تجمع امهات الروضه والتمهيدي👫🎒

الله يحفظها يارب

بصراحه انا مااعرف وماعندي خلفيه
لان دآ بكري وبالروضه مااعرف شي
ومن ناحية الانشطه
هو داوم الاحد الاسبوع الي فات داومنا معاهم 3 ايام
وكانو بس يلعبو
وربوع وخميس راح لحالو بس اتوقع مااخدو شي لان لسى ماوزعو الكتب
بس الخميس سوو حفله
^
واليوم الاحد اول داوم بالاسبوع الثاني ويمكن يبدائو ياخذو دروس والله اعلم

حتى انا ولدي لسى مااعطوه الزي ولا الكتب
يمكن خلال هذا الاسبوع يعطوه مااعرف !!

يابنات قبل شويه ولدي رافض يروح الروضه ولا يلبس ولا يسوي شي
لان الاسبوع الي فات كان يروح مع زوجي للعمل وزوجي يبصم دخول وبعدها يستاذن عشان يودي
ولدي وكان ولدي مايعرف بهالخطه وينصدم لما يشوف الروضه
والي حاصل ولدي فهم الطبخه
وقال مني رايح اي مكان قلتلو روح مع بابا العمل وبعدين تعال قال لا ماابغى بعدين يوديني الروضه
وقلتلو خلاص روح الروضه ورح اجبلك هديه واحاول فيه لكن مافي فائده وقعد يبكي
وبالنهايه رحت معاه !!
ودخلتو للروضه وقلت للمعلمه انو مرا طفشني مو راضي يجي لحالو
قالت الافضل انك ماكنتي جيتي لو خليته بكل يوم يجي لحالو حتى لو بكي
لان يبكي شويه وبعدين خلاص ياخذ عالوضع
وقالتلي الربوع الي فاات كان مضايق وزعلان ويبكي لكن الخميس بكي بااول الدقايق وبعدين لعب واتسلى
مع الاطفال !
وقالت مع الوقت يتعود
والمهم حطيت ولدي بالفصل وسحبت نفسي وسمعت صوتو وهو يبكي
قلبي عورني بس اتحملت وخرجت :(
بس المشكله كيف اقنعو يلبس ويخرج من البيت
مرا فيه عناد مو طبيعي الله يستر بكرا ايش يسوي معايا

الظاهر أنه ماحب المعلمة ولا قدرت تجذبه لها ... الطفل اذا راح للروضه يكون يبي أم ثانيه ...وفيه معلمات مايعرفون يحتوون الطفل أما لانها ماتعرف أو لأن عدد اطفال فصلها كبير فما تقدر تسيطر. .