السلام عليكم..
صباح الخير يَ أجمل حوائيات 💕
[اللهم بارك فيهم ويسر أمورهم]
الحمد الله على كل حال ..
البارح زوجي ارسلي نص هذي الرسالة
" السلام عليكم
بعد تفكير وتردد واستخارة قررت اني أثبت على قرار طلاقك ;طبعا اليوم الي سار فيه مشكلة الصورة الي ارسلتيها بعدها بيوم1436/9/18 طلقتك الطلقه الأولى وبعدها يوم 1436/10/15 الطلقة الثانية بعد التاكد انك منتي حامله وبعد ما علمتيني انه جاتك الدورة طبيعية قرات بعد الطهارة اني اطلقك الطلقة الثالثة وعشان اثبتها في المحكمة فالشيخ قال الطلقة الأولى ما تقع لأنه على طهارة والثانية تعتبر طلقة اولى والثالثة لا تقع الى بعد رجعا وانا ما افكر ارجعتك وعليكي العدة طبعنا ثلاثة حيضات ..
طبعا انا ما افكر في ترجيعك ويريت لا تتواصلي معي نهائيا
حولتلك 5000 ريال على الحساب الى ارسلتيه وروحي واستلمي صك اثبات الطلاق
واسال الله إن يرزقك خيرا مني . "
وطبعاً في تفاصيل انتوا ماتعرفوها هي أن زوجي معدد انا الثانية وافقت طبعا لأجل ظروفنا انا وأختي وبصراحة كان يظهر شخصية رائعة وهو انسان ملتزم ملتحي وانا احب الملتزمين وأميل لهم فوافقت وقلت اخيراً الحمدالله ربي رزقني بـ الشخص اللي اتمناه وماكنت حريصة على انه شخص مرتبط وعنده اطفال اولا كان يهمني كَ شخص وأنا ماعندي مشكلة في التعدد لكن الآن تغيرت وجهة نظري تماماً ..
وبعد العقد في شهر 8 تم حفل الملكة والشبكة وكانت عائلية وخاصة ودخل علي يعني اصبحت زوجته لكن باقي حفل الزواج وأنا أجلته لشهر 11/25
وهو آجل انه يخبر زوجته بموضوع زواجه حتى يقرب الزواج وأنتقل معاه الى جدة ..
وقبل المشكلة اللي هي المركز والصورة بثلاث ايام هو قالي خبر زوجته اني بتزوج ثانية وهو جدا يحترمها ويقدر العشرة اللي بينهم وهذا اللي حببني فيه لإني اكره الرجل اللي يتكلم في زوجته ع الأقل احفظ حق العشرة بينكم والعيش والملح..
وطبعا هي تضايقت وهذا من حقها تزعل وتتشره لإنه زوجها لكن الغريب هو تصرفه معاي انا بحكم اني زوجته الثانية .. كان وقتها حسيت انه يدور الزلة علي لدرجة اخذ يوم كامل ماكلمني بسبب نقاش تافه بيني وبينه وبعدها رجع تأسف وجا الرياض زيارة لي وكان متغير من بعد مافاتح الموضوع مع زوجته ..
وجات مشكلة المركز والصورة قضاء وقدر والخيرة فيما اختاره الله كانت 9/15 وفي نص رسالته يقول بعد تردد واستخارة طلقت وهو طلق بعدها بيومين ولا كان عندي علم وكنت مستغربة من تصرفاته وكنت استشيركم والحضر وكلام الألغاز ........ الخ
طلع مطلقني بدون علمي وبيثبتها ثلاث بعدين يخبرني عشان مافي مجال للرجعة شايفين كيف الحقارة ويتعذر بالصورة !!! لكن القاضي رفض لإنه طلاق بدعي وهي الآن طلقة واحدة وانا ما أفكر ابداً ارجع له وطبعا هو يقول كارهني بسبب الصورة ويحس اني بنت منزوع منها الحياء لكن انا متأكدة الصورة مجرد عذر لشيء في نفسه ..
والآن اشعر اني مخدوعة وانلعب علي ودخلت معمعة كبيرة وحملت لقب مطلقة وأعطيته عذريتي وماكان يستحقها انخدعت فيه وباعني في اول موقف بيني وبينه لكن الحمد الله على كل حال مؤمنة بقضاء الله وقدره {اللهم اجرني في مصيبتي واخلف لي خيراً منها }
محتاجة دعواتكم ..
الموضوع مغلق