التجمع السابع لأجمل وأروع امهات مواليد نوفمبر وديسمبر 2015🍼👼

انا لسى مااخذت مدس أخذت واحد ورجعته كان كبير بأخذ مدس عادي وخفيف خاصه اني ماراح اسوي استقبال بس الي فووق حركات للي بتسوي استقبال 😍

أي فعلا فيه بعض الملاحظات احنا لو شفنا تقصير طوالي زوجي يقول وين المدير ويجو الممرضات سريعات يخافو بس ملاحضاتنا كانت عاديه نقص صابون مناديل بدورات المياه غير عن كذا انا اجيهم اصلا على الصامت كله خوف من الزنجيات لايفترون فيه 😁أخاف من اسلوبهم يوم يعصبو على ألي تصرخ انا مؤدبه حتى يضحكو معي ويساعدوني مايدرون أن قلبي يرقع من داخل من الخوف😄 وكاتمه الم الطلق ههههه بس الحمدلله كلها فعلا زي ماقلتي تساهيل من رب العالمين وماهم إلا سبب

مين مازالت مستمرة على ترطيب بطنها انا من الكسل والانشغال صرت ادهن كل ثلاث ايام وأحيانا اجلس أسبوع وادهن من الشغل والفرفره يجي الليل إلا والسرير يناديني احط راسي نوووووم وحتى الدش سريع سريع عشان الحق للشغل الثاني واليوم الشهر الثامن خشيت ثقل مره مره والله بدون مبالغة اجلس ماعاد اقدر اقوم الا بمساعده زوجي او عيالي عكس حملي بولدي كنت خفيفه وحملي الآن بعروستي أحس ثقلت الله يصبرنا على هالشهرين ويتمم لنا على خير

الله يعين سبحان الله لي كم يوم ما احس اني حامل انسى احس اني خفيفه وانفجع على بنتي
بس ارتاح واسترخي الا هي تتحرك بس حركتها مؤلمه مره اما دق اسفل كنها بتطلع 🙈او تنشب رجلها بضلوعي لين ماعاد اقدر اتنفس

المدسات ماقد اخذتها لاني ما احتاجها واخاف منها تعطي البيبي حجم زياده اخاف يطيح او يزلق من يدي