شاركي في النقاش

سجلي الدخول لإضافة تعليق.

التعليقات

24
  1. نسيت اقولكم ياأخوات ابتعدوا ثم ابتعدوا عن الفيزا والماسترد كارد والبطاقات هذي كلها لانه فيها ربا وانتو عارفين ان الربا يمحق البركة ......... وغير كذا البطاقات دي توفر لك مبلغ مو بايدك عشان كذا تصرفي من غير ما تحسي كم بقى معك وكم صرفتي وتتفاجئي ان عليك مبلغ اكبر من قدرتك وتضطري تسدديه وترجعي تشتري بالبطاقة وتسددي وتدخلي في دوامه ومتاهة ماتعرفي كيف تخرجي منها........ يمكن تقولوا طريقتي قديمة وبدائية بس والله رائعة لتوفير الفلوس وهي سحب المبلغ اللي انا اتوقع احتاجه من الصراف واخلية بيدي وانا اشتري اخلي الموبايل بيدي مفتوح على الحاسبة واضيف سعر كل حاجة اشتريها واذا تجاوز سعر المشتريات المبلغ اللي معي ارجع بعض الاشياء اللي اشوف انها مو ضرورية مرة او زايدة عن الحاجة..... المهم ان مشترياتي ماتتجاوز المبلغ اللي انا صرفته والله مرتاحة على الطريقة دي مرة
  2. صاحبة الموضوع
    مشكوووووورين كثير
    بس حنا عندنا مصاريف كثيرررررررررررررررررررررررة بالشهر من عامله ومصروف بيت ووووووووووو ..........
    يعني تروح في تسديد وو وووووو
  3. والله فعلا مشكلة
    بس اذا كتبتي احتياجاتك في ورقه وذهبتي للسوق والتزمتي بالمكتوب فقط بلا زياده اعتقد ممكن توفري
    وكمان الصدقه صدقيني والله متجربة
    وممكن كمان تلزمي نفسك بمبلغ شهري تحوشيه مع امك او في البنك بس تلتزمي بيه كانه قسط او دين وبكده يتوفر معاكي
  4. @am_hboby

    اهلين خواتي..

    الرابط اللي حطته الاخت جوري روووووووووووووووعه الله يجزاها الجنه..

    اختي الغاليه جبل شامخ حتى لو اعطيتيها اللي مايستحقها >>>صدقيني الله يكتب لك على نيتك..

    والله يااخوات ان الصدقه لها مفعول عجيب.. وانا مجربه..

    الشهر اللي اتصدق فيه يبقى معي من راتبي .....على عكس الشهر اللي ماتصدق فيه احس الفلوس تطييير مادري وين تروح..
    صدق من لاينطق عن الهوى حينما قال " مانقص مال من صدقة "

    نصيحه كل مايجيك الراتب حطي مبلغ معين اللي تقدرين عليه في ظرف ووصليه لأي جمعيه خيرية..
    ورمضان على الابواب الله الله في افطار الصائم وعدايا الفقراء.. وابشروا بالاجر
  5. ragd21
    اسمعي عزيزتي انا زوجي مسرف ما يقعد الريال في جيبه يوم مو شهر........ واتبعت طريقة حلوة صحيح فيها شوي تحايل بس الهدف خير ان شاالله......... صرت اذا طلعت السوق أخذ معي مبلغ كبير مثلا 1000 ريال واشتري الاشياء الضرورية جدا بحيث اصرف مبلغ بسيط …
    عجبتني هذي الفكره وااايد.
    انتوا تتكلموا على اخر او نص الشهر و الي تخلص فلوسه من اول اسبوه و الا اسبوعين :(.
    بصراحه انا اكبر دليل على ان الكريدت كارد و القروض سبب ذهاب البركه. بس الحمد لله خليت عندي خطه اني ادفعهم و خلال سنه ان شاء الله اغلق جميع الكريدت كاردز.
    انا ادفع المينيمم و ما استخدم البطاقات و الحين معظم البنوك عندهم خدمة التقسيط يعني اذا صرفتي مبلغ معين تقدرين تقسطيه على عدة اشهر بنسبة فائدة اقل و البنك رح يحجز الدفعات يعني ما تقدرين تستخدميها. اذا كنتي ضعيفه الاراده قصي الكريدت كارد او خليهم في البيت و لو طبقت السما على الارض لا تستخدميهم.
    الله ياخذ هل المندوبين مال البنوك يخلون البحر طحينه و كل شي سهل علشان يورطون الواحد.
    قبل نهاية كل شهر اكتب في اجنده صغيره كل الديون و بعدها كل المصروفات و على اساس الاهمية اقوم بالدفعات اول ما اخذ الراتب. اذا تاجلين الديون ما رح تدفعيهم و يوم تتراكم تظلم الدنيا في ويهش. اول كم شهر فيهم حرمان و ضيق بس بعدها تتعودين و تخف الديون و ترتاحين نفسيا.
    ابتعدي عن المراكز التجاريه و حاولي تروحي الاماكن الرخيصه مثل الجمعيات التعاونيه حاولي تدورين عن الصفقات يعني 2 بسعر واحد ........ لازم اجراءات حازمه علشان ترتاحين في المستقبل. هاااااااا ما في ماركات بعد اليوم.
    سوي انتي و خوياتش الي تثقين فيهم جمعيه اذا بتدفعين 500 و الا 1000 درهم في الشهر و هذي طريقه تلزمك تجمعين.
    افتحي حساب توفير في بنك اسلامي و تاكدي انك ما تقدرين تسحبين الفلوس الا شخصيا و عن طريق البنك مباشرتا ( يعني بدون ATM مشين ) علشان اذا حطيتي فيه فلوس ما تقدرين تطلعيهم الا بصعوبه.

    بارك الله فيكي هذي بعض النصايح الي انا تعلمتهم بعد خبره في الفلس و المديونيه.

تابعي تجارب أخرى من هذا القسم.