- السلام عليكم ورحمه الله وبركاته خواتي في الله ابي الحكيمات يساعدوني تعبت من زوجي وظلمه لي تزوج قبل ستة شهور مطلقه معها أطفال وأن اطفالها يبقون معها بعد الزواج كان من الشروط طبعا اكثر من شرط المهم تزوج وتركني أنا وعيالي وسحبت عليه وجلست مع عيالي بشقتي مخليته لربي يأخذ حقنا منه هو واهله أهله الله لا يسامحهم يحرضونه علي وعلى عياله طبعا الممنوع علي صار مسموح للثانيه تمشيات ومصاريف المهم هذا كله ماهمني بعد الستة شهور رجع قبل رمضان وطلبت رجعته بشروط ونفذها بالبداية بعدها بدا يتملص منها وانا كنت أطالب بها ما سكت لكن كان يسوي لنا صيحه بالبيت ويزعج عياله عادي عندهواتهمه الا نفسه فكنت امشي لأجل خاطرهم مساكين كانت نفسيتهم تتعب حييل المهم أني تحملت عشان عيالي وتركت الخلق للخالق وكانت سبحان الله تجين اخباره هو وزوجته انهم مو مرتاحين ومشاكل وهو تبي تمشيه على كيفها وفعلا مشته وخذت كل شي بمساعدة أهله المهم خليت همي عيالي الوالد الله يرحمه كان يتعالج برا ورجع بعد سنه لانه الله يرحمه كان باخر أيامه ربي يغفر له ويرحمه ويسكنه فسيح جناته طلبت أزور الوالد الله يرحمه رفض كلمت اخواني ربي يخليهم لي ورحت ورفض أخذ عيالي طبعا وتركتهم توفى الوالد بعد رجوعه بأيام الله يرحمه تخيلوا ما كلّف على نفسه يحضر الدفن ولا رفع التلفون يعزي اخواني او اي احد بما فيهم أنا زوجته الوحيده بين خواتي اللي ما حضر زوجي وطبعا دائماً كنت اسافر لاهلي بروحي يرفض أخذ عيالي او انه يوديني حسبي الله عليه بعد وفاة أبوي الله يرحمه بأسبوع رجعت تخيلوا نفسيتي شلون وهو اول ما رجعت جاي بكل برود يبي حقه بالفراش طبعا أنا رفضت بعد يومين جاي يتكلم ان أنا ما استاهل وزوجته تستأهل وتاج راسي وما يشرفه يرفع التلفون يعزني والله أني كرهته بعدها اكثر من اول ظلم يوصل للدرجه هذي واهله نفسه ما كلفوا على أنفسهم يعزون لو بالتلفون يعني أنا كنت محتاجه احد يكون معي بالهموقف وهو زوجي فوق شينه قواة عينه حسبي الله عليه ابي منكم تعطوني طريقة تخليه يتأدب مع ان الموقف ما ينسي مستحيل أنسى صدقوني صعب صعب فوق ما تتصورون طبعا رجع يتمسكن ويكذب انه دق على تلفونات اهلي وكانت مغلقه طبعا كذاااااب لكن ما اعتذر أبدا أبيكم ترشدوني وتعتبروني اختكم وتدعون لي بالنصر والله أني مقهورة منه ودي اتطلق وما اكذب والله كنت أفكر ما ارجع بعد العزا الله يسعد اللي ترد على دنيا وآخره ويرزقها الجنه ويسخر لها زوجها ويبارك لكم بعيالكم يارب
شاركي في النقاش
سجلي الدخول لإضافة تعليق.
التعليقات
22- اللله ينصرك حبيبتي ويفرج همك يارب 😢مااعرف ارد ب هالموضوع ماعندي خبره بس لك دعائي 💜
- الله ينصرك
ولاحول ولاقوة الابالله
الله يرحم ابوك ويغمد روحه الجنه
لاتتطلقين ولاشي امسكي عيالك وبيتك وخلي الكلب يصرف عليكم
ودايم كرري حسبي الله ونعم الوكيل
والله لتشوفي عجايب الله وقدرته ولو بعد حين - لا تطلقين اجلسي ببيتك وعيالك وهو منه لله صدقيني مايضيع حقك ابد ابد
لو طلبتي الطلاق بيطلق وياخذ عيالك منك
وهم الضحيه بالاخير
اصبري اصبري ودوام الحال من المحال الله يكتب أجرك - عظم الله أجركم غاليتي رحم الله والديك واسكنه فسيح الجنان
من كلامك عيالك هم الضحايا أجلسئ لأطفالك وربيهم كفايه ابوهم ظالمهم
اصبري عشانهم وعلقي قلبك بالله سبحانه
كم سنه ويكبرو عيالك هم سندك وعزوتك
وهو بالطقاق ربي يحاسبه.. - اول شي اصلحي مابينك وبين ربك
ولا تقصرين بواجبك كزوجه من حسن المعامله والتودد والكلمه الطيبه او الحق الشرعي ومبادلة الاساءة بالاحسان
يعني لا تحطين نفسك بمكانة الظالمه او المقصرة مع زوجك ومع الناس ، يعني طهري نفسك وقلبك ولسانك
ثم
توكلي على الله و الجأي لرب العالمين بالدعاء واطلبي الله النصر والانصاف بدون ماترمين اللوم على شخص معين
واكثري من الصدقه والاستغفار واذا تقدرين خصصي ذكر يومي لك تلاوة صفحه من القرآن مثلاً
وثقي بالله ان النصر والفرج سيكون قريب
وانصحك بوقت اخر الليل توضي وصلي لو ركعه وحده وادعي الله واطلبي حاجتك مهما كانت حاجه كبيره او شديده اطلبيها من رب العالمين القادر على كل شيء
الله يشرح صدرك وييسر امرك
مواضيع مشابهة
تابعي تجارب أخرى من هذا القسم.