق
الثانيه اللي هي صديقتي وطلقها وهي حامل عشان ترجع له زوجته الاولى حسبي الله عليه شوفو الحقاره كيف ايش ذنب المسكينة
عشان كذا كرهت المطلقين بزيادة

شوفي حبيبتي أصابع يدك ماهي سوا
مثل مافيه مطلقات مظلومات فيه مطلقين مظلومين
ونصيحة مني للكل اذا جاء مطلق اصحك تسألي طليقته وش سبب الطلاق قد تكون تألف قصص عشان ما يتزوج وهذا الشي صار لي شخصيا
رغم انها كانت متزوجة وعندها بنت من الثاني
بس تخيلي حطت عيوب الدنيا فيه اولا قالت انا اصرف عليه وهو ما معه غير الثانوي وغير كذا إمعه كل شي يقوله أبوه ما خلت كلمة ما قالتها طبعا بعد الاستخارة وافقت
طلع كل كلامها تلفيق طبعا هي غير موظفه ومع انها متزوجة تبي زوجي يصرف عليها بحكم العيال عندها ولما طالب فيهم قالت قدامك المحكمة وعيالك ما يبونك بالله عليكم هذا كلام
طبعا عيالها في مدارس خاصة ومع كذا مدرسه رايحه ومدرسه جايه غير المصروف الي يرسلهم ما اقدراقول شي لأنهم عياله بس امهم مستغله هالنقطة وهي ما تحل له تبيه يصرف عليها
الله يعين بس
طبعا انا مطلقه قبل ما أتزوجه وما عندي عيال والحمدلله عندي ولد وبنت ألحين الله يشفي وليدي ويحفظ لي بنتي ويحفظنا يارب من كيد طليقته ويرده في نحرها يارب
مصير السحر ينقلب على الساحر وجالسين نستنى فرج رب العباد

الله المستعان اتفق معاك ان الاطفال خسرو البيت الاساسي
واصبحو ضيوف عند الام وعند الاب وعند الجد
واصبحو يتامى وابوهم وامهم احياء


واتفق معاك أيضاً ان الجميع مسؤول مسؤولية كامله عن اختياره وربي يوفقه