تعلمي الطريقة الصحيحة لتدليك فروة الرأس لزيادة نمو الشعر.

السلام عليكم ورحمة الله وبركاته
اهلين حوائيات , كيفكم؟
ثالث موضوع حكتبو وعلى ضمانتي بإذن الله بس بشرط تقرأون كل حرف عشان تستفيدو لاني كاتبه فيه اشياء مهمة.
اصحاب الرؤوس اللي ما تتحمل اتفه الم رجاءًا لا تجربو عشان لا تدعو علي
ندخل في موضوعنا وهو الطريقة الصحيحة لتدليك فروة الرأس لزيادة نمو الشعر
اخذت انا وقريبتي عن طريق خبيرة كويتية معروفة انستقراميًا
وهو لمدة اسبوع شهريًا هالطريقة تجربيها
بس بعطيك معلومة , االاغلب فينا لمن يدلك رأسه يدلك الشعر مو الفروة ؟ تحسين يدك جالسة تلعب ف حشيش حق الغنمم !
منجد اتكلم ! الفروة الجلدة هي اللي تدلكيها مو شعرك , حتى تتأكدي من كلامي جربي خمس دقايق دلكي الفروة باربع اصابع واصباعك الكبير هو اللي تثبتينه في رأسك لانها شوي متعبة لليد
وجربي خمس دقايق تدلكي شعرك وتسمعي-الخشخش-وشوفي الم المساج الخفيف حيجي مع اي مساج ؟.
وحطو في بالكم اللي يدلكو شعورهم وهي صعيفة وسريعة التكسر تتساقط اكثر من انها تتحسن وتقوى!
يلا نخش في الطريقة زي ما قالت الخبيرة.
اول شي تجيبي الزيت المفضل لك ايًا كان ,
توقتي أي شي عندك لمدة ربع ساعة
تزيتي فروة الشعر بدون الخصل الباقية
تأكدي ان الزيت على كل الفروة ,ومن ثم شغلي المؤقت وانسدحي على سريرك بس راسك مكان رجولك بالطرف -يعني راسك نازل على الخلف تشوفي الدنيا مقلوبة-
وابدأي سوي مساج للفروة-الجلدة - ولك طريقتين يا تبثتي الاربع اصابع في راسك وتحركي اصباعك الكبير او العكس اللي يريحك
الموضوع يتعب صح؟ ريحي نفسك خليه خمس دقايق على ذي الحاله وخمس دقايق اجلسي على طرف السرير ووحطي راسك على ركبك وسوي المساج -لا تمشطيه-
والخمس الدقايق الاخيرة وانتي عادي جالسة ورافعه راسك . حتحسي بألم خفيف بس مريح وبسرعة يروح طبعا مع المساج وحركة الدم.
تسوينها يوميا لمدة اسبوع ف الشهر وحيطول شعرك انش واحد في الشهر - هي قالت مش انا-
بس الطريقة ذي هي الصحيحة للتدليك ويتحسن نمو شعرك معها
الغالب يقول مستحيل اسبوع كامل ندلك بزيت والغالب زيوتهم ريحتها نفاثة فعندي حل
انا استخدم تونك شعر من فازلين يعطي لمعة وهو يستعمل يوميا لاعادة زيوت الشعر الطبيعية فمن نظرتي اشوفه هو احسن لانه هو علاج للشعر
حتلقينه ف الصيدليات او اي عطارة او ماركت وله احجام الصغير ب 8 ريال والاكبر 12 ريال وعلى فوق
بس مفيد مفيد للناس اللي شعورهم يجلسو بالايام وم تزيت بس تعرق هذا حيساعد على المساج واعادة زيوت شعرك
اهم شي لا تكثري منه اذا وراك خرجة خفيف حطي ! لان اللمعة قوية جدا ويدهن بعدها
وفيه تونك من صانسليك لونه وردي مكتوب عليه خلطة السبع الزيوت برضو جربوه
وفيه كثير برضو من صانسليك على حسب نوع الشعر التالف والناعم واللي كذا .
اتمنى تدعولي والله يعطينا على قد نيتنا.

5 تعليق 5,940 مشاهدة

شاركي في النقاش

سجلي الدخول لإضافة تعليق.

التعليقات

5
  1. @ash_tstfyd_mn_ghrork

    وعليكم السلام ورحمة الله وبركاته


    جزاك الله خير


    أنا قبل كم شهر بدات أسوي الحركة دي بس لانها في الشهرر مرة نسيييت اكررها
    وخليت اختي بعد كدا تدلك راسي كم يوم
    هو بصراحة لأن الواحد مو متعود يحس بكسل شوية
    بس نتعود يكون سهل
    وحاليا جالسة ابحث عن الة التدليك هذي


  2. @reyof_1

    صحيح أنا دايم أدلك فروة راسي , وطول شعري , غير الطول المساج مفيد يحرك الدم في الراس.

تابعي تجارب أخرى من هذا القسم.