بقدومه هلت البشاير 💖🎉🎉💙 و صوته هز المشاعر التجمع (4) لأحلى مواليد سبتمبر و اكتوب

ماشاءالله مبروك للي ولدو وعقبالنا ان شاء الله كب كيك عندي خطه توحد لون الجسم وانا معتمدتها بحمل أو بدون طريقتي( علبه صغيره فازلين صغيره- علبة وسط جلسوريد الاحمر- عصير ليمونه وحده- ربع كوب ماء ورد- ربع كوب زيت جلسرين) طريقتي بالأهتمام بالأربعين بعد مااصحى من الولاده وهم الخياط والبلاوي بعد اول اسبوعين تقريباً ادهن جسمي كامل كل يوم من الخلطه هاذي ووجهي اخذ قد حبة العدس من كريم رتن اي وحبه قد حبة العدس كريم سيتافيل واخلطهم مع بعض وادهن وجهي وابعد عن حول الفم والعين واستخدم واقي وكريم للعين مافيه شي محدد اللي يناسبك واخر الاربعين اسوي لي جلستين حمام مغربي اذا سويتي كذا اضمن لك ان شاء الله بتطلعين من الاربعين زي الحلاوه

كيفكم بنات وحده وحده رجعت لكم والشوق غالبني
بكتب قصة ولادتي الي اعتبرها من قصص الفرج بعد العسر
تذكرون الجمعه الصبح كنت اقول بروح لتنويم رحت لهم لطواري وكشفو قالو فاتح 3 وانا افرح واحمد ربي لان قبلها بيوم كان مازال مسكر وتعرفون كنت مطوفه ولازم يولدوني .المهم وضليت بالطواري تحت لين لقو سرير بالكشك وهم كل فتره يسوون تخطيط ومافي طلق وطلعوني فوق للكشك على 11بالليل وقالو بس فاتح يادوب 2 وتحطمت وسوت تحريض لعل يفيد واستمريت على المشي وتمارين الحوض واقرا على نفسي وادعي .يوم صار من البكره السبت الصباح كشفو قالو وش جابك للكشك ماحولك ولاده يادوب واحد فاتح 😭ولازم ننقلك لتنويم وتحاميل وطلق بس انتظري نلقى سرير
جلست بالكشك يوم ونص وكل الي جو بعدي يولدن ويطلعن الا انا بس سخرني ربي اخدمهن واشوف الي تحتاج شي اساعدها واغير لبيبياتهن تعرفون الحكومي يحذفون المولود عليك ولا يهتمون وكانن يدعن لي كثير والحمدلله ماجا العصر الا لقو سرير وقالو يالله اطلعي تنويم قلت معي مغص طيب عطوني مسكن ولا شوفو يمكن طلق ومحد يرد علي
واروح لدكتور واترجاه يشوف حالتي ماصرت امشي من المغص قال للمرضه اكشفي عليها وكشفت قالت ماشالله 4 فاتح وانا احمد ربي وصار يزيد المغص بس طبعا بالتخطيط مافي طلق بس هو المغص لحاله طايحه بسريري من قوته وينفك المويه واناديهم ومايردون وصار يجي الطلق ويروح لين ماعاد الحق نفسي واناديهم مايردون لين سمعوني ادفع قالو خلاص وقفي بنشوف كم فتح قلت بيطلع بسرعه شقوني لاني مسويه تجميل وجات تكشف وهي تصيح يادكتور ولاده ولاده ويجي وبسرعه يرفعون رجولي فوق ويقولون لاتدفين اصبري وسو لي توسعه بس من الطلق ماحسيت بالشق قال ادفعي وادفع وانا ساكته ماصرخت لين طلع الحمدلله

جمانة الحمدلله يارب الله فرجها عليك من جد لاطبيعي ولا عملية الولادة ولادة
فيروزة يالله شايلة هم اكتئاب النفاس من هالحين والله هالايام مرة حاسة اني مكتئبة وخايفة وخصوصاً اهلي مو عندي الله يعين بس انتي الحمدلله هانت كلها كم يوم وتبدئين تصلين
ومبرووك لكل اللي ولدوا الله يسهل عليكم النفاس

😍ماقصرتي عسى ربي يعافيك ويسهلك امورك يارب
بجربها ان شاء الله انا اليوم 14 يوم من الولاده والحمدلله احس اموري تمام علشان كذا قلت ببدا بالخلطات والتنظيفات وخاصه فيه اثار حبوب وجروح بجسمي ودي انها تروح وبعتمد طريقتي مع الحمام المغربي باخر النفاس .
وجزاك الله خير ماقصرتي🌹

كانت اسهل واسرع ولاده الحمدلله لدرجه مو مصدقه واحمد ربي وابوس الممرضات من الفرحه
وبس خلصو مني حطو بنتي بجنبي وطلعو وماعاد شفتهم الا الساعه 11 وبالليل والله وانا والد بعد المغرب تخيلو
بعد ماطلعو جتني دوخه لدرجة اسمع بنتي تصيح ماشوفها ورجولي بتكسر من الالم واصيح انادي محد يرد احس افقد وعيي ويرجع كم مره وحسرانه وحالتي حاله لين اخر شي صرت ادعي عليهم اقول حسبي الله عليكم والله لشكيكم بعدين للمدير والله ماسامحكم الممرضات السعوديات رحموني وارسلو عاملة نظافه تخيلو قالو وديها الحمام قلت ماشوف من الدوخه عطوني اقل شي مغذي وقالو ليش ماتعشيتي يالله تعشي من وين اتعشى خل اول اقدر افتح عيوني
ودتني العامله وغيرت لبسي وودوني على غرفة الافاقه والمغص والدوخه بدت تخف بس رجولي تكسرن اصيح مثل الطفل قالت الدكتوره عادي عشان رفعناها وقت الولاده لاني ولدت بسرير عادي وظطرو يشقلبوني فوق وعطتني بروفين بس
وكتبو لي خروج بعد الظهر ماصدقت على الله طلعت ورحت بيتي لقيت الدفى والاهتمام والحمدلله خفت الحين ابشركم بافضل حال
عاد باقي الخياطه متعبتني لاني كنت تجميل ووسعو كثير وخاطو كثير احس مو مرتبه بس خلاص مالي نفس اتاكد منها الحين
وابشركم بنوتتي مثل القمر