شاركي في النقاش

سجلي الدخول لإضافة تعليق.

التعليقات

2,007

  1. @ne3na3a محررة

    #89697888
    دموع برائحة التفاح
    بنات لا تخلوني اوسوس دحين انا حامل عن طريق التلقيح الصناعي الداخلي بتوام الحمدلله وامس رحت للدكتوره وشافت كل شي طبيعي والمشيمه مرتفعه والحمدلله وانا من الشهر الاولى الى الحين الخامس ما احد قال لي من الدكتورات ربط ولا شي بس يقولي ارتاحي…
    اول شي حياج الرحمن معانا ،، وعسا ربي يتمم لج حملج علي خير

    بالنسبه للربط يختلف من وحده لوحده لكن المفروض انهم يقيسون عنق الرحم بالاسبوع 13 ،،

    لكن دام ماقاسوه اللي عليج الحين انج بكل سونار تسالين عن طوله وتاكدين عليهم انه مسكر ،، وبعد تجنبي الوقفه والقعده بشكل مستقيم


    بالنسبه للتحاميل هي للتثبيت وتخفف التقلصات وو اكيد انها عنصر مساعد لتفادي الولاده المبكره

  2. @dmoaa_brayh_altfah محررة ذهبية

    #89697948
    والله يا نعناعه ما اعرف لاني بكريه دوبي اكتشفت الربط وبعدين هم عادي يسون السونار الرباعي و ما يجيبو طاري الربط مع اني جات فتره سافرت دكتورتي الرئسيه وصرت أراجع بيني دكتوره و الثانيه لدرجه دخلت مره عند استشاريه ولكن ما جابت سيره الربط
    طيب اقدر اروح الحين اطلب منهم مع اني في الخامس
    طيب معليش عارفه ان سوالي بايخ
    انا ما شاء الله عريضه من عند الحوض حتى جسمي عريض ماهو ضعيف هل يدل على سلامه الرحم
    والله اني انهميت يارب فرجك عليا

  3. @ne3na3a محررة

    #89698152
    دموع برائحة التفاح
    والله يا نعناعه ما اعرف لاني بكريه دوبي اكتشفت الربط وبعدين هم عادي يسون السونار الرباعي و ما يجيبو طاري الربط مع اني جات فتره سافرت دكتورتي الرئسيه وصرت أراجع بيني دكتوره و الثانيه لدرجه دخلت مره عند استشاريه ولكن ما جابت سيره الربط طيب…
    ماله شغل عرض الحوض ،، بسلامه الرحم
    انتي كل اللي عليج الحين متابعه قياس عنق الرحم ،، الراحه واخذي مثبتات ،،
    ولا تهتمين ترا مو كلنا رابطين
    انا عندي اجهاض سابق والحين ماربطت متوكله ع ربي سبحانه

  4. @dlaa_bnt_magd عضوة فعالة

    صاحبة الموضوع #89698224
    بكتب لك بعض الاشياء البسيطه اللي مرت علي
    اول شي عشان نتجنب الولاده المبكره ناخذ بعين الاعتبار اهم نقطه اللي هي


    الالتهابات والبكتيريا اللي تصيب الحامل واذا ماعالجتها في وقت مبكر تسبب مشاكل اثناء الحمل تؤدي اللي الولاده المبكره
    ابرة الرئه ضروري ضروي كل حامل تاخذها وخصيصا حمل التوائم
    اهم نقطه الاسبرين ضروري سواء للجنين او لك لمنع التجلطات ولازم كل حامل تمشي لمدة عشر دقايق كل يوم عشان تحرك الدوره الدمويه
    شرب الماء بكثره والاكثار من الفواكه الابتعاد عن كثره الموالح تجنب للضغط والزلال والسكريات عشان ارتفاع السكر


    النفسيه النفسيه النفسيه لها اثر كبير على الحمل فحاولي قد ماتقدرين تبتعدين عن اي شي يزعلك او يضيق صدرك فكري بنفسك وحملك بشكل ايجابي ابتعدي عن التفكسر والوساوس




    وفي الاول والاخير كل مايصيبنا قضاء وقدر شي مكتوب لنا مهما عملنا بالاسباب لكن التوكل على الله وحسن الظن بربي فوق كل شي

  5. @ne3na3a محررة

    #89698334
    وانا بزيد عليج بعد


    الجماع تقللون منه او تمتنعون ،،
    السلم ابتعدوا عنه قدر المستطاع و الوقفه الطويله ،،
    التحاميل السايكوليجست اخذوها شرجيه افضل عشان المهبليه ممكن تسبب التهابات غير تاذيكم بالافرازات
    ريحوا نفسكم قدر المستطاع لاحقين علي الطلعه والتجهيز وكل شي ،،
    حاولوا تجنبون الامساك والضغط علي نفسكم وانتم بالحمام عزكم الله


    وقبل كل هذا كثره الدعاء والرقيه والتوكل علي الله سبحانه واستوداع الاجنه لله سبحانه