استشاره بأهل الزوج..اتمنى مساعدتي بنات

السلام عليكم ورحمة الله وبركاته حبيباتي..من زماان عنكم والله ..
بغيت أخذ رايكم في موضوع وحابه تنصحوني الله يسعدكم..
أنا لي سنه متزوجة ولله الحمد ..مشكلتي بنات زي اي وحده متزوجة أهل الزوج..أنا دخلت عليهم بكل محبة وأحترام بس للاسف خواته خمس كرهووووني كذا بدون أي سبب الله المستعان..والله لما رجعت بعد زواجي ازورهم دخلت على كا وحده منهم بتعليقة ذهب وبوكية ورد ,,وزوجي مررره فرح بهالشي مني لخواته...طبعا امه متوفيه الله يرحمها وأبوة كبير بالسن وطيب وربي بس يدعي لي ويحبني ...خواته للاسف لدرجة والله اول يوم رمضان رحنا نفطر عندهم وطبعا دخلت يدي مليانه وللاسف بس راح زوجي مع الرجال بالمجلس جات وحده دفتني بقوة والثانيه قامت تتاف واف اف اف اف وراحو قفلو عليهم بغرفه وتركوني لحالي بالصاله ووحده من بناتهم خلوها معي تراقب ليش بسوي,,,طبعا انا دقيت على زوجي وجاء وانا ابكي وعلمته كل شي قال يلا نفطر ببيتنا ...وطلعنا الا ابوة يلحقني ايش بك وايش صار قلت ياعمي القولون ضرب معي بروح الطبيب...رجعت فطرت أنا وزوجي بالبيت وربي الا الجوالات والواتس وتليفون البيت لما رد زوجي قالو له خواته ان ابوهم لما طلعت ابكي تعب وارتفع عليه السكر بسببي ,,,يبون يحطون المشكله بسببي ...طبعا قبل كل ماجلست معاهم قالو أخونا واخونا والبنات ميتات بس يدقون علينا يبونه يتزوجونه ههههههههههههه ...وطليقته لليوم تبكي تبي ترجع له ...حسسوني اني عايشه بالبر وهم ملائكة الرحمه ...طبعا يابنات زوجي أخوهم الوحيد وطيار والحمد لله ربنا منعم عليه ..ولاحظت انه صار متغير مو زي أول صح طيب وكذا بس زي مصروف كان يشتري لي شغلات والان بطل يقول راتبك وتزعجني عشان هالراتب ..وانا حاسه انهم قايلات له تصرف على نفسها من راتبها وكذا....انا يابنات مو مقصره معاه وطلباته اوامر بس مشكلتي ودي اعرف هل أرد على اي موقف أو اطنش ؟؟؟اذا احتجت شي أطلبه او اكتفي براتبي الي نصه قروض من أيام ما كنت مع أمي ,,,والله بنات ماني حاسه بالأمان معاه لانه من النوع الي يسمع كلام خواته لدرجة قلت لامي ماضمن انام الليله ببيته يمكن بكره أنام عندك يا يمة..طبعا عنده اولاد من زوجته قبلي وقالي مره ترى بيوم من الايام اولادي بيطردونك من البيت وربي انصدمت مارديت عليه ...ادري طولت عليكم بس والله من كثر ماكتم واشيل بقلبي قبل كم اسبوع بكيت لين دخلت المستشفى لاني اسكت مابي حياتي تخرب...الحين تشجعوني ارد باي موقف؟؟؟؟ وهل اطلبه مصروف او اكتفي براتبي؟؟؟وكيف اتعامل مع أهله لان من بعد موقف رمضان خلااااااص ماعاد رحت لهم بس هو اغلب وقته عندهم وانا اسكت اقول يقضي أمور عمي الشايب وكذا,,,ايش رايكم كيف امشي حياتي صح؟؟؟

35 تعليق 7,167 مشاهدة

شاركي في النقاش

سجلي الدخول لإضافة تعليق.

التعليقات

32
  1. @galaksy_4

    عورني قلبي عليك ,,
    بالنسبه لخواته حاولي تتقربين منهم وتعرفين ليه يكرهونك واذا ما قدرتي تعرفين طنشي
    اما بالنسبه للراتب أتوقع خوات زوجك لهم يد بالموضوع أمم حاولي ما تطلبين منه الا اذا هو مرووق مو متضايق او راجع من الدوام عرفتي كييف!!
    اما بالنسبه عن ان عياله ممكن يطردونك باي وقت
    اسمحيلي زوجك تماادى بالكلام خيير وين عايشين احنا!!!!!! ما ابغا اظلمه ممكن قالها بمزح او بدون قصد
    الله يعنيك
    أتمنى اني افدتك
  2. @taabt_ashky_2

    مفتاحك زوجك وابو زوجك اكسبيهم في صفك باي طريقه
    طبعا اهم شي الاهتمام والمعامله الحسنه
    واخواته حاولي تتجنبيهم ولا تدخلي معهم في مشاكل علشان مايلقون شي عليك ينقلونه لاخوهم
    خلي زياراتك قليله جدا وسريعه
  3. ياقلبو المفروض ماتنقلين المشاكل الي بينك وبين اهله ابد لان الي فيه مكفيه وامكن زوجته الي قبلك منحاشه من هالسبب ثاني شي خلاص لاتعطينهم لاهدايا ولا شي ولاتطلبينه الا الي محتاجه له فقط
    والمفروض اذا رحتي لهم روحي لابو زوجك لاتدخلين عليهم وخلي عباتك عليك حبي راس ابوه وجلسي عندهخوذي معك شاهيك وقهوتك وحلاك وفطاير ك كلها جاهزه وسوالف وضحك والبنات اذا بغو يجون يجون عنده واكثري من الاستغفار والدعاء وكلي امرك لله والله يسعدك ويوفقك ياكريم
  4. @amnyat_dayaa_1

    واضح انهم خربوا بيته الاول وقاعدين يسعون بخراب الثاني


    الله يسقيهم من نفس الكاس اللي يتمنونه لبنات الناس




    المهم
    مادام مايجبرك تروحينلهم هذي النقطة بصالحك
    روحي للشايب او اعزميه عندك لان له حق
    اما هم طبقي عليهم التعامل بالمثل
    حاليا هدي اللعب واذا راتبك يكفيك اسكتي
    واذا احتجتي حاجة ماعندك حقها اطلبي
    انا صراحة متزوجة من عشر سنين ماعمري اخذت منه مصروف
    لان اكيد يسمع منهم تحريش ويجيك مشحون يدور المشاكل
    فلا تخلين له طريق


    وكل يوم ادعي
    اللهم اكفنيهم بما شئت وكيفما شئت
    اللهم اني اجعلك في نحورهم واعوذ بك من شرورهم
    الله من اراد بنا سوءا فرد كيده الى نحره واجعل تدبيره تدميرا له

تابعي تجارب أخرى من هذا القسم.