السلام عليكم كروشات😍😅
الله يبارك فيكم ويهون عليكم يااارب
لا مابسحب عليكم وعدتكم ابقى مع اخر كروشه ونبارك للجميع ونقفل التجمع والجميع بصحه وعافيه واطفالنا باحضاننا يارب
ومبرووك للوالدات الي بعدي 🎉🎊🎊يتربون بعزكم وعقبال المعوشرات الله يفرجها عليهم يارب.
اكشني ابدا مايخوف يارب لك الحمد اولا واخرا
كان معاي طلوق كاذبه من اخر اسبوع بالتاسع ومغص بس مو مستمر ولا متواصل وقلت لكم الدكتوره بالمراجعه قبل الولاده بيوم قالت المويه 7 اذا نزل معاك مويه او دم تعالي وطلبت مني تخطيط بس طلعت ماسويته قلت السبت اجيك واخذت موعد السبت الظهر بس يوم الخميس العصر قمت من النوم وحسيت فيه شي نزل كانها الدوره والمغص العادي وغيرت ملابسي وتحممت وقلت عادي بس رجع ونزل مويه اكثر من الاول ونزلت على فخوذي وكل ماامشي ينزل ولبست فوطه ماتحملت وجلست انتظر زوجي لساعه 5 ونص ورحت للمستشفى وكشفت قالت سانتي ونص فاتح الرحم ولازم تنويم علشان المويه نزلت والطلق بارد وجلست انتظر زوجي يخلص اوراقي وطلبتهم ابره الظهر ودفعنا المبلغ ورحت لغرفه الولاده وعطوني الملابس ذيك المفتوحه من ورى 😑وعطتني ابره شرجيه لازم بعدها مااتحرك من السرير مع اني بيومها مااكلت الا ثلاث تمرات قبل اروح المستشفى ومعاي مويه زمزم شربت منها قبل اروح لغرفه الولاده ومن رحت قالو لاتشربين مويه😪
وجت وكشفت مره ثانيه مااقولكم مايوجع الا بس محتمل وناخذ نفس وقتها وبعدها حطو جهاز التخطيط ذاك ومغذي وجهاز الصغط باليد الثانيه والطلق محتمل وجا دكتور التخدير وعطاني معلومات عن الابره وطبعا منطقه الظهر مكشوفه واهم شي مااتحرك واذا جت الطلقه اقوله ويوقف شغل ويرجع يشبك الانبوبه والابره محتمله شكه بسيطه وانسدحت وبدا مفعول الابره بالبدايه كشفت الدكتوره وحسيت بكشفها وقال لسى مابدا مفعولها بالتدريج وفعلا بعدها بساعه كشفت الدكتوره ولاحسيت فيها ابدا
ورجولي ماقدرت ارفعها الممرضات وقت الكشف يرفعونها وبعدين ينزلونهن وطفو الانوار ونمت بس طول الرحم مايفتح كل اربع ساعات يفتح سانتي واسمع صراخ الحريم وادعي لهم واقول بقلبي الحمدلله اخذت الابره لان بعدها حطو لي طلق ومااحس فيها بس بالجهاز يشوفونه وبعد مافتح 7 سانتي عطوني ابره مع المغذي تقول تلين الرحم وتساعد بفتحه وطبعا انا مو حاسه باي شي وتكشف وتوسع وتضغط على بطني الدكتوره علشان يجهزون البيبي للنزول وبعدها جهزو حديدتين امسكهم وقت الدفع ورجولي طبعا كل وحده على قاعده وابدا مو حاسه بالمنطقه ابدا
ووقت الطلقه يقولون ادفعي وانا عارفه طريقه الدفع وساعدتهم واربع دفعات وشرفت القمر😍
وبعدها المشيمه ولاحسيت بشي وبعدها الخياطه وابدا مو حاسه بشي والحمدلله نعمه الابره وانصح فيها لاني مجربه بدونها وحسيت بالفرق وبالاخير الولاده تساهيل من رب العالمين .
وبعد بنصحكم لاتشربو قهوه من تدخلون التاسع لاني سمعت وحده تصرخ وتصايح بعد ماولدت واستغربت بس اسمع الدكتوره تقولها انا خدرت المنطقه وقت الخياطه غريبه تتالمي وسالتها اذا تشرب قهوه ممكن منها ماتخدرت المنطقه والحمدلله انا لي فتره ماشربت قهوه وحبيت انصحكم تتركوها ع الاقل قبل الولاده بايام وربي يسهل عليكم ويفرجها ياارب،
بقدومه هلت البشاير 💖🎉🎉💙 و صوته هز المشاعر التجمع (3) لأحلى مواليد سبتمبر و اكتوبر
متابعة النقاش، صفحة 126