شاركي في النقاش

سجلي الدخول لإضافة تعليق.

التعليقات

85
  1. @26_1

    لا طبعآ لا ترمي نفسهآ هالرمية


    والله لو عاجبها كشخص ترى ما يندرى عن خوافيه


    ويليتها بتشوفه ولا بتتهنى فيه بالعكس بتصير مربيه لثلاث اطفال و ما تشوفه الا نايم ولا طالع يقول السلام عليكم انا ماشي


    واصلا محد اقتنع بالسبب اول مره اسمع واحد يطلق زوجته السوريه عشانها بتروح لسوريا اصلا وش يوديهآ سوريا ؟!!


    صاحين انتم ؟ اخاف انها هاجة منه


    ما فيه اي شي يخليها تفكر فيه الا افكار المراهقه : احبه و بتحمل اي شي عشانه


    تراه سعودي مثله مثل غيره و لو فيه ذرة عقل كان ما خطب عشرينيه بكر


    لا ورافض الشغاله يعني يبيها تصير شغاله و مربيه و زوجه ماشالله ذكي
  2. @lkyt_rohyy

    استخيري الله سبحانه....وحطي في بالك ان زوجك ماراح تشوفيه كثير ودائما مشغول واهتمامه بكم بيكون قليل وموزع بينك وبين الاطفال بسبب ضروف عمله...روحتك لاهلك بتصير ثقيله ومعك الصغار وممكن لو طلعو مزعجين او حركيين اهلك يتضايقو منك ومن جيتك....بتروحين لصديقتك هم معك .،،بتطلعين السوق المطعم عند جماعتك اقاربك هم معك...بتضطري في الجمعات النسائيه تجاوبي اسألة المتطفلات كيف عايشه وكيف ماخذه حريتك
    ولو حملتي وصرتي نفاس عند اهلك كل بزارينك معك فتره نفاسك ومدري وش راي اهلك لانها فتره طويله وممكن علشان المدارس زوجك يقول نفاسك ببيتك علشان مدارس العيال مين يهتم فيهم
    وووووالخ

    صديقتي جابت بنت وزوجها جاب بناته ممكن بعد سنتين من زواجه بنتين تعالي شوفي نفسيتها داااائما مشاكل وبكا
    فقدت حريتها وماصار عندها مملكه مثل اول وعشقها لزوجها انقلب حرب بينهم وضاعت المشاعر الحلوه اللي كانت بينهم
    جابهم وهي حامل بالطفل الثاني فصارت مسؤله عن 3اطفال والرابع بالطريق صارت مبهذله نفسها على الاخير ودايم حزينه
    وماتطلع من بيتها لانها صارت ثقيله ماعاد تنقلها بين صديقاتها خفيف غير اساله الناس اللي تغث لو انا منك مااستحملهم لوانا
    بمكانك مقدر اعيش معهم كيف البس واخذ راحتي وادلع الخ تفاهات المتطفلات خرابات البيوت بدال مايشجعوها كونها
    انحطت بالامر الواقع
    بيتك راح يكون في حركه مستمره انسي الهدوء والنوم الطويل غير اذا طفل مرض او ماجاه بالليل نوم بتصيرين قلقانه لنتي
    قادره تنامي ولنتي قادره تخليه بروحه
    قيسي الامر من جميع الجوانب مانبي بكره تكوني من النادمين لان واضح من وصفك انك ضعيفه وصبرك قليل لان التدريس
    يبيله نفسيه رايقه وصبر وانتي ماتحبي تدرسي احد ؟الاطفال امانه لازم تكوني قدها بعيد كل البعد عن ضربهم وضلمهم
    واهانتهم توقعي منهم العنبيد ومنهم اللي لسانه طويل ومنهم الطيوب ومنهم ممكن اللي يمد يدها ويصارخ عليك يعني نفسيات مختلفه
    الطفل الصغير لازم غيارات وتعليم حمام وتحملي لو بال او تبرز بالارض او على السجاد انك تنظفي حوسته وماتضربيه
    وتغسلين له وتسبحيه هذي الاشياء يبيلها قلب كبييييير وصبر والله مافي مثل الأم مهما بلغت مرت الاب من حنانها
    احلامك وطموحاتك ممكن تبدا تقل بكثير لان يومك كله مشغول مع الاطفال ولو حملتي تعب حمل وغثيان واطفال
    وطبخ وتدريس وصحيهم الصبح المدرسه وسوي فطور ولبسي يمكن تستفرغي من غثيان الحمل وماتلقي احد يهون عليك
    ويساعدك لان وقتها زوجك بالعمل تبغين احد يحس بتعبك ماتلقين لان الاطفال صغار ومالهم ذنب يبون اهتمام وماكل
    ومشربورعايه ولايتأذون او يتضاربون او يدخلون المطبخ يلعبون بالسكاكين او الغاز
    يعني لازم تكوني عين تسهر لراحتهم لانهم امانه وتتنازلي عن راحتك وطلعاتك ودخلاتك بسبب ضروف الدوام الطويله
    يعني بتكوني حولهم24ساعه وابوهم ماراح يرضى عليك اي ضرب لهم او هواش او عتاب حاد لانك انت مرت اب بنظره مو
    امهم يعني نفسيتك بتكون تعبانه مابين تأنبيب الضمير والخوف عليهم وتعب منهم وجلوس طويل بين جدران البيت...


    هذا اللي قدرت اشرحه لك علشان تكوني على بينه وانت استشرتي واعطيتك اللي جا في بالي من الامور اللي ممكن
    تجاهلتيها شوفي نفسك انا اقدر اتحملهم واراعيهم بما يرضي الله واكون ام واخت وصديقه لهم واصبر على اذاهم لي
    بقدر استغنى عن حريتي وان يكون لي مملكه خاصه مع زوجي واخذ راحتي من جميع النواحي
    استخيري الله وفكري وادعي ربك يختارلك الخيره سبحانه لايكلف نفسا الا وسعها فكري بعقلك وتجاهلي قلبك
    والمغريات اللي قدامك من وظيفه او جمال اومال ومركز عند الخطيب


    الله يوفقك لما يحبه ويرضاه ويسهل امرك كلهويجعله بردا وسلاما عليك
  3. ماله أمان
    زوجته طلقها هالوقح هالنذل بطرفة عين وحتى ماخلى
    لرجعتها باب مفتوح تشوف أطفالها الله لايسامحه
    ولايبيحه ولا يحلله
    أجل قلبه طيب وحنون ايش دراك ايش عرفك؟
    صدقتوا كلامه بكل سهولة بالقصة الي حبكها عن زوجته
    المسكينة اصلا شي مايدخل العقل من كلامك عنه
    مارتحت له يبذلها بيبي ستر لأولاده وبالمجمل طباخة
    وغسالة وهو يخلص شغله ويحط رأسه وينام
    وهي اضلها مفتحة عيونها ماتغمضهم حارس عند الباب
    ومعها عصا
    وهي تقول ما ابغى شغالة مو متطمنة للشغالات أما هي
    تقوم وتكرف وتنام بدون حراك .
    خليها تستخير واحد مثل هذا مامنه الرجا ولا فيه
    خير

تابعي تجارب أخرى من هذا القسم.