شاركي في النقاش

سجلي الدخول لإضافة تعليق.

التعليقات

53
  1. @am_fofo

    والله انا شربته في ولادتي الاولى لانها تاخرت..والدكتورة اللي طلبت مني اشربه..لكن مافادني بشئ بس جاب لي مغص ..وبالاخير سوو لي عمليه..
  2. @nsmhoaaa

    marawi81
    يا بناااااااات لاتستهينون بالموضوع مو تسمعون فلانه شربت خروع و ولدت فتسوون مثلها فلانه يمكن الله يسر لها و كانت ساعه ولادتها يمكن انتي ماهي ساعه ولادتك و تتسببين على نفسك و عالبيبي تدرين ليش اقول هالكلام؟ لان الخروع يسبب اسهال الله يعزكم …
    صح لسااااااااااااااااااااااااااااااااااااااااااانك يالغاليه كلامك حكمه
    :icon18: :icon18: :rolleyes:
  3. @fol_otaamyh

    انصحكن ماتشربن خروع
    الوحدها ليش مستعجلها على الولادة
    احسن شي تجي الالام الولادة من غير ماتشربين ها الخرابيط
    وفي المستشفي يعطونك حقنة شرجية
    والله يسهل عليك ويرزقك با الولد الصالح
  4. @am_slm_5

    مراااااااااااااحب
    بحكيلكم ولادتي الثانيه اللي بعكس ولادتي الاولى اللي شفت الموت فيها لدرجه ان امي فقدت الامل اني اعيش عقبها صرت سوداااااااااااااااا وماقدرت اتنفس وكنت اشاااااااااااااااهق ابي القط الانفاس ابي الحيااااااااه..ياربي لك الحمد...كنت متخوفه لما حملت للمره الثانيه اني امر بنفس السيناريو لولادتي الاولى...المهم...حملى الثاني كان متعب جدا بعكس الاول...وبالشهور الاخيره ترقدت كثير بالمستشفى..كرهت نفسي لدرجه انه يجيني شد بالفخوذ انشل بعدها مااقدر اتحرك من الوجع...وضغط رهيب بالمثانه كل مره اقول بولد...لدرجه اني اقولهم سوولي قيصري ابي ارتااااااااااح...المهم ..موعد ولادتي كان بتاريخ 2-5...وقبلها باسبوعين دكتوري الخاص..عطاني خلطه شبيه بمفعول العشرج(الحلول) اشربها لتسهيل وتسريع الولاده...شربتها مره وبغيت اموووووت من الماغص والاسهال...وتركتها مع انه المفروض اشربها كل ليله...المهم..جيته بتاريخ 4-5 يعني طوفت موعد ولادتي ب3 ايام وشافني الدكتور وسالني انتي لسه ماولدتي؟؟؟(يحسب اني داومت على خلطته)..قلت له ولا فيه بوادر ولاده حتى...!!
    قالي خير انشاءالله روحي غرفه الفحص..رحت وجهزتني الممرضه للفحص الداخلي...ويوم دخل على الدكتور الا وجه مايطمن بالخير اتاري زوجي المصون خبره اني ماداومت عالخلطه..وهات ياتهزيئ فيني ..قلت له مااتحمل ريحتها وطعمها...قال لزوجي وهو معصب عقب 3 ايام اذا ماولدت ودها الطوارئ يولدونها بصناعي لاتجيبها عندي ونشوف شلون تحملين الصناعي اذا هالوصفه ماتحملينها ..ولا بدك تخلي الطفل ببطنك على طول؟؟؟؟؟؟
    المهم الحديث كان طويل مع الدكتور وطعت منه ضايقه بي الوسيعه..هم حمل وهم ولاده قلت لزوجي خلنا نتمشى بااي مجمع وبي الصيحه وهو يحاول يهديني ..مع اننا تاخرنا ودوامه كان ليل...المهم الساعه 9 بالليل زوجي راح لشغله واانا اخذت اخت زوجي عشان تمشي معي وكنت مقرره اني اهلك نفسي بالمشي خلااااص وصلت معي ابي اولد بااي طريقه ..درت على منطقتنا بكبرها ساعه كامله بدون توقف..وصلت بيتنا وحيلي منهد خلااااااااااااص...اجلت صلاه الشفع والوتر للساعه 12 بالليل..شربت الخلطه (اة من طعمهااااااااااا) وتوضيت وصليت الشفع والوتر وبخشوووووع هالمره ودعيت ربي دعوة حسيتها طلعت من قلبي اني اولد بهاليوم(وكان يوم جمعه ) وبوقت دعاء المسلمين وييسرها علي ...عقبها رحت وحطيت يدي عى بطني وقمت اقرى سوره مريم ..وعقبها قعدت عالنت لاذان الفجر صليت ودعيت ونمت ..قمت 4 ونص على ماغص زي الم الدوره بسيط واقدر اتحمله وبدى الاسهال معي...حاولت انام وكل مااغفي يقومني وجع الماغص واروح للحمام وانتوا بكرامه وادعي اني اشوف علامه الولاده..دم ماء مخاط اي شئ ابي اولد وبسسسسس..ماشفت حاجه..وعى هالموال الى الساعه 8 رحت وسويت فطوري والماغص كان يجيني اوقف عن الشغل واامسك اي شئ قدامي واذا راح المغص اكمل شغلي (عقب عرفت انها طلوق ) المهم افطرت وكانت الساعه 9 ونص حسيت بماغص ورحت الحمام وتغسلت وشفت خيط دم طاح ..وهنا عااااااااااااااااااااااد رجولي قامت تنافض وجتني رجفه مادري من وين..مع اني كنت منتظره هاللحظات على احر من الجمر...بس سبحان الله خفت ..تذكرت غرفه الولاده والفحص الداخلي والبلاوي اللي انتوا خابرينها خفففففففففت حييييييييييييييل...قمت اسحب رجولي يالله امشي مع اني كنت عادي اتحرك قبل كم دقيقه بس الخوف ومايفعل ...رحت اقوم زوجي ...وتوة كان راجع من دوامه وماامداه ينام وكلمت حماتي عشان تروح معي وطول ماانا بالسياره ...ادعي الادعيه واقرى الزلزله...واكل تمر جهزته وطلعت نواته وحطيته بصحن صغير عشان اقدر اكله بغرفه الولاده ومايشوفوني الممرضات ..المهم وصت الطوارئ ودخلت لهم امشي عادي ورحت عند الاستقبال خلصت اجراءاتي ورحت غرفه افحص فحصوا الحراره والضغط..وكنت كل ماتجيني الطلقه اوقف وااخذ نفس ومااقدر اكلم احد...والسستر تسالني فيه شئ ؟؟ اقولها ولاده..تقولي اقعدي ..اقولها مااقدر...المهم دخلت على دكتوره الطوارى ...وبدت تلبس القفازات الي اكرههاااااااااا لاني ادري عقبها فحص داخلي...ويوم همت (حلوة همت هذي  ) ويوم بدت تبي تفحص مسكت يدها وقلتلها تكفيين عندي الولاده اهون من هالفحص بشويش ربي يخليك...ضحكت وقالت لاتخافي يدي خفيفه ..ويوم بدت مسكت يد الممرضه وقمت اتنفس بعمق (التنفس رووووعه فعلا يخفف الوجع) ماوعيت الا انها تقول ماشاءالله ماشاءالله 7سم مفتوح ولاده....تبون الصراحه انا خفت احسد نفسي 7سم ومااحس بوجع قوي؟ قولوا لاله الا الله ماشاءالله... وقمت احمد ربي وكنت بنزل من السرير اروح مشي لغرفه الولاده منعوني وحطوني بهالسرير وعلى غرفه الولاده...عطوني لبسهم ونزلت بلبسه الا الممرضه تصيح علي ياماما انتي 7 سم ولاده خليك بالسرير ..قلت انشاءالله بلبس وارتب ملابس وبطلع السريع (فاضيه صح؟) وتصيح مره ثانيه علي ..هنا عاد صرخت عليها وقلت رجاء ادري اني ولاده بس لاتصارخين علي انتي تربكيني كذا..وهي تطالعني وااحسها تقول شهالمخبوله اللي ابتليت بها ..المهم انسدحت وربطوا الحزام على بطني عشان نبض الجنين والطلق وحماتي كانت عندي وتعطيني تمر بالخش وتشربني ماء ...وكنت مشغله القران عندي وحاطه السماعات بااذني عشان مااسمع صراخ الحريم وااخاف..المهم الساعه 11 ونص الممرضه قالت لازم نفتح ماء الراس الجنين بدى يتعب ..خفت لاني تذكرت اختي تحكيلي عنه تقول مووووت ..قالتلي لاتخافي بشويش راح افتحه وماراح تحسين بوجع..جابت المسطره ياويلي عليها ..وقلت الحين الاوجاع بشوفها صدق..لكن والله اني ماحسيت لابيدها ولابالمسطره ماحسيت الا بماء دافي يتدفق مني...وقالت خلصنا..وشوي بتحسي بااوجاع اقوى...وقمت اتحرى الاوجاع ماجاني الا نفس الماغص البسيط... وكل مالها تسئلني تحسي بدفع؟؟؟اقولها لا....12 ونص حسيت اني ودي بالحمام وانتوا بكرامه ويوم قلت لها ..قالت لازم افحص لاني رفضت انها تفحص قبل ..قلت زين..ويوم فحصت قالت توسع 9 ونص ...والراس واصل احس قيه ..كسرت السرير وثبتت رجولي عى القواعد وتنادي (ببيبي نيرس ) (يالله من هاللحظات اصعب اللحظات )...قالتلي كل ماتحسي بالطلق ادفعي بقوووة ..قلتلها عطيني ابره عشان مااحس بوجع خروج راس الجنين ..تقولي انشاءاله اذا قرب ..اتاريها تمشيني بس وتاخذني على قد عقلي .. وجتني اول طلقه وعصرررررررررررت بقوة وماشئ طلع ..وهي تقولي اقوى اقوى وااعصر حسيت نفسي رااااح ...وتصيح اعصري اكثر اكثر البييبي وصل حرام بيختنق ..نشوف راسه ..وانا اعصر وحسيت اني برجع ..وااقولهم بررررجع وتركض السستر بتجيب صحن ارجع فيه بس سبقتها ورجعت على نفسي والسرير والارضيه ..حتى وانتوا بكرامه سويتها من تحت ...وراحت السستر جابت لي لبس جديد وتلبسني والراس يبي يطلع ..ماادري وين انا ووين اللبس بهاللحظات الحاسمه(شدعوة كره قدم ) قامت تغيرلي والثانيه تقولي ادفعي اقوى لا توقفي طلع الراس طلع ..واانا اعصر وااصيح مااقدر اتنفسسسسسس..وااحس بيدها وهي توسع المنطقه وعقب قصتها وطلع الراس وقالت اوكي اوكي حبيبتي ارتاحي تنفسي واذا جت الطلقه ادفعي عشان الجسم يطلع ..وتنفست عدل وقمت ادفع لحد ماسمعت صوته وهو يصيح فديت قلبه واء واء واء وااشوفها ماسكته برجوله وراسه تحت ...وقمت ابكي واردد الحمدلله الحمدلله وااقولها امسكي راسه لايتملع ..وهي تضحك ...وفعلا استجاب الله لدعاي جبت بيوم الجمعه الساعه وحده الظهر بوقت الدعاء للمسلمين وبولاده ميسره وبتاريخ 5-5(مميز صح؟ )...يااااااااااربي لك الحمد...بس تعذبت بالخياطه كانت تخيط وينقطع اللحم كانت حيل ملتهبه المنطقه ... عقبها كلمتني امي وقعدنا نبكي ..لاني ماعلمتها اني بالولاده..ماعلمت الا اهل بيت زوجي لاني معهم بنفس البيت ..ووصيتهم مايعلمون احد لحد مااقوم بالسلامه...يقولون اذا كثرت الناس اللي تحضر الولاده تتعسر نفس ماصار معي بالاولى...

    طولت عليكم صح؟؟؟ اعذروني بس حبيت اعيشكم معي..ربي يرزقكم مثل ولادتي يااااااااارب
  5. @am_slm_5

    هذي مقادير الخلطه..(50 مل زيت خروع في كوب منجا مع ملعقتين عسل ) وعلى فكره عقب ماشربت هالخلطه اول مره وشفت الموت من الاسهال ..تركتها ...وقلت لدكتوري مخاوفي منها واني قريت من المنتدى من ااحد الدكتورات انها تسبب تبرز الجنين في بطن امه..عصب بزياده وقالي من( الـ...) اللي قالك هالكلام؟؟؟استحيت اقوله دكتوره المنتدى...قلتله دكتوره بمصر...قالي خليها اذا فيها خير تناقشني بهالموضوع ..الا الرجال واثق من نفسه ...بالمناسبه هو استشاري نساء وولاده.. وشغله فعلا صح...

تابعي تجارب أخرى من هذا القسم.