خدر في الفخذ الأيمن من بعد ابرة الظهر 😢

مساء الخير
أنا قدر الله علي وطلبت ابرة الظهر على أساس بولد طبيعي اللي صار أنه تعسرت ولادتي وحولوني قيصري واعطوني بنج في المضخة اللي في ظهري تبع ابرة الظهر والحمد لله تمت الولادة على خير
اللي صار أنه ما فكوا المضخة اللي بظهري الا ثاني يوم بعد مطالبات مني لاني حسيتها تحركت من مكانها وتوجعني وماعد لها داعي أصلا وحسيت بتنميل في فخذي بس بسيط سألت دكتور التخدير قال مش من الابرة وطمني وطلعت من المستشفى بعد 3 أيام وما زال التنميل والخدر معي والان لي تقريبا 10 ايام من ولدت ولا زال هناك تخدير في الفخذ الأيمن مع ألم عند النوم عليه وألم غير مستمر في الرقبة مع صداع وصراحة خااايفة مرة سويت كمادات ماء حار ولا نفع وكمان مساج بزيت زيتون ولا فايدة وخايفة ارجع المستشفى ما صدقت خرجت من عندهم وأكيد لو فيه خطأ ما راح يعلموني عشان سمعة المستشفى
شوروا عليه وش أسوي وهل أحد مر بمثل حالتي

14 تعليق 42,484 مشاهدة

شاركي في النقاش

سجلي الدخول لإضافة تعليق.

التعليقات

14
  1. ادي حبيبتي انا مثلك بالضبط ولدت بابرة الظهر وجاني تنميل في فخذي لدرجة احسه ثقيل ومقدر اتحكم فيه وتعبت نفسيتي جدددا جدددددا في النفاس حسيت نفسي عاجزه
    طبعا السبب مو من ابرة الظهر السبب من جلستك اثناء الولاده فترة طويله على ظهرك بعد ماعطوك الابرة انا جلست على ظهري لمدة 10 ساعات ماتحركت وكان الضغط على جهة العصص سبب الضغط خدور في عصب الفخذ وقالي الدكتوره مفروض بعد مااعطوك الابرة القابله تقلبك يمين ويسار كل شوي عشان مايصير الضغط على الاعصاب من جهة الحوض والظهر ولو انك جالسه عند طبيب اسنان لمدة ساعه بس على نفس الوضعيه مااتحملتي بس انتي ضاغطه وانتي مو حااسه باي الم واخذ مني فترة النفاس كاامله وخف بتدريج الى ان اختفى تماما لله لايعيدها من معاناة يااارب صددق سببت لي اكتئاب واحباااط الله يعينك ويرفعك بالعافيه
  2. @skr222

    طبيعي فترة النفاس بعدين تخف مع الوقت عشان كذا المره هاذي ان شاء الله بولد من دون ابرة ظهر صراحه ماناسبتني ابداً
  3. @mgdon

    صاحبة الموضوع
    _سيف ابوها_
    ادي حبيبتي انا مثلك بالضبط ولدت بابرة الظهر وجاني تنميل في فخذي لدرجة احسه ثقيل ومقدر اتحكم فيه وتعبت نفسيتي جدددا جدددددا في النفاس حسيت نفسي عاجزه طبعا السبب مو من ابرة الظهر السبب من جلستك اثناء الولاده فترة طويله على ظهرك بعد ماعطوك …
    الله يطمن قلبك مثل ما طمنتيني يالله ما تتخيلين قد ايش هذا الموضوع ماخذ من نفسيتي
  4. @mgdon

    صاحبة الموضوع
    سكر222
    طبيعي فترة النفاس بعدين تخف مع الوقت عشان كذا المره هاذي ان شاء الله بولد من دون ابرة ظهر صراحه ماناسبتني ابداً
    يعني حتى أنتي عانيتي من هذا الموضوع يالله ليش ما يقولون لنا كل الاشياء اللي ممكن تصير معانا جلس الدكتور يعدد المضاعفات اللي ممكن تصير ما ذكر الخدر في الرجل
  5. @aml_aamry_0

    ماتشوفين شر مجدونه


    ممكن تذكرين لنا ايش قالك المضاعفات اللي ممكن تصير لاني صراحه افكر اخذها وبنفس الوقت خايفه منها

تابعي تجارب أخرى من هذا القسم.