السلام عليكم خواتي انا امي متوفيه الله يرحمها من صغري وكانت الله يرحمها معودتنا على العيب حتى الدوره لما جتني اعتبرتها كارثه مالقيت اللي يعلمني اي شي بس هي رحمة الله عليها اخر سنوات عمرها شكت انها جتني وقالت لي البسي كذا وكذا بسس
لكني اجهل اموور كثيير لدرجة الحف ماعرفت الا بعدييين عن طريق النت انه لازم حسبالي بس للمتزوجااات وملابسي ماكنت اعرف اشتريها مااقدر الجأ لاحد ولا استشير احد
اقارن نفسي ببنت اختي وبنات خالاتي وخوالي اهلهم علموهم كل شي النظافه الشخصيه وانا ماكنت اعررف صح تعلمت من النت بس مازلت اجهل ،، لقيييت سخريه مني وتطنززز مالقيت اللي يعلمني لقيت ناس تقووول بنات فلان ماشاءالله عليهم وبنات فلان سنعات وفلانه نظيفه وفلانه وفلانه الشكوى لك يارب حسبي الله عليهم والا يضحكون علي لاسويت شي غلط
المهم اني كبرت وانا شخصييه محطمه بشرتي ملونه رقبتي سمراء واماكن ثانيه الا سوداء مو سمراء
جتني مشاكل نسائيه كثيير لخبطة هرمونات ومشاكل مبايض وكذا
هذا غير الترتيب مااعرف ارتب بشكل جميل مثل الناس يعني صح انظف واجتهد بالتنظيف بس ناعندي حس بالترتيب مثل البنات اتيكيت وكل شي مرررتب بشكل منمق وكذا بالعكس اميل للاشياء الشعبيه والتراثيه
والطبخ صح اطبخ وطبخي يطلع طعم كوويس بس الشكل نهائي مااعرف اضبط ماعمري شفت لي طبخه بالشكل اللي اتمناه
حتى تغسيل المواعين والملابس وربي نفسي اكون مرتبه بالتغسيل والمواعين تكون مصفوفه بالسله بشكل جمييل
وصل عمري 28وانا اخاف يتطنزون اخاف يضحكون علي
حتى وظيفه مااقدر اتوظف مصاابه بمشكله نفسيييه والا نفسي اتوظف واعيش حياتي مثل البنات اللي بعمري
شلون ارفع ثقتي بنفسي وتقديري لذاتي
واللي عندها نصايح كيف اقدر اصفف شعري انظف بشرتي
ارتب غرفتي ارتب غسيلي
كيف اقدر احي اني مثل باقي البناااااات
حسبي على من كان السبب علما باني احب اطلع كثثثير لكن اذا جاء التنفيذ اكووون ولا شي
شاركي في النقاش
سجلي الدخول لإضافة تعليق.
التعليقات
11- وعليكم السلام """من رايي لوتنزلين موضوعك بقسم العنايه بالبشره والشعر تستفيدين من تجارب الاخوات لان الموضوع محتاج تفصيل وعندك قسم الترتيب والتنظيف بس نصيحتي لك اهتمي بنفسك اول شي بشرتك وشعرك وعنايتك الخاصه وبعدها ملحقه على التنظيف وسوي لك جدول بسيط لاتخلينه معقدتملين منه بعدين"""""""
- لازم يكون عندك ثقه بنفسك والماضي لاتفكري فيه خلاص الاشياء اللي كنت ماتعرفيها وبعدين كبرتي وصرتي تطالعي في النت
وعرفتي كل شيء ناقصك بس المحاوله ورا المحاوله الشي اللي ماضبطتيه بعد تكرار المحاولات راح تضبطيه والاشياء اللي
ماعرفتيها للان عندك النت تبغين طبخ حتى مقاطع فديو تعلمك بالخطوات وبس طبقي وتبغين مكياج نفس الكلام
والترتيب والتنسيق والبخورات والفواحات وكل مايخطر على بالك تجديه في النت معاد احد له عذر يقول ما اعرف
او ما احد علمني او لسه للان مو ذاك الزود اي شي تبينه اكتبي في جوجل وتطلع لك مئات المواضيع - أنا عندي أخوات أكبر مني وأم الله يعطيها الصحه والعافيه بس بصراحه ماتعلمت إلا من النت كل شي من تنظيف وطبخ وعنايه وترتيب وثقافه وتعامل مع الزوج وتربية أولاد خصوصا عالم حواء ...انتي مشكلتك بس ثقه في النفس خليك على طبيعتك مو لازم ترضين اللي حولك أهم شي تكونين راضيه عن نفسك وهذا ما يمنع انك تطورين نفسك للأفضل انصحك تقدرين كتب للدكتور ابراهيم الفقي عن إطلاق قدراتك تلقين كتبه في النت حمليها والباقي سهل سوى جدول وامشي عليه
طموحة2010 أنا عندي أخوات أكبر مني وأم الله يعطيها الصحه والعافيه بس بصراحه ماتعلمت إلا من النت كل شي من تنظيف وطبخ وعنايه وترتيب وثقافه وتعامل مع الزوج وتربية أولاد خصوصا عالم حواء ...انتي مشكلتك بس ثقه في النفس خليك على طبيعتك مو لازم ترضين اللي حو…
حبيبتي الله يكون بعونك ..الحين النت يغني عن كل تعليم شوفي نفسك ايش المحتاجة تعلمينه وابحثي عنه وتدربي عليه ..والله أعرف بنات ما كانوا يعرفون يحطون مكياج والحين ما شاء الله عليهم كنهم خبيرات من بس النت ولا راحوا دورات ولا شيء ..الله يستر عليك ويوفقك وتوكلي على الله دائما ...- بالعكس اسلوبك مو باين انك عايشه بوسط فوضى نفسيه
واكبر دليل أن انتي اكتشفتي كل المشاكل اللي عندك وتبحثي عن حل وكمان اعتمدتي على نفسك بدون ام او شخص مرشد لك
انا اهنيك بصراحه لأن اعرف ناس كثييير عايشين بهمجيه و فوضى رغم ان عندهم ام وكل شيء يساعدهم
انتي محتاجه تجلسي مع نفسك وتحطي خطه لحياتك و ايش الشكل اللي تطمحي له واكتبي بورقه ان انتي بتكوني انيقه ومرتبه بس ببساطه وكل شيء بيكون بحدود
حطي وقت لتنظيف البيت و قت للطبخ و وقت للنت و وقت لنفسك
لا تناظري لمجتمعك ولا تقارني نفسك بأحد ابحثي عن نفسك وأسسي نفسك مستحيل تكوني نسخه من احد لأن كل شخص له اللي يناسبه وله ظروفه وله مميزاته
اقتنعي بنفسك حتى لو عندك نقص عشان تتطورين ..النقص ما يعيب
و أفتحي النت و أقرأي ثم أقرأي ثم أقرأي
واكتبي الأشياء اللي استفدتيها بورقه عشان تراجعيها بين فتره وفتره وتنفذيها
بتلاحظي انك تتطورين شوي شوي
و أخيرا ..حبي نفسك عشان الناس تحبك
مواضيع مشابهة
تابعي تجارب أخرى من هذا القسم.