بقدومه هلت البشاير 💖🎉🎉💙 و صوته هز المشاعر التجمع (4) لأحلى مواليد سبتمبر و اكتوب

تغاريد ان شاء الله يحمى الطلق وتولدين وتبشرينا بسلامتك

اكتب لكم اكشني في الملاحظات عشان سهولة الكتابه ثم انقله هنا انتظروني :)

الله يجزاكم خير طمنتوني انا خائفة من ناحية الرئه ماتكون مكتمله ، هي متى تكتمل ﻻني مو ماخذه ابرة الرئه

اول شي طال عمركم انا كنت بثاني اسبوع في التاسع ححساب السونار والدكتور كان يومي عادي اللهم الا ظهري يعورني اقوى شوي من دايم بس اهملته وقاعده اشتغل ببيتي سلام سلام المغرب تقوى علي شوي بس قلت خلاص بهون من مشوار حجز الحلاوة واسولف عادي لان الالام محتمله لكن زوجي يقول وجهك كتغير فيك شي وطفشت من كثر ما اشكي من الطلوق الكذابه
بعد العشا انفتق علي شي وانا متكيه بسم الله وش ذا شي من تحت جلست لين ماتطمنت الحمدلله تمام وقفت على طول المياة تنزل مني وكل مالها تزيد كلمت دكتورتي اللي اباها تولدني تقابلني في المستشفى دخلت الطواري كشفت لقت مفتوح 2 سم كان رهبة مره انه وقت ولادة فجأة وبمجرد مانزلت مني المويات حسيت بالام ببطني من فوق لتحت عرف انها طلوق واخذت تزيد وتزيد
ودوني الاشعه يشوفو النونو كيف طلع تمام بس مانزل الحوض سبحان الله كان موعد فحص الحوض قريب بس ربي ما قدر الحقه
طلعوني الولادة وركبو جهاز الطلق والنبض جات الطبيبه المناوبه وتكشف تلقاه مفتوح 5 جات بعدها دكتورتي وكشفت لقته 7 كل هذا والطلق يزيد لما كشفت الدكتورة كانت تحاول تسحبه على تحت بغيت اموت دخلتني غرفة الولادة عشان الاكسجين يخفف من الامي واتوسع هناكه لين 9 وعلمتني الدفع وحاولت تعمل نفس الحركه تسحب النونو لاسفل قلت لها مره يألمني قالت بس لازم
والطلق كل ماله يزيد وتجي وتروح علي وتقول ادفعي وتوسع قالت في النهايه احتمال تخشي عمليات لو مانزل البيبي للحوض لانه المويات نقصت حيل والنبض يقل عندك عظمتين تصده عن النزول والبيبي حقك كبير وزنه 3 الا ماشاءالله بس انتي اشتغلي مع كل طلقة ادفعي جاتني بعد طلقتين ونفضت يدها وقالت لازم عمليه بنادي دكتور طارق هو احسن واحد يعمل عمليات في المستشفى قلت لها قولي هالكلام لزوجي المهم ووافق زوجي ونقلوني للعمليات والطلق شغال الله يكتب الاجر وكان الفريق طيبين حيل وخدروني موضعي لما خدروني راح كل الالم اللهم لك الحمد وجا دكتور طارق ما كأنه يعرفني او كنت اتابع حملي عنده على طول حط يده وطلع النونو كانت لحظه مهيبه بمعنى الكلمة لما تخرج روح من روحك الدكتورة اللي استدعيتها تولدني طبيعي كانت معي اول باول
جلست ابكي بشكل هستيري لما طلع النونو وكنت ادعي كثير وجاتني طبيبة الاطفال قالت انا عملت مثلك لاني كنت متأخره عن الحمل
وجابوه لي وبسته وبعدين شالوه ونقلوني لغرفه لحدة مايستقر وضعي وودوني التنويم وبس تقريبا هاذي الاشياء المهمة
اعوذبالله ادري انه من الشيطان لانه يحب يحزن قلب المؤمن بس احس كنت اقدر اولد طبيعي لكن طبيبتي ماشدت حيلها او انها خافت تجازف مع العلم انه الطبيبة المناوبه جاتني بعد ماولدت قالت بشري طبيعي والا عمليه قلت عمليه قالت كنت حاسه لان عظام حوضك كثير والبيبي كبير لو صغير كان مر مدري والله يابنات معقوله بتصير كل ولاداتي عمليه مره خايفه الحمدلله عكل حااال والله لطيف بعباده برزق من يشاء بغير حساب

بنات أنا بكرية وصرراحة ماعرف متى بالضبط يدخل التاسع وآخر موعد لي نسيت اسال دكتورتي :(
اليوم لي بالضبط 35 اسبوع
افيدوني متى ادخله ومتى انتظر ولادتي يعني بعد التاسع باسبوع او كم يوم