شاركي في النقاش

سجلي الدخول لإضافة تعليق.

التعليقات

2,034
  1. @tnshd_alsaaadh

    بسم الله
    راح ابداء لكم من الشهر الثامن انا عايشه بعيد عن اهلي جات امي عندي من بدايه الشهر الثامن وصرت اتقضى انا وياه تقريبا يوميا نطلع السوق
    واول اكشن صار لي بسوق محمود سعيد كنت جايه من سوق ثاني مع ليموزين وكنت شايله اكياس ونزلت وطاحت شنطتي جوات السياره وكان فيها جوالي ومحفظتي وصرت اركض وراه وهو يمشي بشويش لانه زحمه الطريق وادق على شنطه السياره ابغاه يوقف وهو مطنشني طبعا فذيك اللحظه نسيت اني حامل وركضت والله من غير حيل بعدين اتصلت على جوالي من جوال امي ورد على الباكستاني ابن الكلب وقال معليش مدام مافي خوف انا مافي حرامي ابوصل الزبون اللى معي وارجع لك الشنطه طبعا هو كان قدامي يمشي ومامعه اي زبون بس انا الغبيه صدقته وقعدت ثلاث ساعات بالسوق استناه يرجع لي وقتها زوجي كان دوامه مايخلص ال 11 بالليل فجاء علينا وجلسنا معاه نستنا الاخ الين الساعه 12 وطبعا راح الجوال بصوري وصور زوجي ومبلغ 800 ريال هذا اول اكشن
    بعد كذا سافرت لهلي علشان ناويه اولد عندهم والمستشفى اللى هناك حكومي ومافي الا مستشفى واحد خاص ومره معفن يعني التجارب اللى قريتها وعرفتها عنه ماتساعد اني اجزم واولد فيه
    صرت اتابع بالحكومي كل اسبوع وكل زياره تطلع لي دكتوره شكل اول موقف لي معاهم قالت لي انتي مستمره الين الان على الكالسيوم ومسبب كبر حجم راس الجنين خلاص وقفي كالسيوم
    وطبعا خوفني كلامها ووقفت كالسيوم رغم ان الاستشاريه اللى كنت اتابع معاها ايام الحمل كله ماقالت لي وقفيه
    اول اسبوع دخلت فيه التاسع كنا رمضان وطلعت بعد العشاء اتروش ونزلت وانسدحت عند امي ربع ساعه تقريبا الا بداء معاي الم في ظهري استمر الالم الين الساعه 1 بالليل وقتها كانوا اهلي جالسين بيتعشون وانا اتقلب على الكنب واصيح من ظهري ياحياتي ابوي ماقدر ياكل رمى الملعقه وقال يالله مشينا على المستشفى لما رحنا كشفوا وقالوا مفتوح 2 سانتي ونص ولازم تنويم او تطلعين على مسؤليتك
    اللى يضحك بالموضوع انه فيه حرمه تنتظر بعدي وكانت واقفه وساكته وانا كنت جالسه بالعربيه واصيح من ظهري وبطني لما كشفوا على الحرمه اللى واقفه لقيوها مفتوح عندها الرحم 5 سانتي ولا قالت ولا حتى مشاء الله اي انا بلعت العافيه واستحيت من نفسي طبعا على طول قدموها على وصاروا يسوون اوراقها وانا امي نطالع فيها ونذكر الله
    لما جاء وقت ترقيدي رفضوا ان امي تكون معاي قام ابوي راح للمدير المناوب وقاله لو احنا عندنا لها حل بالبيت كان ماجبناها وماتدخل الا مع امها وفعلا دخلت مع امي وكنت بغرفه امراض الولاده ومعاي اربع حريم كلهم مستغربات فيني ويسالون امي ليش بنتك هنا اشبها قالت لهم ولاده قالوا بس مالها بطن ههههههههه كيف ولاده
    طبعا جاء فجر الثلاثاء وانا عندهم وطلقي مره برد يوم الاربعاء قلت لهم خلاص ابغى اطلع مافي طلق راح قالوا مانقدر انطلعك وانتي مفتوح عندك الرحم
    استنيت يوم الاربعاء من غير اي طلق يوم الخميس الظهر جاني الدكتور وقلت له ابغى اطلع خلاص مافيني شي وقال مانقدر قلت له والحل طيب قال نعطيك طلق صناعي قلت طيب قال تبغى ابره ولا تحميله قلت له ابغى الاقوى قام اعطوني تحميله وبعدها بشوي اعطوني الحقنه اللى تنظف البطن وانتم بكرامه
    العصر بدي مفعول الطلق وكمان مفعول الحقنه فصرت اطلق واتردد على الحمام من فجعت ماشفت كنت ادخل الحمام واخلي الباب مفتوح واجلس انادي امي وابكي وهي واقفه ياقلبي عليها معاي وتقولي عادي لازم ينظف كل اللى في بطنك وناسيه انه معنا جريم ثانيات بالغرفه انفضحت عندهم
    طبعا امي ناسيه الحمل وتعبه من بعدي وقامت اتصلت على خالتي وقالت تعالي ساعديني عليها صارت هي وخالتي يمسدون ظهري واني انواع التقلب بالفراش وانواع التفرك على بطني امي كل اشوي تقلبني وتقولي الولد لا يجيه شي تحتك
    بعد العشاء جات دكتوره سبق اني شفتها وقت المتابعه باكستانيه وقالت راح اخذك لكشك الولاده ونعطيك مهدات وعلشان نهتم فيك اكثر قلت طيب ورحت معاهم احسب امي بتكون معي
    -----انتهى الجزء الاول-----

  2. @um_retal

    صرخة الريميه
    غبت عنكم في التجمعات السابقه كان عندي ولاده مبكره في السادس 😢 وعطوني أبر الرئة وتنومت والحمد لله خرجت أمس انا الآن في بداية السابع والله يتمم علينا أحس اني مابكمل التاسع من الآلام اللي معي
    الحمدلله على سلامتك اهم شي انك ماولدتي بالسادس وكلها شهرين وترتاحين من الالم الله يعينك ان شالله ياقلبي 🌷🌷

تابعي تجارب أخرى من هذا القسم.