اول مرة بحياتي افضفض،، ياليت القى منكم الاهتمام

ليتك صديقتي❤️

ياحبي لك والله الدنيا ماتسوى تضايقك حاسة بك اخر حد واحساس الوحدة والنبذ بس تأكدي انك قادرة تتخلصين منه وتصنعين من نفسك فتاة جريئة ومثقفة وقوية مثل ماصنعت من نفسك طالبة وموظفة ناجحة أنت ماوصلت لهالمكان الا لانك تستحقينه وقادرة توصلين للافضل والوظيفة اللي خسرتيها حكمة ورحمة من ربي وخيرة لك لا تتعلمين الخبث ولا الحش ولا اللف والدوران والحمدلله ان ربي نجاك منها ماشاءالله تبارك الله أنت تدخلين بحديث القابضون على دينهم كالقابضون على جمر زمن الغرباء أنت غريبة وسط جمعة البنات لانك طيبة وع نيتك وماعندك من الحش والتصنع والكذب والتباهي انت غريبة بدينك وبخلقك الحسن مهما نبذك الناس تذكري انك عزيزة عند ربي وهذا مايمنع انك تثقفين نفسك وتقراين بالموضة والدارج عند البنات هالايام واخبار العالم واي موضوع ثقافي والطبخ وووو ومن كل بحر قطرة وادعي ربي يزيدك قوة وثبات ويسخر لك خلقه رددي يارب ارزقني حسن الخلق والخلق وسخر لي خيار خلقك وخلك واثقة بنفسك لانك فعلا تستحقين الثقة رغم ظروفك الصعبة نجحتي هالنجاح الباهر وهما بدلالهم ورفاهيتهم يالله وصلوا ماوصلت له رغم امكانياتهم العالية بس هذا من فضل الله عليك ولاتستخفين بنفسك ولابقدراتك ولاتفوتين الفرص عشان سواليف وتفاهات وربي يعينك واكثري من الاستغفار ((ويقوم استغفروا ربكم ثم توبوا اليه يرسل السماء عليكم مدرارا ويزيدكم قوة الى قوتكم))

الله يسعدكم اسعدتوني بردودكم وشجعتوني ,, الله يرزقكم بما تتمنون

البنات جميعهم ماقصروا
قالوا اللي ودي اقوله




بس فيه شي واحد ما تكلمتي عنه
اهلك وش دورهم بحياتك
انا ما اقصد والدك الله يرحمه
لا اقصد الام والاخوات


لان الاخت لها دور وتأثير

البناات ماقصرواااااا بس الاهم مو تقري الكلام وتسكري الصفحه حاااااااولي بالتطبيق وابدي حاليا سجلي في تحفيظ قران وشوفي كيف قلوبهم الطيبه وراح يساعدوك وقلوب صافيه ويسالوا عنك ويكون لك صحبه تعينك ع الخيررر كلامي من تجربه