استشاره بأهل الزوج..اتمنى مساعدتي بنات

خليك قوية لا تسكتين لهم بس اهم شي عمك لا تردين عليهم اذا كان موجود احتراما له وزوجك صارحية واساليه ليه متغير بس لا تكوني نكدية .. واذا قالت يمكن عيالي يطردوك قولي له انت اللي جبتني من عند اهلي مو انا

أنتي سكتي و سكتي كثير
و تحتاجين لجرعه من تقوية الشخصيه و تمشي أمورك
مو بس تكوني قوية شخصيه على زوجك لا على أهلك و خواته بعد
أهلك نبدا فيهم تقولين لهم بيني وبينه مشاكل و أبحاول أحلها معه لكن أذا مانفعت ماراح ترجعوني له بالغصب لو أيش ما صار
لازم يكون لك كلمه قولي أنا موظفه و شايله نفسي ومحد بيتكفل بي ولا أبي من أحد منكم ريال واحد بس الذل ماراح أصبر عليه ....
و زوجك تجلسين معه و تطلعين ألي بخاطرك بهدوء قولي هالوضع مو عاجبني
من حقي أخذ مصروف ومن حقي تهتم فيني ولا تحط أذنك لكلام الأخرين لا تخرب حياتك معي مثل ما خربت مع زوجتك الأولى
الأنسان يبي يتزوج حتى يستقر و يكون أسره و يعيش بسعاده وراحة بال مو يجلس يخرب حياته بيده
و ألي أشوفه أنك بتخرب حياتك مره ثانيه والله يالي جالسين يشيشونك ماراح ينفعونك و تذكر كلامي
قولي أنا صبرت و تحملت الذل و تحملت كلامك ولا نسيت يوم قلت ممكن عيالي يطردونك سكتت قلت يمكن يأنبه ضميره
بس للأسف سكوتي ما نفعني خلاك تفهم أني ضعيفه حتى أهلي يرجعوني لك يقولون يمكن يحس بغلطه
يعني صلحي موقف أهلك قدامه حتى مايفهم أنه ضعف ........ قولي تبينا يا ولد الناس نعيش بسلام و رحة بال
ياليت ماتسمع للأخرين و تحفظ كرامتي و تهتم بي و تصرف علي لأنك زوجي وهذا واجب عليك حتى لو كنت موظفه
مايعطيك الحق ماتصرف علي و هذا ألي عندي تبي تتغير ماعندي مانع تبي تستمر على وضعك للأسف ما أقدر ....
ومن اليوم وطالع ماراح أسمح لأحد يهيني سواء خواتك أو غيرهم ألي بيحترمني بحطه فوق راسي ولي بيهيني برد عليه
و بحفظ كرامتي .....
زوجك يحتاج لكلام يصحيه و يهزه .....

اول واهم شي اكسبي زوجك وبعدين كل الأمور تنحل اهل زوجك لا تقطعينهم تماما مو بصالحك بكره يشوشونه انك ماتبينهم او حقوده او يعبون راسه روحي لهم بشرط هو يكون معاااك ويجلس معاك او تجلسون كلكم جماعه انتي وهم وعمك وخلاص اما لحالك قولي له انا ماابي اقعد معاهم لحالي عشان لا تصير لي مواقف بس بنفس الوقت ماودي اقطعهم واقطع عمي عشان يعرف انك سوتي ال عليك وزياده وسالفه المصرووووف لا تحسسيه انك عندك فلوس قولي له علي قروض واساعد امي اذا انت ماعطيتني من يعطين يوبين كل كم شهر اطلبي منه هدايا او شغلات بسيطه اهم شي يصرف عليك حتي لو بالقليل

اول شي لازم ومن فوق خشمه يمشي لك مصروف وماله دخل براتبك ولايمد يده عليه واساسا مفروض مايجيب طاريه بتاتا!
و اذا عن خواته اذا هم كذا اشتري راحة بالك وابعدي عن الشر وغني له ، بس لاتقطعين عمك كلميه واسالي عنه عشان لو مهما صار يصف معاك ويكون عارف معدنك ايش..
وعن كلمة زوجك يوم يقولك ان اولاده بيطردونه ليش سكتي له؟ مفروض ماتمشينها له وكبرتيها لان يمكن بعدين بيتمادى !
مره ثانيه اوقفي بحلقه اذا غلط او جرحك بكلمه لو انتي اللي قايله او مكلمته بهالاسلوب والله لايوريك الويل!
افرضي احترامك عليه وخليه يحسب الف حساب للكلمه اللي يقولها!!!
الله يهديهم ويهدي زوجك ويسخره لك يارب هو واهله ❤❤

مالك شغل باهله حاولي قدر الممكن تحتوين زوجك وبهدوء تفهمينه اللي مزعجك من ناحية المصروف والتعامل وبوقت يكون مناسب وبجوء جميل اما أهله فعامليهم بمايرضى الله وانسي انك تتكلمين فيهم قدّامه