شاركي في النقاش

سجلي الدخول لإضافة تعليق.

التعليقات

24
  1. @gbl_shamkh

    والله نفس المعاناة ومن منتصف الشهر على قولتكم، حتى تجي ليتني أكون محققه كل الي أبغى لا، دايما احرم نفسي من أشياء اقول هالشهر مااقدر مايكفي، اخليه الي بعده وهكذا
    واصرف بالفيزا، وتطلع مناسبات تخرب عليك وهالشهر معليش مضطره لكذا، والشهر الي بعده مضطره لكذا............
    وهكذا يطير بكل وقت، مع انه وافر والحمد لله بس سبحان الله مافيه بركه

    أنا مؤمنة بمفعول الصدقة العجيب، وحتى جربته، لكن أحياناً تخرب علينا الغفلة، واحيانا احتار من اعطي ووشلون، لأني أخاف أعطيها غير مستحقها ولا أؤجر
    ودايم احتار كم النسبة الي افضل اطلعها؟

    صح وبغيت اسألكن، إذا أعنت أحد بسلفة أو شي من هالقبيل من باب انه مزنوق الحين وبيرجعها اذا تسهلت أموره، ما يعتبر هذا بباب الصدقة؟


    صح تذكرت كثرة الاستغفار والاقلاع عن الذنوب والابتعاد عن المصروفات الي تغضب الله تعالى مهمة لطرح البركة وكذلك الدعاء بسعة الرزق والبركة والقناعة

    والله يرزقنا وإياكم من واسع فضله
  2. imay
    سندويشة نو تيلاا اناااااااا مثلك احيان نص الشهر مفلسين وزوجي من الناس الللي يحبووون يطلعون على طووول يعني حتى اللي مخططين نسوووي فيهم شئ للمستقبل يسحب منهم وماااا يبقى شئ
    اسمعي عزيزتي انا زوجي مسرف ما يقعد الريال في جيبه يوم مو شهر........ واتبعت طريقة حلوة صحيح فيها شوي تحايل بس الهدف خير ان شاالله......... صرت اذا طلعت السوق أخذ معي مبلغ كبير مثلا 1000 ريال واشتري الاشياء الضرورية جدا بحيث اصرف مبلغ بسيط مثلا 200 ريال واخبي باقي المبلغ واقوله صرفت الفلوس كلها تعرف الاسعار نار وانا لازم البس وأكشخ ومن هالكلام........ وأعمل كذا في السوبر ماركت...... اشتري الاشياء اللي عليها عرض وسعرها رخيص وأخزنها عندي وكل فترة اقوله نبغى اغراض وخذ الفلوس وأخبيها.... أما بالنسبة للطلعات اذا قال نبغى نطلع أختار مكان رخيص بس ما اقوله عشانه رخيص بالعكس اقعد امدح فيه واقول زميلاتي دلوني علية .....
    اما بالنسبة لراتبي انا من أول ماينزل في الحساب اروح اصرف ثلاث ارباعه واترك جزء بسيط واقول لزوجي هذي التزامات وديون ........الخ واخبي المبالغ هذي كلها في حساب سري في احد البنوك مايدري عنه زوجي..... واذا احتجنا خلال الشهر اطلع مبلغ بسيط واقول لقيته في الشنطة وكنت ناسيته او اجيب اي عذر ثاني وهو مايهمه من وين جبته طلما فيه فلوس.......... وكمان دخلت جمعيات مع زميلاتي من جهه ومع امي واخواتي من جهه ثانية واذا استلمت الجمعية دخلتها في الحساب بسرعة........ وبكذا الحمدللة توفر معي مبلغ محترم اصرف منه وقت الزنقات........بالتوفيق
  3. مثلكم بس لقيت حل

    لما أفتح محفظة زوجي وألقى فيها فلوس معتبرة آخذ منها على حسب مجموعها بس بشرط إن اللي آخذه يكون أقل من الخمسين....مره أخذ خمسة ريال مره عشرة مره ثلاثين ومره آخذ الريالات المفرقة بس...ليه؟؟؟؟؟؟؟؟؟!!!!!لأني لو ماخذتها زوجي بيشتري فيها ببسي له أو حلويات يقول لي شافها وتذكرني أو مجلة يازعم أسلي نفسي بها أو يجيب أي حاجة للبيت أنا ماطلبتها...وزوجي من النوع اللي لما يشوف شيء في السوق معه هدية مجانية أو سعرة رخيص يجيبة يقول ينتهز الفرصة وهو يمكن شيء مانحتاجه بالذات إذا كان من الأطعمة أو العصيرات لأنه يخرب ومصيرة ينكب في الزبالة,أو يروح يعدل ويبدل في سيارته حتى لو مافيها أي خراب بس يتهيأله إن فيها صوت أو رجه

    الفلوس هذه اللي خذتها تنفعني بعدين .....كيف؟؟؟؟؟

    هو كل أول راتب الشهور العادية الي مافيها مناسبات يعطيني مصروف200 إلى 300 يجي نصف الشهر أو لما ينزنق ياخذها...فالفلوس اللي جمعته أدبر أموري بها أشتري فيها أشياء لي بالذات لما يحطني عن أهلي يمكن مايكون معه شيء وأحياناً يقولي ماأقدر أعطيك شيء لأني في حاجة للي عندي دبري أمورك بالفلوس اللي لفيتيها من وراي

    والفلوس اللي جمعتها أحياناً تنفعنا لما يجونا ضيوف على غفلة

    كثير ناس قالوا لي هذه سرقة!!!كيف تاخذين من محفظة زوجك بدون علمه؟؟؟حتى الريال لازم تستأذنين قبل ماتاخذينه؟؟؟

    الفلوس اللي أخذتها ماهي رايحة في تبذير او شيء غلط. كلها لي وله ولبيته ..بعدين زوجي يدري إني أخذت منه حتى لو ماإستأذنت

    هذه الطريقة تنفع يابنات بالذات للي معها زوج كل مافتح بقشته ولقى فيها فلوس واجد راح واشترى كل شيء قدامه لا وياليته ينفع اللي إشتراه

تابعي تجارب أخرى من هذا القسم.