تجمع امهات المستجدين والمستجدات على بركة الله(1436-1437)

ام عبوووود مادخلتيها قبل كذا روضه ؟؟


عادي موادهم سهله لاتخافين وحبه حبه عليها وقوي قلبك انا العام من كان ولدي تمهيدي اذا طلع يصيبني وسواس وقلق وصرت استودعه الله وخلاص ..

نفس إحساسي ببنتي:( وهي بكري الله يخليها لي:( تجيني
وساوس من تروح بتطلع بتتخطف بصير لها شي لا سمح الله:(
والله ما اطمن للين تجي ومن الساعة 11 ونص انتظر الباص خلاص
اتوتر :( والباص يجي 12 وشوي:(
الله يقوي قلوبنا:(
والمواد حتي انا احسها صعبة كتير الله يسهل عليهم
بنتك خلصو كتاب التهيئة ؟؟وبدو كتاب الطالب؟؟انا بنتي لسه باقي لها 3 وحدات وتخلص كتاب التهيئة لغتي

والله يا اختي هذا اليقهر احنا نعلم عيالنا علي المثالية ولا تاخذو غرض
مو لكم،كيف ياكلون ويلعبون وايش يشترون من المقصف(الاشياء التنفعهم)
رغم اني أشك في شي في المقصف يكون نافع😅😅😅😅كلها خرابيط وكلام فاضي😰😰انا بنتي من دخلت المدرسة انا غسلت أيدي :( كنت في البيت غير مسموح
بالشيبسات والحلويات بصورة دائمة يعني مرة مرة وانا اتحكم في المرة
بس من راحت المدرسة خلاص تعلمت من البنات وكمان شوفي لو راجعتي
في الصفحات السابقة كان شفتي مشكلة بنتي متسلطة عليها بنت وكل يوم تقول لها كلام جديد مرة خطك مو حلو مرة مشاغبة مرة مو نشيطة مرة انتي مو حلوة:( المشكلة تقول الكلام و باقي البنات يسمعوها وبنتي بدت تتعقد وطبعا
عشان بنتي مو متعودة تقول كذا ما تعرف ترد وصارت تجي وتقولي
بكيت اليوم في الاخر امس رحت مدرستها وكلمت معلمتها والمرشدة
الطلابية وطلعت ما شافتني، واول ما جت جاتني وقالت لي ذيك البنت
اعتزرت لها وانتهي الموضوع:)
في كذا عيال الله يصلحهم ويهديهم يكونو متنمرين علي باقي الاطفال
ومستقوين لكن الغلط مو غلطهم غلط اهاليهم المفروض يتابعو سلوكهم
ويقوموهم،الله يهدي الجميع

صباح الخير
انا نفس وضعكم من تطلع بنتي وانا احاتييها مررره
واشفق عليها كيف تشيل الشنطه ثقيله مع ان عطوهم جدول بس هم ثقيله
والاهم بنتي ماكونت صداقات
اسالها في الفسحه مين معاه تقول لوحدي
قبل فتره كلمت امهات صديقاتها ان يخلون بناتهم يمشون معها قالو حتى بناتهم احيانا يضيعون صديقاتهم

امس كلمت ام بنت معاها
والظاهر نفس الشي
بنتي هادئه وحلوه وتقريبا متقبله المدرسه
اذا سألتها تقول ما اشوف صديقاتي في الفسحه او هم يطلعون بسرعه من الفصل قبلي
مره كلمت استاذتها عالخاص في الواتس قلت لها ان تدمج بنتي مع البنات اقهرتني ماردت
حدها ترد في القروب بس سؤال وجواب

احلا حلا
اشوى كلامك طمني احسب قلة الي زي ولدي ما يعرف يكون صداقات بس اشوى ماشاءالله يدافع عن نفسه
هوا لانه كمان عنده مشكلة في نطق بعض الاحرف
وتعرفو العيال اي طفل مختلف شوية يضحكو عليه او ما يلعبو معاه
بس ان شاءالله يتحسن ويصير يعرف كيف يصاحب