للي جربت الحمل بعد القيصري تدخل الله يفتح لك ابواب رزقه

السلام عليكم حبيباتي الله يسعدكم انا حامل بعد ماسويت قيصري من سنتين وثلاث شهور وكم يوم ادخل التاسع والمشكله فيه الم مكان العمليه مو من برا لا احسه من جوا يعني طولت بالجلوس مقدر اقوم مثلا اذا تقلبت اثناء نومي احس فيه نفس الالم اللي يجيك لما تسوين القيصري بس على خفيف حتى بنطلوني ما اقدر البسه من الالم .. وانا نفسي اولد طبيعي وهالالم مخوفني الله يسعدكم طمنوني هاذا عادي والا فيه شي انا بروح استشاري يوم الاحد بس مرا قلقانه ابي احد يطمني اخاف اقولهم الم العمليه ويسدحوني ويشقشقوني😭 بانتظار ردودكم

17 تعليق 25,115 مشاهدة

شاركي في النقاش

سجلي الدخول لإضافة تعليق.

التعليقات

17
  1. @hmsat_albhr

    وعليكم السلام
    اني حملت يوم صار عمر ولدي سنتين وشهرين
    وحاليا بالرابع ومن الشهر الي طاف صرت احس بالعمليه الي قبل تنشد مع الم
    الله يكتب لنا الي فيه الخير
    الدكتوره هي الي بتحدد هل عمليتش تتحمل تولدي طبيعي او لا
  2. @ghgr

    صاحبة الموضوع
    همسات البحر
    وعليكم السلام اني حملت يوم صار عمر ولدي سنتين وشهرين وحاليا بالرابع ومن الشهر الي طاف صرت احس بالعمليه الي قبل تنشد مع الم الله يكتب لنا الي فيه الخير الدكتوره هي الي بتحدد هل عمليتش تتحمل تولدي طبيعي او لا
    انا الالم مو بس شد لا الم كاني توني مسويه العمليه يعني يجيني وقت ما اوقف فجاه او اتقلب وانا نايمه او لما البس بنطلوني الم فظيع ابي اعرف القيصريات ذا طبيعي والا
  3. @hissah11

    انا والده من عشر سنوات قيصريه والحين الحمدلله حامل في الشهر الثالث واحس بالالم الجرح من جوه بس اخف منكم وانا متاخره احس بالالم كيف انتم توكم من فتره والدين اجل ان شاءالله نولد طبيعي دام الوضع فيه الم
  4. @bayaa_almsk

    روحي للدكتوره تسوي لكرسونار تشوف سبب الالم
    اذكر قريبتي قالت انه بدا العمليه تعورها وهي مر على القيصري اربع سنين
    بس حملها اللي بعد القيصري كلن توم وبطنها مرررره كبير فولدوها على طول اول مادخلت التاسع ولدوها قيصري
    لانهم يقولون عمليتك ماتتحمل من التوم احتمال يجيك فتاق فيها فالاحسن نستعجل بالقيصري وولدوها الصراحه بطنها بالحمل بالتوم كان مره كبير يخوف ماتتربع بالجلسه تجلس وتفرج رجولها وبطنها بالارض
    قبل جابت ثلاثه بطنها صغير كلهم طبيعيين بس الثالث عمليه وهو المفروض طبيعي بس نزلت المويات كلها بالبيت وهي ماراحت للمستشفى تنتظر ابوهم يخلص دوامه
    يوم وصلت للمستشفى انصدموا انه خلصت المويات صارت حاله طاريه ركضوا فيها للعمليات على طول يبي ينقذون للطفل وهي تحسبه عادي الا يوم شافت الاستنفار
    وكانت متامله اللي بعده طبيعي بس صاروا توم وبتلشت


    انتي روحي للدكتوره تشوف وضعك مايحددون لك طبيغي قيصري الا من الثامن لانه يبين من العمليه اذا وضع العمليه فيها اشكال
    لذا روحي تشوفلك الدكتوره
  5. @alhb_lh_ohdh_1

    الله يستر يارب انا مثلك عمليه قبل سنتين والان حامل ب شهرين ،
    وخايفه .تبهذلت من عمليتي شفت نجوم الظهر عشان كذا ودي طبيعي اريح .
    الله ييسر لنا يارررررررب بالطبيعي
    عليك بالصدقه والدعااء

تابعي تجارب أخرى من هذا القسم.