في اي عمر يكون زواج الاولاد؟

في بعد رجال يوصلون للثلاثين ما تزوجوا وعادي
لازم يبحثون على وظيفة لو في النقل الين يتحصل على شهادة تنفعه وتساعده في ايجاد الوظيفة
الزواج مو بس حرمه يجيبها عنده
هذي حياة كامله من اكل وشرب وصرفية للحرمه وتمشيات ومقاضي للبيت ولو جاء نونو تحتاج مراجعات وولادة والطفل اذا وصل له احتياجاته الغذائية واليومية والملابس

محسستني ان عيالك طقوا الخمسين
يابنت الحلال توهم صغار وش مستعجله عليه لاتورطينهم وتضيعين شبابهم ببيت ومسؤوليه وبزارين عشان رغبتك تصيرين جده
بعدين مو انتي اللي تقررين اذا يتزوجون او لا
هم اللي يقررون
اذا ودك تصيرين جده احتفظي بهالشي لنفسك عيالك ماخلقهم ربي عشان ينفذون رغباتك
هم اللي يقولون نبي نتزوج او لا

في عمر هو يكون ناضج ومستعد انه يفتح بيت وعيال وانه يكون موظف

عمي تزوج وعمره ثلاثين
خل اول يلقى وظيفه وبعدين الزواج
والله يكتب له مافيه الخير

الزواج ماله عمر محدد
متى ماتوظف ولدك وكون نفسه زوجيه
حتى لو تأخر لل30 مو مشكله اهم شي يكون نفسه
وولدك صغير 25 خليه يتوظف وان شاء الله مايجي عمرة 28 ولا 29 الا وهو متوظف واخطبوله


وفي حريم بعمرك لسىماصارو جدات
واعرف وحده بنفس عمرك جاها اول حفيد
منصدمه تقول لا مابي اكبر لاتكبروني مابي اصير جده هههههههههههههههه