نفسي اجيب 5 اطفال ....ولكن

حبيبتي اختي الله يسعدك على الرد و****لله يريح بالك على حبايبك
المشكله الالتصاقت ماتتعالج خلاص والحمدلله على كل حال
بس انا كنت في ضيقه من كلام ابني وحبيت افضفض معكم

الحمد لله على كل حال في اليراء والضراء
ولكن الانسان معرض للهموم والكرب و****لله ربنا ما يوريهم لحد

انتي عالجي الالتصاقات وبعد سنتين فكري واذا تبغين تختسرين مشوار التعب والمعاناة تعالجي وجيبي توائم احسن لك

الله يعينك ويعيننا ي ختي ويقوي ايماننا بالله حتى انا ولدت قيصري واحب الاطفال بس اخاف يحصلي في ولادتي الثانيه التصاقات او اخطا طبيه

بنات هي مارفست نعمة الله بالعكس هي تحبهم من حبها لهم تبي تزيدهم هي ماقالت زي بعض البنات ابي احمل بولد ابي احمل ببنت وعندهم خير من الذريه وعندهم صحه وعندهم القدره على الانجاب
هي تشكر الله وتحمده على الاثنين مومعقوله تحبهم ولا تحمد وتشكر الله مايشكر الله ولا يحمده الا اللي يحب ضناه وبعشقه وهي تحبهم وتعشقهم وتبي بعد المزيد منهم
هي قالت ابي ازيد نسلي وتحب كثرتهم مافيه شي بالعكس هذا اللي حثنا الرسول عليه اكثار النسل
شفتوا حديث للرسول يقول اكثروا من الاولاد او قال اكثروا من البنات !!!؟
اذا الرسول يحثنا بحديث على الاكثار النسل
ويامر معشر الرجال انه يتزوجون الودود الولود
ولا قال يكفي ياحاريم عليكم اثنين وجلسوا عليهم وحمدوا ربك وخلاص قفلوا الحمل يكفي التفريخ زي البعض ماينصح ليش التفريخ رسولك امر بالتفريخ
اذا فيه عوائل ماتعرف تربي اثنين تراه فيه عرائل تربي عشرين
الحين شوفوا من قايم بالحدود والحرب تراهم شباب جايين من امهات خلفوا فوق العشر من قايم بحمايتكم بعد الله عزوجل شباب جابتهم حاريم فرخوهم هم وخوانهم
امهات ربوا عيالهم اللي مفرختهم احسن تربيه وقاموا يدافعون عن دينهم ووطنهم
وامهات العكس
لذا الصلاح والفساد بيد الشخص نفسه مو بيد امه وابوه امه وابوه ماقالوله خذ هذا واكفر وافسد بالارض
يجيك فاسد ويصلحه الله
ويجي صالح ويفسده الشيطان
كم واحد ووحده اتبعوا سبيل الشيطان مو امه وابوه
وبهدايته عزوجل رجعوا لطريق الصواب
هذا كلامي للي يقولون ويتطنزون باللي تحب تكثر نسلها واطفالها
كان رسولُ اللهِ صلَّى اللهُ عليه وسلَّم يأمُرُ بالباءةِ وينهى عن التَّبتُّلِ نهيًا شديدًا ويقولُ: ( تزوَّجوا الوَدودَ الوَلودَ فإنِّي مُكاثرٌ الأنبياءَ يومَ القيامةِ )
الراوي: أنس بن مالك المحدث: ابن حبان - المصدر:صحيح ابن حبان - الصفحة أو الرقم: 4028
خلاصة حكم المحدث: أخرجه في صحيحه
المهم
هذا رابط ممتاز شوفي الردود مو الموضوع
انا قريت بعض الردود ممتااااازات تجلب التفائل
فيه عمليه بسيطه بالمنظار سووها بنات فيهم الالتصاقات الشديده وحملوا ورى بعض مو مره
وفيه حبوب لازم تستخدم بعدالولاده مباشره مدة شهرين تمنع الالتصاقات وطبعا قالوا انه الدكاتره بعضهم هم يسببون الالتصاقات زي خياطتهم السبب او ماصرفولك الحبوب بعد الولاده مباشره
http://forum.hawaaworld.com/showthread.php?t=30614...
لذا مافيه شي بهالدنيا كلها مافيه علاج
كل شي حطله الله عزوجل علاج الا الموت
اذا مرض السرطان كثير تشافوا منه
فكيف بالحمل وغيره
الله يحب العبد اللي يسعى في طلب الرزق على العبد الجالس المتشائم اللي يسكر الابواب ويقول خلاص مافيه
وانتي تبحثين عن الرزق مافي شي يغضب الله بالعكس الله يحب اكثار الذريه لان الرسول صل الله عليه وسلم قال حديث عن هالامر والرسول مايقول شي الا الله عزوجل يحبه
دام الله معطيك عمر ابحثي وتعالجي ودوري العلاج
لايأس مع الله عزوجل مع من يثق فيه
كل شي الله وضع له علاج
الله مايضع داء الا له دواء الا الموت
لذا اسعي وبحثي وتوكلي على الله عزوجل
وبحثي عن حلول ولا وطلبي من الله والحي بالدعاءمو تحلسين تبكين لا يالغاليه الله عطاك لسان ودين وقلب وعقل تدعينه تضرع وخشيه والحاح
مو اي دكتور يراح له لازم دكاتره كبار اخصاييين مو اي دكتوره معها ورقه تقول شهاده معناتها تراها تعرف كل شي لا من وين تجي الاخطاء الطبيه الا من هالدكاتره اللي شهادات بس
لذا البحث المستميت والعميق تبعدك عن مشاكل الدكاتره واخطاءهم
الرقيه الشرعيه اهم علاج قبل علاج الطب لازم اثنينهم مع بعض
بس اول الرقيه الشرعيه عشان جسمك يستجيب بسرعه
انصحك تبدين من هالحين تتعالجين بالرقيه الشرعيه
والبحث عن دكاتره صححححح يعالجون الاتصاقات عشان اذا تشافيتي منهم الا يكون ماى مابغيتي الحمل تحملين
مو تجلسين وتقول بعدين اتعالج تتاخرين وتزيد المشكله ويمكن يكون ذاك الوقت فيه دكاتره ممتازين بالوقت اللي انتي ماتفكرين بالعلاج يوم فكرتي فيه الا ماتلقينهم
الله يفرجها عليك وعلينا وعلى جميع المسلمات والمسلمين
والله يرزقك المزيد من الذريه السليمه الصالحه الباره من البنين والبنات اللي تملى بيتك سعاده وسرور وانشراح وطاعه