اسبوع مر من فقدانك ي حبيبي

لا اله الا الله.
عظم الله اجرك اختي واحسن الله عزاكم
والله لي مافتره فيني رعب من الموت على طول خايفه افقد الغالين حولي.
قبل اسبوع توفى زوج بنت عمتي وهم عرسان ماكملو 6 شهور قلوبنا متقطعه عليها بنت عمرها 21 شالت كثير كانو متعلقين في بعض. والصعب برضو معاه بنفس الحادث 4 قريبه ايضا توه وهو توه مملك من 4 شهور والباقي كلهم اصحاب عوايل وفي حاله خطره
وقبل يومين توفى مفاجئ ولد خالي وترك زوجته وعياله. الاصعب حاله امه الله يصبرها هذا ولدها الثاني غير خالي الله يرحمه وكم واحد من اهلها متوفين قبل فتره في حادث.
الموت حق ولكن الفراق صعب. الله يرحم امواتنا ويرحمنا برحمته ويحسن خاتمتنا ويطول عمر احبابنا.

جزاكم الله خير واللهم آميييين يارب الله يعوضه ويعوضنا ويصبرنا توفي بمرض مفاجي بالصدر ماطول معاه الله يرحمه بواسع رحمته وعندي 3 اطفال اكبرهم 12 سنه الله يرحمه ويغفرله الموت أعظم مصيبه لايضاهيها شي الله يخلف على مكلوم وموجوع ويجعل اللقاء بالجنه اعظم مالنا غير الصبر والدعاء والذكريات الطيبه اللي يموت وذكره طيب مايموت من القلوب يبقى فيها وزوجي كان طيب وحنون وذكره طيب كنت اقول لاتدلع العيال ويرد علي ماباقي لهم غير ذكري خليه طيب الله يرحممممممه بواسع رحمته

الله يغفره ويرحمه ويجبر ع قلبك ويرزقك الصبر والسلوان رددي دائماً اللهم اجرني في مصيبتي واخلفني خيراً وردي ياجبار اجبر كسر قلبي هو تركك للي ارحم بك من امك وارحم باولادك من ابوهم للرحمن الرحيم

الله يرحمه ويغفرله ويتجاوز عنه حزنتني وهاذا حال الدنيا دنيا فانيه الله يصبرك ويربط على قلبك ويجعلك سند لصغار ويسخرلك كل خير وتوفيق

الله يربط على قلبك انا نفس مشاعرك تجيني اللهم الفرق بس انا طلقني بعد عشرة عمر الحمدلله على كل حال قدر الله وماشاء فعل