شاركي في النقاش

سجلي الدخول لإضافة تعليق.

التعليقات

21
  1. الله يفرج همي وهمك والمسلمين اجمعين ماادري هي موضه عند الامهات هالحركه
    امي مثل امك واردى وبما انها موظفه وعندها راتب دوامين ماشالله وراه ماتجيب لك شغاله
    الله يرزقنا العوض
  2. احس ان فيه شي ناقص
    امك طالبه منك شي وانت رافضه؟؟؟
    يعني مثلا رافضه وظيفه او اكمال دراسه او خطيب او اي شي؟؟؟؟
  3. حاولي مع امك
    اذا شفتيها مروقه اقعدي معها وسولفي لها واضحكي معها
    واذا عصبت ابتسمي بوجهها وقولي لها مايصير خاطرك الا طيب يالغاليه ياتاج راسي انتي وحبيها على راسها
    فاجئيها بشي تحبه بدون ما تطلبه او اذا رحتي للسوق او البقاله اشري لها اللي تحبه يعني بري بها ولا توقفييين ولك اجر بإذن الله

    وكلمي وحده من خالاتك تكون قريبه منك ومنها او اي وحده من صديقاتها اذا انتي تعرفينهن بس بدون ماتذكر لها انك شكيتي لها
    ادعي لها الله يطول بعمرها ويخليها لك ولنفسك الله يحنن قلبها عليك
  4. حبيبتي أقولها لك من الآخر
    احنا البنات كلنا نعاني في مجتمعنا من الظلم وان كان بدرجات متفاوتة
    والمشكلة الأساسية ان الأهل مو حاسين انهم ظالمينك
    واذا ما حس الظالم بظلمه تبقى هذي أكبر مشكلة


    طبيعي جدا عندنا تفضيل الولد واعطائه فوق حقه
    أما البنت لا
    لو شتغلت يبغون من راتبها
    لو ما اشتغلت يحسون انها عبئ كبير عليهم
    لو تزوجت غني عينهم في يدها
    ولو تزوجت فقير كرهوهها وكرهو دخلتها



    بخلاف الولد يزيدونه فوق راتبه
    يعطونه مهر -وزواج كبير - ويسكنونه
    يفرحون لمرته اذا توظفت، ويفتخرون فيها.


    باختصار أكثري من الاستغفار والدعاء
    فالله وحده هو من سيفرج همك

تابعي تجارب أخرى من هذا القسم.