شعري ابيض+مصلعه وانا توني في ال19

انا انصحج تروحين لدكتور وتسوين تحليل لاني اعرف ان اللي فيهم ارتفاع بالهرمونات يخف شعرهم بمقدمه الراس وانا متاكده اما الشيب اظن نقص فيتامينات تسبب الشيب
وان شاء الله الله يشفيج ويشفينا وانا انصحج الاول دكتور لان مافي خلطه تعالج شي داخلي

مشكوووورات فديتكن ومماقصرتن

بصراحه اختي ما عندي حل للشعر الابيض لكن اتمني ان الله يرزقج بشعر روعة ويرزقج العافيه

اختي نصيحه سيري سوي لج فحوصات حرام انتي توج صغيره وتساقط الشعر بهالعمر يكون نتيجه مرض معين ممكن يكون فقر دم او فقدان عناصر مهمه ممكن تتعوض بفيتامينات وادويه هذا اول شي

شي ثاني عادي الشيب بعمرج وغالبا يكون وراثي وانا اذكر اول شعرة شيب طلعت عندي كنت بصف سادس ابتدائي /) وهالشي وراثه بعائلتنا للاسف

ونصيحه اذا مب وايد ولا واضح طنشيه لانج يوم تبدين بالصبغ تتعودين ولازم تصبغين باستمرار

ولو بديتي بالصبغ استعملي صبغه طبيعيه بالاعشاب او صبغه على الاقل من غير امونيا فيه صبغه من لوريال الوانها روعه اسمها كاستنق ومن غير امونيا وتنعم الشعر وماتضرهCASTING

وبالنسبه للمكان اللي بدا فيه الفراغ فيه ادويه معروفه كثيره ممكن تنشط نمو الشعر من جديد ولاتهملين الموضوع كل ماتاخر كلما كان اعادة انبات الشعر اصعب

وافضل دواء للحين لاعادة انبات الشعر هو دواء عالمي معروف اسمه ريقين Regain

واعتقد اسمه الكيميائي مينوكسيديل وله عدة تركيبات واسماء مختفه بالسوق وهو افضل دواء للصلع حتى الان ويعطي نتايج جيده بعد عدة شهور

بس اول شي تسوين تحاليل لكل شي عن طريق طبيب جلديه وباذن الله يرد شعرج زين من الاول

وملاحظه مهمه : لو شعرج طويل ومتعوده دوم تمشطينه لورا غيري طريقه التسريحه حتى لايزداد التساقط ولو كنتي تسشورينه من جدام وايد خففي

وسلامتج وسلامة شعرج وان شالله تكون حاله مؤقته وتنتهي قريب :)