شاركي في النقاش

سجلي الدخول لإضافة تعليق.

التعليقات

2,034

  2. @tnshd_alsaaadh

    دخلت الكشك الساعه 9 بالليل تقريبا وكانوا اهلي برا يستنون ومو راضين يدخلون احد معاي وطلع الكشك اللى تقول عليه قسم ولاده الحاله مستقل فيه غرف عمليات وغرف تحضير ولاده كل غرفه بسريرين وفيه غرف الدكتورات
    بالبدايه دخلت كانت فيه وحده يجهزونها للولاده والله يستر عليها شفت كل شي ماكانوا مغطينها ولا مقفلين الستاره وبلعت العافيه وقتها وماكان معاي جوال وقلت ابكلم امي من قوة الطلق طاح التلفون حقهم من ايدي وانكسر
    وعصبوا على الممرضات ليش تكسرينه وبعدين ربي رزقني بمررضه مره حبوبه اعطتني كتاب ادعيه للولاده وقالت لي لا تصرخين وعلمتني كيف اخذ نفس وقت الولاده وسلمت على وقالت ان شفتها انتهاء وبتروح انا طبعا ماقدرت اقعد بالفراش من التعب والخوف صرت اقولهم ابغى امي وامي براء تتشحذهم يدخلوني يقولن لها بنتك نايمه وانا يقولون لي ماما مافي
    الا والا ابي اقنعهم ان امي تستنى بالباب وهم مو راضين ابد تدخل صرت اقولهم طيب يالله ولدوني ابغى اطلع قالت وحده من الممرضات انتي بكر مافي ولاده ذلحين شوف طاقه واستنى صباح يجي انتي مافي ولاده الا بكرا صباح انا طبعا وقتها بلعت العافيه كيف مافي ولاده طيب طلعيني لمي واذا جات الولاده رجعيني طبعا المهدات اللى قالت عليها الدكتور طلع كمام بس ماشرحوا لي كيف طريقته حطوه جمبي وبس وانا ماستخدمته
    صرت كل عشر دقايق والله من غير مبالغه افك جهاز التخطيط واقوم اوقف لهم بالسيب واقول ابغى الحمام اورح للحمام ويرجعوني الفراش ويركبون التخطيط وارجع افكه وعلى هالسيره الين اخر الليل وانا بس اتردد طبعا هم شانت اخلاقهم وصاروا يصرخون على وينادوا باسم باعلى صوت انه يالله روحي نامي وانا اقولهم انتم ولدتوا من قبل كيف تقولون لي نامي وانا بولد انتم ماتحسون امي ياقلبي عليها قايله لي اذا جاء الدكتور اتغطي
    قريب الفجر جاني الدكتور وقمت ايش سويت بست يده وقلت له دكتور الله يخليك لا تطلع الا وانت مولدني ابي اروح لمي صار يضحك وقال اشوي واجي اولدك
    لما طلع الصباح وماعطوني وجه وانا تعبت من كثر ماامشى ولا نوم ولا اكل ولا شي قمت ياحبيباتي وقفت بنص السيب وقلت لهم ترا الراس نزل من وين جبت هالجمله مااعرف ولا افهم اصلا ايش تعني بس كذا قلتها
    فجأة القي الممرضات والدكتورات يجرون وراي وانا امشي بكل هدواء طلعوني السرير وكشفت على وقالت شي للمرضه راحت جابت خشبه نحييييفه وطويله ودخلتها وحسيت بشي حار نزل مني قالت يالله قومي اركبي العربيه
    قلت لها ليش خلاص انا ولاده قالت ايوة انتي ولاده طبعا دخلوني غرفه الولاده مره كبيره وبارده ومافيها الا السرير ابو نص جلست وكانوا طول الوقت يضربوني علشان انسدح وارفع رجولي يعني كل تعاملهم بالضرب مو بالكلام وكان معاي اربع دكتوورات ثنتين متزاعلات من بعض ويبسوا راس بعض انتي سامحيني والثاني تقول لا والله انتي اللى تسامحيني والدكتوره الباكساتيه غير اللى دخلتني بالليل جالسه تاكل في اظافيرها واتطالع فيني والدكتوره الرابعه شكله حقت النونو لانه جالسه اتجهز اشياءه طبعا بديت ادفع وماطولت الحمد لله اشوي كذا جاء الدكتور وقال لي انتي بتولدين من غيري ليش ماستنيتيني قلت له تعال ماراح ينفعني الا انت وطبعا جاء وصار يضغط على بطني وطلع النونو حبيبي وقتها صرت ابكي والدكتور يضحك على ويقول احنا خلاص خلاصنا تبكين ليش وشاله من رجوله وحط راسه على صدري وصار يقولي بوسيه طبعا بهذي اللحظه نسييييت كل اللى مريت فيه وصرت اطالع فيهم وهم يكشفون عليه وينظفونه
    وماطلعوني من الكشك الا الظهر وانا كنت مولده الساعه 8 الصباح وبعدها قعدت يومين مانمت من الفرحه والخوف وكل شي هههههههههه
    وبس ياحبيباتي هذا اكشن ولادتي في بكري حبيبي

  3. @um_retal

    تنشد السعاده
    بسم الله راح ابداء لكم من الشهر الثامن انا عايشه بعيد عن اهلي جات امي عندي من بدايه الشهر الثامن وصرت اتقضى انا وياه تقريبا يوميا نطلع السوق واول اكشن صار لي بسوق محمود سعيد كنت جايه من سوق ثاني مع ليموزين وكنت شايله اكياس ونزلت وطاحت شن…
    ضحكتيني الله يسعدك تخيلتك تركضين ورى الليموزين بكرشتك 😂😂

    ياعيوني ياامهاتنا بس 😭

  5. @h_ya_1

    تنشد السعاده
    دخلت الكشك الساعه 9 بالليل تقريبا وكانوا اهلي برا يستنون ومو راضين يدخلون احد معاي وطلع الكشك اللى تقول عليه قسم ولاده الحاله مستقل فيه غرف عمليات وغرف تحضير ولاده كل غرفه بسريرين وفيه غرف الدكتورات بالبدايه دخلت كانت فيه وحده يجهزونها لل…
    ياقلبي عليك قصتك ممليانه رعب وضحك
    اجل تبوسين يده ههههههههههههه اثرت فيه البوسه يوم يقول تولدين من غيري😂😂😂😂😂

    فعلاً شوفه البيبي تنسينا كل الالام والمتاعب
    يارب لاتحرم انثى من ضمه ضناها 💞😍

تابعي تجارب أخرى من هذا القسم.