بقدومه هلت البشاير 💖🎉🎉💙 و صوته هز المشاعر التجمع (4) لأحلى مواليد سبتمبر و اكتوب

الحمدلله على سلامتك صمت القرار ومبروك البنوته

مبرووووووووووووووك لكل اللي ولدوا والحمد لله على سلامتكم والله يحفظ لكم ما عطاكم
وعقبالنا ياااااااااااااااارب الله يفرجها

الحمد لله على سلامتك صمت القرار ومبروك على البنوتة وربي يقومك بالسلامة

السلام عليكم
يارب يارب يارب تهون ع الباقيات وتفرحهم بشوفة ضناهم سالمين
قصة الولاده
الله يسلمكم ويحفظكن صحيت يوم السبت الظهر سويت فطور وافطرنا وبدلت عيالي ورتبت شوي وانا زي الفل مافيني شي واجي انسدح ع الساعه ثنتين ابي أنام شوي تعرفون بالحمل بالليل مانام عدل وجاء زوجي وحصل جماع ونمت بدون مااغتسل وهالشي جاب لي الطلق من المني وصحيت ع اربعه تسبحت وصليت وانا اتسبح احس بمغص خفيف قلت عادي لأنو دائماً بعد الجماع يصير هالشي وصار يجيني الألم مستمر وحسبت له كان كل ثلاث دقايق مغص ويستمر تقريبا دقيقه وزوجي لاحظ علي وجلس عندي رفض يروح وانا أقول له عادي من الجماع مافيني ولاده واروح أشوف اغراضي وارتب بالبيت واحط لعيالي فواكه وكل ماجاني الألم أوقف واتنفس وأكمل شغلي وسبحان الله اخوي كان جاي هو وأهله يتغدون عند خالتي تحت واجلسوا للمغرب فقلت لزوجي خذ سيارة اخوي لأنو سيارتنا مع اخوي زوجي والحمدلله انو موجود ولاكان ولدت بالبيت قلت لزوجي خلني اروح الدكتوره اكشف ع أساس مراجعه واروح الساعه ست ونص وادخل عليها الساعه سبع وربع كلن عندها زحمه وطول مانا بالانتظار امشي واسولف مع الحريم وادخل عليها قلت دكتوره احس بمغص قالت روحي داخل اكشف واروح الله يسلمكم وتجي تكشف وتقولي خمسه وانا افتح فمي أقولها شنو مافيني حيل اولد ابي أنام وتضحك ويحطمون علي التخطيط كان الطلق عادي وأقوم امشي نص ساعه واسوي القرفصاء وادخل الحمام كل شوي أفضي المثانه واتوضا واصلي العشاء واجي الدكتوره تكشف وتقولي سبعه وتفتح الماي كانت الساعه ثمان وعشرين دقيقه وع كشك الولاده مايمديني حتى أبدل ملابسي رفعوا رجولي وأحس بالدف حتى الدكتوره ماكانت موجوده بتروح تشوف المرضى وتجلس الممرضه تصيح وتجي الدكتوره بسرعه بس لبست القلفز تقولي يالله هذا الراس وادف دفتين وتشرف حبيبة قلبي ياربي لك الحمدلله ع الساعه ثمان وخسمه وخمسين دقيقه وتجلس الدكتوره تخيط واروح لغرفتي ع الساعه تسع وأربعين دقيقه وأبشر زوجي وهو مو مصدق ياربي لك الحمدلله مثل الحلم الحمدلله الحمدلله
الله يهون عليكم وتكون الولاده بردا وسلاما وتطلعون بالسلامه مع نونواتكم

ماشاءالله تبارك الرحمن الحمدلله على السلامه. والحمدلله كانت ولادتك سهله ماشاءالله