السلام عليكم ورحمة الله وبركاته
أنا جديدة معكم في التجمع
محتاجه مشورتكم في مشكلتي .
أولاً : ركبت التقويم قبل سنه وثلاثة شهور تقريبا بدأت في مارس2014.
شد لي الدكتور مرتين وسافر وجاء واحد ثاني بدله
فقلت بما اني بأكلمل مع طبيب جديد وبعيد من بيتي بأنقل لفرعهم اللي جنب بيتي واكمل مع دكتور آخر .
واخذت السي دي حق الإشاعه وطبعة الأسنان
ورحت فرعهم اللي جنب بيتي ودخلت على طبيب الكل يمدحه وقبل لا اتكلم قال انا ما اتابع
يعني ما اكمل شغل عمله واحد غيري قلت له ضروفي وبعد تعب وطلب من زوجي وافق يكمل الشغل وقال انا
معترض على طريقة تركيب الحواصر
وتابع شغل الأول ومشى على الخطه وخلع لي الضاحك الخامس السفلي الأيمن
وشد لي مره بعد الخلع وقال لي سمعت ان دكتورك عاد من السفر ايش رايك ترجعي له لأن صار معاك ميلان او انحراف بالفك السفلي بسبب الحشوة الرافعه ( هذي حشوة حطها الطبيب الأول على الضرس الأخير في الفك العلوي على جهة وحدة وهي حشوة منتفخه زي الكوره علشان تمنع انغلاق الأسنان ) فالدكتور الحالي يقول سببت انحراف في الفك السفلي وقال لي
ايضا العضة المفتوحه احادية الجانب ما بأقدر اقفلها لك اعتذر منك لأني مو انا اللي اشتغلت لك من اول ارجعي لطبيبك يمكن عنده خطه او نظره اخرى قلت يا دكتور دامك تشوف الشغل غلط ولك عليه ملاحظات ايش رايك تفكه وتعمل لي تقويم جديد قال مضر للأسنان لازم ترتاح الأسنان 9شهور وبعدها نبدأ بالجديد بس روحي شوفي دكتورك اول لأنه رجع من السفر وصار يشتغل عند عيادات جديد بعد رجعته من السفر اعطاني اسم العيادات ورحت لها وسألت عن دكتوري اللي ركب لي التقويم قالوا جاء واشتغل معانا شهر وسافر نهائي
وفي ذيك اللحظه اسودت الدنيا في وجهي كنت حامل وصارت لي ضروف صحيه خلال الحمل انقطعت بسببها لمدة 9شهور و بسبب هذي الضروف ولدت قيصري والحمد لله الآن شفيت وخلصت الأربعين وناويه ارجع لكن احترت وين اروح هل ارجع للطبيب اللي جاء بعد اللي سافر والا للطبيب اللي جنب بيتي
ثانياً الدكتور شد لي بعد خلع الضاحك مره وحده فقط هل المده اللي معاد قدرت اشد فيها وهي 9شهوز هل هي بتخرب عليه والا ايش دلوني الله يوفقكم ويسعدكم ابغى شوركم
التجمع الحادي عشر للبنات (تقويم الاسنان)/ لا يوجد متابعة من قائدته + لا يوجد تفاعل
متابعة النقاش، صفحة 38